ESDRAS 7:6 - Dios Rimashca Shimicunami

⁶ Chai Esdrasmi Babiloniamanta Jerusalenman huichiyarca. Paica israelcunata Mandaj Dios Moisesman cushca mandashcacunata alli yachajpish, quillcajpishmi carca. Mandaj Taita Dios Esdrashuan cajpimi, jatun mandajca pai imata mañashcatapish curcalla.

ESDRAS 7:6 Iomraidhean Croise

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

ESDRAS 5:5

Ashtahuanpish judiocunata cunaj yuyajcunataca Taita Dios ricuracujpimi, quillcashpa tapushpa cachashca jatun mandaj Dariopajman chayangacama, pai quillcashpa cutichishca paicunapajman chayamungacama chai huasita shayachicushcataca mana jarcai tucurcacuna.

ESDRAS 6:22

Israelcunapaj Mandaj Diospaj huasita ruranata ashtahuan fuerzarichun Asiria llajtata jatun mandajta Mandaj Diosllataj israelcunata llaquina yuyaita cushcamantami levadura illajlla tandata micuna jatun fiestatapish cushicushpa canchis punllata rurarcacuna.

ESDRAS 7:21

Jatun mandaj Artajerjestajmi, jatun yacumanta ch'imba ladoman caj cullquita huaquichijcunataca cashna mandani: Jahua pacha Diospaj mandashcacunata quillcaj Esdras cura imalla mañashcataca mañanca cunguichij.

ESDRAS 7:28

Mandaj Diosca jatun mandajpaj, paiman yuyaita cujcunapaj, jatun mandaj churashca c'ari c'ari mandajcunapaj ñaupajpipish paipaj c'uyaihuanmi ñucataca alli cashcata ricuchirca. Chaimi ñucahuan Jerusalenman huichiyachunca ñuca Dios ñucahuan cajpi, israelcunata mandajcunataca c'ari c'ari tandachircani.

ESDRAS 7:5

Buquica Abisuapaj churimi. Abisuaca Fineespaj churimi. Fineesca Eleazarpaj churimi. Eleazarca curacunata punta pushaj Aaronpaj churimi carca.

ESDRAS 7:9

Babiloniamantaca huatapaj callari quillapaj punta punllapi llujshimushpaca, chai huatapajllataj pichca quillapaj punta punllapimi Jerusalenmanca chayamurca. Mandaj Diospaj poderca Esdrashuanmi carca.

ESDRAS 8:1

Jatun mandaj Artajerjes mandacui punllacunapi Babiloniamanta Jerusalenman ñucahuan huichiyaj ñaupa yayacunamanta mirarishcacunaca, paicunata pushajcunandijca caicunami:

ESDRAS 8:18

Ñucanchij Diospaj maqui ñucanchij jahuapi cajpimi, yaya Israelpaj churi Levipaj nieto Mahlipaj huahua huahuapuramanta caj alli yachaj Serebías levitata cacharcacuna. Paihuanca paipaj churicunapish, paipaj huauquicunapish tucuimantaca chunga pusajmi shamurcacuna.

ESDRAS 8:22

Jatun mandajtaca ñaupamanmi: “Ñucanchij Diospaj maquica tucui paita mashcajcunapaj allipaj paicunapaj jahuapimi. Ashtahuanpish paimanta anchurijcunataca paipaj poderhuan, pai jatunta p'iñarishcahuanmi llaquichin” nishcamantami, ñanpi ñucanchijta p'iñajcunamanta cuidachun soldadocunata, caballocunapi tiyarishca soldadocunata ñucanchijhuan cachachun jatun mandajta mañanataca pinganarca.

ESDRAS 8:31

Huata callari quillapaj chunga ishqui punllapimi chai Ahava shuti yacu c'uchumantaca Jerusalenman shamui callarircanchij. Mandaj Diospaj maqui ñucanchij jahuapi cashpami, ñanta shamucujpi ñucanchijta p'iñajcunapaj maquimantapish, chapashpa shuhuajcunamantapish huaquichishpa alli pushamurca.

