Biblia Todo Logo
Bìoball air-loidhne

- Sanasan -




ESDRAS 7:7 - Dios Rimashca Shimicunami

7 Jatun mandaj Artajerjes ña canchis huatata mandacujpimi, huaquin israelcunapish, curacunapish, levitacunapish, cantajcunapish, pungupi cuidajcunapish, Diospaj huasipi Diospajta rurajcunapish Esdrashuan Jerusaleman shamurcacuna.

Faic an caibideil Dèan lethbhreac




ESDRAS 7:7
14 Iomraidhean Croise  

Chashnami judiocunapaj cunaj yuyajcunaca chai huasitaca utca tucuchircacuna. Paicunaca profeta Hageoman, Iddopaj churi profeta Zacariasman Dios huillachishca shinallatajmi rurarcacuna. Chai huasitaca israelcunata Mandaj Dios ruraichij nishpa mandashca shina, Persia llajtata jatun mandaj Ciro, Darío, Artajerjes mandashca shinallataj rurashpami tucuchircacuna.


Cancunamanca caitapishmi yachaj chayachinchij: Curacunata, levitacunata, cantajcunata, pungupi cuidajcunata, Diospaj huasipi imalla rurana cashcata rurajcunata, chai huasipi Diospajta rurajcunataca tributotapish, impuestotapish, imallamanta cuna cashcatapish pi mana mañai tucunchu.


Paica jatun mandaj Artajerjes canchis huatata ña mandacui pichca quillapimi Jerusalenmanca chayarca.


Hacaliaspaj churi Nehemías parlashca shimicunami. Persia llajtata jatun mandaj Artajerjes ña ishqui chunga huatata mandacui Quisleu quillapimi, mandajcuna tiyana Susa pueblopi carcani.


Caishujcunaca caicunami carca: Curacuna, levitacuna, pungupi cuidajcuna, cantajcuna, Diospaj huasipi imalla ruranata rurajcuna, Taita Dios mandashcata cazungapaj chai llajtapi causajcunamanta anchurishcacunapish paicunapaj huarmicunandij, imapaj cashcata entendi tucuipaj churicunandij, ushushicunandijmi tandanacurcacuna.


Salatielpaj churi Zorobabelhuan, Jesuahuan Jerusalenman huichiyamuj curacunapish, levitacunapish caicunami: Seraías, Jeremías, Esdras,


Jatun mandaj Artajerjes ishqui chunga huatata ña mandacujpi Nisán quillapimi cashna tucurca: Jatun mandajpaj ñaupajpi vino ña cajpi, chai vinota japishpami jatun mandajman cucurcani. Ñucaca ñaupamanca jatun mandajpaj ñaupajpica mana llaquilla caj cashca cajpimi,


Lean sinn:

Sanasan


Sanasan