ESTER 1:14 - Dios Rimashca Shimicunami

¹⁴ Chaipica paihuan alli apanacuj Carsena, Setar, Admata, Tarsis, Meres, Marsena, Memucán shuti canchis mandajcunami paihuan tiyacurcacuna. Paicunaca jatun mandajman alli yuyaita cujcunami carca. Paicunaca tucuicunata yalli alli nishca canapi churashcami carca. Chai mandajcunaca Persia, Media shuti llajtacunamantami carca.

ESTER 1:14 Iomraidhean Croise

2 REYES 25:19

Chai pueblomantaca macanacunata alli yachajcunata mandaj soldadota, chai pueblopi caj jatun mandajman yuyaita cuj pichca runacunata, chai llajtapi causajcunapaj shuticunata quillcashpa charij punta quillcaj soldadota, chai pueblollapitaj caj sujta chunga c'aricunatapishmi prezu aparca.

ESDRAS 7:14

Jatun mandaj ñucapish, ñucaman yuyaita cuj canchis runacunapishmi Judeapi, Jerusalenpi causacujcunaca cambaj maquipi caj Mandaj Diospaj mandashcapi nishca shinataj cazucushcata mana cazucushcata ricuchunmi cachanchij.

ESTER 1:15

Paicunatami jatun mandajca cashna tapurca: –Vasti shuti jatun mandaj ñuca huarmica, ñucapajta ruraj eunuco runacunata pushanaman cachajpimi, ñuca mandashcata mana cazun. Chashna rurashcamantaca, mandashcapi nishca shinaca ¿imatataj ruraipaj cani?– nishpami tapurca.

JEREMÍAS 52:25

Shinallataj Jerusalenpi causajcunapuramantaca, soldadocunata mandajtapish, jatun mandajhuan alli apanacuj, Jerusalenpi tiyacushca canchis cunaj yuyajcunatapish, macanacunata yachachingapaj chairaj c'aricunata tandachishpa shuticunata quillcajtapish, Jerusalenllapitaj cashca sujta chunga runacunatapishmi japirca.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Apocalipsis 22:4

Paitaca, ñahui ñahuimi ricungacuna. Paipaj shutitapish, paicunapaj frentepi churashcami canga.