ESTER 1:1 - Dios Rimashca Shimicunami

¹ Jatun mandaj Asueroca, 127 llajtacunatami mandacurca. Pai mandacun llajtacunaca, India llajtamantaca Etiopía llajtacamami carca.

ESTER 1:1 Iomraidhean Croise

ESDRAS 4:6

Jatun mandaj Asuero mandai callarijpipish Judacunata, Jerusalencunata juchachishpami cutinllataj quillcata cacharcacuna.

ESTER 10:1

Jatun mandaj Asueroca, pai mandacun tucui llajtacunapi causajcunatapish, yacu c'uchupi caj llajtacunapi causajcunatapish, ashtahuan impuestota cuchunmi mandarca.

ESTER 2:3

Can jatun mandaj mandacun tucui llajtacunamantaca, tucui sumaj huarmicunata cai Susa pueblopi cambaj huarmicuna tiyacun huasiman cambaj apamuchunca, llajtacunata mandajcunamanmari mingana. Chai huarmicunata apamushpaca, sumajyachij jambicunahuan jambishpa allichichunca, cambaj huarmicunata cuidaj Hegai shuti eunuco runamanmari mingana.

ESTER 8:9

Chashna nijpica, chai punllallatajmi jatun mandajpaj quillcajcunataca utca tandachircacuna. Chai punllaca, chai huatapaj quimsa quilla caj Siván shuti quillapaj ishqui chunga quimsa punllami carca. Chai quillcajcunaca, Mardoqueo mandashcatami quillcarcacuna. India llajtamanta callarishpa, Etiopía llajtacamaca, 127 llajtacunapi causajcunapajmi, cada llajtapaj quiquin rimaicunapi ima shina quillcaj shinallataj entendinallata quillcarcacuna. Judiocunapajpish, satrapacunapajpish, caishuj mandajcunapajpish, cada llajtacunata mandajcunapajpishmi chashna quillcarcacuna. Judiocunapajpish, paicunapaj quiquin rimaipi entendinallatami quillcarcacuna.

ESTER 9:30

Chai punllacunataca, jatun mandaj Asuero mandacun, 127 llajtacunapi causaj tucui judiocunapajmi cacharcacuna. Chai quillcacunapica tucuicunata cushichingapajmi, sumaj shimicunahuan yuyachishpa quillcarcacuna.

ISAÍAS 18:1

Alascunahuan bullata ruraj llajtalla. Etiopía jatun yacucuna huashanijpi caj llajtalla.

ISAÍAS 37:9

Chaipi cashpami, Asiriata jatun mandajca Etiopiata jatun mandaj Tirhaca paihuan macanacungapaj llujshimushcata yachaj chayarca. Chaimi paica Ezequiaspajman paipaj randi parlanacujcunata cachashpaca:

DANIEL 11:2

Cunanca ñucaca chashnataj tucuna cashcatami canmanca ricuchigrini: Persia llajtapica, quimsa jatun mandajcuna tiyangarajmi. Quimsapaj q'uipa jatun mandajca ñaupaman mandajcunatapish yalli ashtahuan achcata charijmi tucunga. Paica pai achcata charishcahuan c'ari c'ari tucushpami, Grecia llajtata mandajhuan macanacunga.

DANIEL 6:1

Darioca pai mandacun tucui llajtacunata alli mandangapajca 120 satrapacunata churajpi alli cana cashcata ricushpami tucui llajtacunapi churarca.

DANIEL 9:1

Media shuti llajtamanta caj Asueropaj churi Dariomi caldeocunata jatun mandaj tucurca. Paica ñami shuj huatata mandacurca.