ESTER 1:18 - Dios Rimashca Shimicunami

¹⁸ Persia, Media shuti llajtacunata mandajcunapaj huarmicunapish, jatun mandajpaj huarmi chashna rurashcata cunantaj yachaj chayashpaca, chaita yuyachishpami paicunapaj cusacunataca mana cazui callaringacuna. Chashna mana cazujpica, p'iñanacuimari tiyanga.

ESTER 1:18 Iomraidhean Croise

1 REYES 11:3

Salomonpaj quiquin huarmicunaca 700mi carca. Caishuj huarmicunaca, 300mi carca. Chai huarmicunami Salomonpaj shungutaca, Diosmanta caruyachircacuna.

ESTER 1:17

Jatun mandaj huarmi chashna rurashcataca, tucui huarmicunami yachaj chayangacuna. Chaita yachaj chayashpaca: Jatun mandaj Asueroca, Vasti shuti paipaj huarmita cayanaman cachajpipish, paica mana cazushcachu carca nishpami, paicunapaj cusacunataca mana cazungacuna.

ESTER 1:19

Chashna cashcamantaca, can jatun mandajpaj yuyaipi alli cajpica, pipish mana shujtajyachipajta cashna mandashpa quillcayari: Vasti shuti jatun mandaj huarmica, jatun mandaj Asueropaj ñaupajpica ama ashtahuan ricurichun. Shinallataj jatun mandajca, chai huarmipaj randi jatun mandaj huarmi cachunca, chaita yalli alli huarmita churachun nishpa quillcachiyari. Chai mandashcata ama shujtajyachishca cachunca, chai quillcataca Persia, Media shuti llajtacunapi tiyaj mandashcacunapi churachiyari.

JUECES 5:29

Chaimi chaipi caj yachaisapa huarmicunapish, paipaj mamallatajpish: