ESDRAS 9:3 - Dios Rimashca Shimicunami

³ Chaita uyashpaca, ñuca churanataca ucuta churarishcatapish, jahua churanatapish lliquirishpa, ñuca uma ajchatapish, barbastapish c'utsarishpami yallitaj llaquirishpa tiyarircani.

ESDRAS 9:3 Iomraidhean Croise

2 SAMUEL 1:11

Chaimi Davidca pai churashca churanata chutashpa lliquirirca. Paihuan caj runacunapish chashnallatajmi rurarcacuna.

2 REYES 18:37

Chai q'uipaca mayordomo Eliaquimpish, quillcaj Sebnapish, quillcacunata huaquichij Joapish, churanacunata lliquirishcacuna jatun mandaj Ezequiaspajman shamushpami Rabsaces imallata nishcata tucuita huillarcacuna. Eliaquimca, Hilciaspaj churimi carca. Joaca, Asafpaj churimi carca.

NEHEMÍAS 1:4

Chashna nishcata uyashpaca, achcata llaquirishpa huacashpami, tauca punllacunata yallitaj llaquilla carcani. Jahua pacha Diospaj ñaupajpi ayunashpa mañashpaca,

NEHEMÍAS 13:25

Chaimi paicunahuanca yallitaj p'iñarishpa: Mana allicunami canguichij nishpa maijan paicunataca huajtashpa ajchamanta c'utsashpa paicunataca: “Ñucanchij ushushicunataca mana israelcunapaj churicunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu. Ñucanchijpish paicunapaj ushushicunataca ñucanchij huarmicuna cachunca manataj japishunchu” nishpami ari nichircani.

JOB 1:20

Chaimantaca Jobca jatarishpami, paipaj churanatapish lliquirishpa, uma ajchatapish rasparishpa, pambapi cungurishpa Diosta adorashpa,

SALMOS 119:53

Millaita rurajcunata ricushpamari yallitaj p'iñarini. Paicunaca quiquin mandashcamanta anchurishpami chashna tucuncuna.

SALMOS 143:4

Ñuca espirituca yallitaj llaquirishcami. Ñuca shunguca yallitaj llaquihuanmari.

SALMOS 66:3

Taita Diostaca: “Quiquin rurashcacunaca jatun mancharinamari. Quiquin tucuita rurai tucuj cashcamanta, quiquinta p'iñajcunaca quiquinpaj ucupimari tucungacuna.

ISAÍAS 15:2

Bayit, Dibón pueblocunapaj jatun urcucunapi caj altarcunapi huacanamanmi huichiyangacuna. Nebo, Medeba pueblocunata tucuchishcamantapishmi, Moabpi causajcunaca caparishpa huacangacuna. Tucuicunami umata rutushca, barbasta anchuchishca cangacuna.

JEREMÍAS 36:24

Chai tucui shimicunata uyashpaca jatun mandajpish, paita servij tucui mandajcunapish mana mancharcacunachu. Churanacunallatapish mana lliquircacunachu.

JEREMÍAS 7:29

Jerusalenpi causajcuna, Mandaj Diosca cancunataca paita p'iñachij huahuacuna cajpimari p'iñarishpa shitashca. Cancunapaj uma ajchata rutushpa pambapi shitaichij. Lomacunaman huichiyashpa caparishpa huacaichij.

EZEQUIEL 3:15

Chaimantaca Quebar jatun yacu c'uchupi caj Tel-abib pueblopi causacuj prezucunapajmanmi chayarcani. Paicuna tiyacunllapitajmi, ñucapish tiyarircani. Chaipica canchis punllacamami, imata mana rimai tucushpa musparishca shina carcani.

EZEQUIEL 7:18

Paicunaca cañamazutami churaringacuna, jatun manchaipishmi japinga. Tucuicunallatajmi pingai tucungacuna. Umatapish tucuicunami lluchullata ruturingacuna.

DANIEL 4:19

Shina nijpica, Beltsasar nishca Danielca paipaj yuyaipi musparishpa achcata mancharishpami shuj horas shinata upajlla saquirirca. Chaimi jatun mandajca: “Beltsasar, ñuca muscushcata, chai imata nisha nishcata huillanataca ama manchaichu” nirca. Shina nijpimi Beltsasarca cashna nirca: “Ñuca amito, can muscushcaca canta p'iñajcunapaj cashpachari alli canman. Chai imata nisha nishcapish canta imapish tucuchun nicujcunapaj cashpachari alli canman.

DANIEL 8:27

Chai q'uipaca Daniel ñucaca, tucui aicha ñuturishca shina saquirishpami, achca punllacunata ungushca carcani. Chaimanta jatarishpaca jatun mandajpajta imata ruracushcallatatajmi rurashpa catircani. Ashtahuanpish muscuipi shina ricushcata yuyarishpaca, manchaihuanmi carcani. Chaitaca mana entendircanichu.

LEVÍTICO 21:5

Uma ajchatapish corona pamballata lluchuta ama rutuchichun. Barbas puntatapish ama utuchichun. Aichatapish ama chugrichichun.

MIQUEAS 1:16

Judá llajtalla, cambaj c'uyashca huahuacunamantaca uma ajchata ruturiyari. Águila shina lluchulla uma tucuyari. Canpi causajcunataca, shujtaj llajtamanmi prezu apangacuna.

JOSUÉ 7:6

Chaimantami Josuepish, israelcunata cunaj yuyajcunapish llaquirishpa paicunapaj churanacunata lliquirishpa, uma jahuapi allpahuan shitarircacuna. Mandaj Diospaj arca ñaupajpimi chishiyangacama pambaman tupajta cumurishca carcacuna.