NEHEMÍAS 12:26

Paicunaca Josadacpaj nieto Jesuapaj churi Joiacim causacui punllacunapimi causarcacuna. Chai punllacunapica Nehemiasca llajtata mandajmi carca. Esdrasca quillcaj curami carca.

NEHEMÍAS 12:36

Curacunapurallataj caj Semaías, Azarael, Milalai, Gilalai, Maai, Natanael, Judá, Hanani curacunaca Diospaj runa Davidpaj tocanacunahuanmi rircacuna. Paicunata ñaupashpaca quillcaj Esdrasmi rirca.

NEHEMÍAS 2:12

ñucapish, ñucahuan caj runacunapish tuta jatarishpa rircanchij. Jerusalenpi ñuca imata rurachun Taita Dios yuyachishcataca maijan paicunaman mana huillarcanichu. Ñucahuan cajcuna tiyarishpa rinapajca animalcunataca mana charircanichu. Ñuca tiyarishpa rinapajllami charircani.

NEHEMÍAS 2:18

Ñuca Diospaj maqui ñuca jahuapi cashpa ñucapaj allita rurashcatapish, jatun mandaj ñucata imallata nishcatapish tucuita parlajpimi paicunaca: –C'amachij jatarishpa chai pircata pircashunchij– ninacushpami, tucuicuna fuerzarishpa rurai callarircacuna.

NEHEMÍAS 2:8

Mandaj Diospaj huasi c'uchullapi caj pungucunapaj jatun caspicunatapish, pueblo muyundij pungucunapaj caspicunatapish, ñuca causana huasipaj caspicunatapish cuchun jatun mandajpaj yuracunata cuidaj Asafpajpish shuj quillcatami mañarcani. Imatapish cujlla Diospaj maqui ñuca jahuapi cashcamantaca jatun mandajca ñuca tucui imalla mañashcata curca.

NEHEMÍAS 4:15

Ñucanchijta p'iñajcunaca paicuna ñucanchijta llaquichingapaj yuyarinacushcata ñucanchij yachaj chayashcatami paicunapish yachaj chayarcacuna. Taita Diospish paicuna yuyarinacushcata yangapi churashcatapishmi paicunaca yachaj chayarcacuna. Chaimi ñucanchijca maillapi pircacushcaman tucuicuna tigrarcanchij.

NEHEMÍAS 8:1

Chai punllami yacuhuan yaicuna pungu ñaupaj plazapi tucui israelcuna shuj shinalla tandanacushpaca, Moisesman Mandaj Dios israelcunaman cuchishca librota apamuchun quillcaj Esdrataca mañarcacuna.

NEHEMÍAS 8:13

Chai cayandij punllaca, tucui familiacunata mandajcunapish, curacunapish, levitacunapish Dios mandashcacunata yachangapajmi quillcaj Esdrashuan tandanacurcacuna.

NEHEMÍAS 8:4

Quillcaj Esdrasca, chai punlla shayarinapaj tarimata rurashcapimi shayarirca. Paipaj alli ladomanca Matatías, Sema, Anías, Urías Hilcías, Maasías shuti runacunami carca. Paipaj lluqui ladomanca Pedaías, Misael, Malquías, Hasum, Hasbadana, Zacarías, Mesulam shuti runacunami carca.

NEHEMÍAS 8:9

Chaipica llajtata mandaj Nehemiaspish, quillcaj cura Esdraspish, israelcunaman entendichij levitacunapish, tucui chaipi cajcunataca: “Cunanca ñucanchij Jatun Diospaj ch'icanchishca punlla cashcamanta, ama llaquilla caichijchu, ama huacaichijchu” nircacunami. Mandashca librota rezashcata uyashpa tucui chaipi cajcuna, huacacushcamantami chashna nircacuna.

