ESTER 1:10 - Dios Rimashca Shimicunami

¹⁰ Jatun micui tucuri canchis punllapimi jatun mandaj Asueroca, vinota ubyashpa yallitaj cushicushpa tiyacurca. Chashna tiyacushpami paita servishpa paipaj ñaupajpi caj Mehumán, Bizta, Harbona, Bigta, Abagta, Zetar shuti, Carcas shuti canchis eunuco runacunataca cayarca.

ESTER 1:10 Iomraidhean Croise

GÉNESIS 43:34

Joseca paipaj huauquicunamanca, pai micunallatatajmi carachirca. Benjaminmanca caishuj huauquicunaman carashcamanta, pichca cutinhuan yallitami carachirca. Josepish paipaj huauquicunapish tandalla micushpa ubyashpaca, achcatami cushicurcacuna.

2 SAMUEL 13:28

Absalonca paipajta rurajcunataca: “Amnón ña vinohuan macharishpa paipaj shungupi cushicuihuan cajtaca alli chaparanguichij. Ña paita ñuca huañuchichij nijpica huañuchinguichijlla. Ñuca mandashca cashcamanta ama manchanguichijchu. Tucui fuerzahuan c'ari c'ari canguichij” nishpami rogashpa mandashca carca.

ESTER 1:9

Shinallataj jatun mandaj Vasti shuti huarmipish, paipaj cusa jatun mandaj Asuero cayashcacunapaj huarmicunahuanmi, mandana huasipi jatun micuita rurarca.

ESTER 3:15

Jatun mandajca quillcata apajcunataca, pai causacun Susa pueblopirajmi utca huillachirca. Chaita huillajpica, Susa pueblopi causajcunaca yallitaj llaquillami tucurcacuna. Ashtahuanpish jatun mandajhuan Amanhuanca ubyacurcacunami.

ESTER 7:9

Chashna rurashpami, jatun mandajta servij eunucocunapuramanta Harbona runaca: –Cai Amanca, paipaj huasipimi Mardoqueota sipichingapaj, ishqui chunga ishqui metro alto jatun caspita shayachishpa charicun. Mardoqueoca, can jatun mandajta shujtajcuna huañuchishun nicujpi, huillashpa quishpichircamari– nircami. Chashna nijpimi jatun mandajca: –Chai caspipica, paillatataj sipigrichij– nishpa mandarca.

PROVERBIOS 20:1

Vinopish, sidrapish mana cazushpa asijta, caparirishpa rimarijta ruranllami. Panda yuyaita japishpa chashna machashpalla purijca, yachaisapa cashcataca mana ricuchinchu.

PROVERBIOS 31:4

Lemuel, canca ama machanguichu. Chaica mana jatun mandajcunapajchu. Mandajcunapish vinota, sidrata mana ubyanllacunachu.

ECLESIASTÉS 10:19

Cushicui tiyashcamantami, jatun micuitaca rurarin. Causaj runacunataca, vinomi cushichin. Tucui chaicunapajpish cullquitajmari.

JUECES 16:25

Chashna paicunapaj shungupi cushicuihuan cashpami: “Pugllashpa cushicushpa asingapaj Sansonta pushamuichij” nijpi, carcelmanta Sansonta pushamujpica, filisteocunaca pugllashpa cushicushpa asircacuna. Chai q'uipaca pilarcuna chaupipimi churarcacuna.

JUECES 19:6

ishquindijtaj tiyarishpa micurcacuna, ubyarcacuna. Chaipipish chai huarmipaj yayaca: “Cunan tutallahuan caipi cushicungapaj saquiriyari” nircami.

RUT 3:7

Boozca ña tucui micushpa ubyashpa paipaj shungupi cushicuihuan cashpa cebada montón huashapi dormingapaj siririjpimi, Rutca allijlla rishpa Boozpaj chaqui c'atata allijlla alzashpa siririrca.