ESDRAS 8:1 - Dios Rimashca Shimicunami

¹ Jatun mandaj Artajerjes mandacui punllacunapi Babiloniamanta Jerusalenman ñucahuan huichiyaj ñaupa yayacunamanta mirarishcacunaca, paicunata pushajcunandijca caicunami:

ESDRAS 8:1 Iomraidhean Croise

1 CRÓNICAS 24:31

Paicunapish jatun mandaj Davidpaj, Sadoc curapaj, Ahimelec curapaj, ñaupa yayacunamanta mirarishca quiquinpuralla caj curacunata mandajcunapaj, levitacunapaj ñaupajpimi Aaronpaj huahua huahuapura levitacuna shinallataj sorteashpa paicunapaj yayacunata mandajmanta callarishpaca, q'uipa huauquicunacama sorteashpa Diospajta ruranapi yaicurcacuna.

1 CRÓNICAS 26:32

Jeriaspaj huauquicunapish chashnallataj c'ari c'ari 2.700 runacunami carca. Paicunatami jatun mandaj Davidca Rubenpaj, Gadpaj aillucunatapish, Manasespaj chaupi aillutapish mandachun churarca. Paicunami Taita Diospajta rurajcunata, jatun mandajpajta rurajcunatapish mandajcuna carca.

1 CRÓNICAS 4:33

Chai tucui pueblocunaca, muyundij llajtacunandijmi Baal shuti pueblocama paicunapaj carca. Chai pueblocunapimi paicunaca causarcacuna. Paipaj huahua huahuacunapish tucui chaicunami carca.

1 CRÓNICAS 9:1

Israelcunataca paicunapaj punta yayamanta callarishpa huashan huashan mashna cashcata yupashpaca, Israel llajtata jatun mandajcunapaj librocunapimi quillcashpa churashca. Judacunaca Diosta c'ariyashcamantami Babilonia llajtaman prezu apashca carcacuna.

1 CRÓNICAS 9:34

Tucui chaicunami paicunapaj ñaupa yayacunamanta mirarishca quiquinpura levitacunata mandajcuna carca. Chai mandajcunaca Jerusalenpimi causarcacuna.

2 CRÓNICAS 26:12

Tucui soldadocunata mandaj, ashtahuan c'ari c'ari caj soldadocunaca, 2.600 soldadocunami carca.

ESDRAS 1:5

Shina nijpimi Judapaj, Benjaminpaj ñaupa yayacunamanta mirarishca quiquinpurallata mandajcunapish, curacunapish, levitacunapish Jerusalenpi caj Mandaj Diospaj huasita cutin shayachichun huichiyachun Mandaj Dios paicunapaj shungupi yuyaita cushcacunaca tucuicuna jatarishpa rina tucurcacuna.

ESDRAS 2:2

Zorobabelhuan tigraj pushajcunaca Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana shuticunami carca. Tandanacushca israelcunaca caicunami carca:

ESDRAS 2:3

Parospaj huahua huahuacunaca, 2.172mi carca.

ESDRAS 2:62

Chai runacunami, quiquin aillucunapurapi shuticunata quillcachishcacunapi mashcachishpapish mana japircacuna. Chaimantami paicunataca cura canamanta anchuchircacuna.

ESDRAS 7:13

Cashnami mandashpa quillcani. Cai ñuca mandacun llajtapi Israel llajtamanta cajcunaca curacuna cashpa, levitacuna cashpa, maijan cashpapish Jerusalenman canhuan rishun nijcunaca richunlla.

ESDRAS 7:28

Mandaj Diosca jatun mandajpaj, paiman yuyaita cujcunapaj, jatun mandaj churashca c'ari c'ari mandajcunapaj ñaupajpipish paipaj c'uyaihuanmi ñucataca alli cashcata ricuchirca. Chaimi ñucahuan Jerusalenman huichiyachunca ñuca Dios ñucahuan cajpi, israelcunata mandajcunataca c'ari c'ari tandachircani.

ESDRAS 7:6

Chai Esdrasmi Babiloniamanta Jerusalenman huichiyarca. Paica israelcunata Mandaj Dios Moisesman cushca mandashcacunata alli yachajpish, quillcajpishmi carca. Mandaj Taita Dios Esdrashuan cajpimi, jatun mandajca pai imata mañashcatapish curcalla.

ESDRAS 7:7

Jatun mandaj Artajerjes ña canchis huatata mandacujpimi, huaquin israelcunapish, curacunapish, levitacunapish, cantajcunapish, pungupi cuidajcunapish, Diospaj huasipi Diospajta rurajcunapish Esdrashuan Jerusaleman shamurcacuna.

ESDRAS 8:2

Fineespaj huahua huahuapuramantaca Gersón. Itamarpaj huahua huahuapuramantaca Daniel. Davidpaj huahua huahuapuramantaca Hatusmi shamurca.