NEHEMÍAS 9:13

Sinaí urcuman uriyamushpami, paicunahuanca jahua pachamanta rimarcangui. Cashcata rurashpa mandachunmi mandashcata curcangui. Maijanman mana tucushpa mandachunmi mandanata curcangui. Chaitataj pajtachichun nishcata pajtachinacunatapish, mandashcacunatapish allicunatami curcangui.

SALMOS 109:27

Chashna rurajpica quiquinpaj maqui rurashcata entendichuncuna. Quiquin Mandaj Dios chaita rurashcata entendichuncuna.

SALMOS 147:19

Jacobmanca paimi paipaj shimicunata ricuchirca. Israelcunamanpish paimi chaitataj pajtachichun nishcacunata, mandashcacunata curca.

SALMOS 45:1

Ñuca shunguca alli shimicunahuan jundami. Jatun mandajmanmi ñuca cantota cantani. Ñuca c'alluca alli quillcaj runapaj pluma shinami.

SALMOS 80:18

Chaipimi, quiquinmantaca manataj anchurishun. Ñucanchijman quiquin causaita cushcahuanca quiquinpaj shutipimi mañashun.

PROVERBIOS 3:6

Imata rurangapajpish, Diosta yuyaipi charingui. Paimi cantaca alli ñanta pushanga.

ISAÍAS 50:2

Ñuca shamushpaca pita mana japircanichu. Huasiyuj nijpipish pi mana uyarircachu. ¿Ñuca maquica uchijllachari cancunata mana cacharichi tucungapajca? Cancunata quishpichingapajca ¿manachari poderta chariniyari? Riqui, ñucaca rimashcallahuanmi mama cucha yacutapish chaquichini. Jatun yacucunatapish shitashca pambatami rurani. Chaipi causaj chalhuacunapish yacu illashcamanta yacunaihuan huañushpa ismunmi.

ISAÍAS 59:1

Riqui, Mandaj Diosca cancunata mana quishpichingapajca, mana maqui utuchu. Paipaj rinrinpish mana uyangapajca, mana uyajchari.

JEREMÍAS 8:8

Chashna cashca jahuaca ¿ima nishpataj cancunaca: Ñucanchijca jatun yachajcunami canchij. Mandaj Dios mandashcataca ñucanchijmari charinchij ninguichigari? Chai shimicunataca quillcajcunamari llullahuan mirachishpa quillcashcacuna.

Mateo 13:52

Shina nijpi Jesusca: –Mandashcacunata yachachijcuna, jahua pachamanta mandacujpi yachacuj tucushpaca, shuj huasiyuj yaya paipaj sumaj charinacunata mushujtapish, maucatapish llujshichij shinami cangacuna– nircami.

Mateo 23:2

“Mandashcacunata quillcajcuna, fariseocunapish Moisés tiyarishpa yachachij shinallatajmi pai yachachishcata yachachincuna.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

1 Corintios 1:20

¿Maipitaj yachaisapaca? ¿Maipitaj quillcajca? ¿Maipitaj cai pachallamanta imatapish rimanacujca? ¿Manachu Diosca, cai pachapaj yachaitaca muspachishca?

1 Corintios 15:1

Cunanca huauquicuna, cancunaman alli huillaita ñuca huillashcatami yuyachisha nini. Chai huillashcataca chasquircanguichijmi. Chai huillashcapi nishca shinami sinchita caticunguichij.

DEUTERONOMIO 28:1

Cunan ñuca cancunaman quillcashpa mandashcacunata chai yuyailla tucushpa pajtachingapaj Mandaj Dios cancunapaj Taita Dios rimashcata alli uyajpica, Mandaj Dios cancunapaj Taita Diosca cancunataca tucui cai pacha llajtacunapaj jahuapimi jatun canapi churanga.

DEUTERONOMIO 4:5

Riquichij, ñucaca chaitataj pajtachichun nishcacunata, pajtachinguitaj nishcacunata Mandaj Dios ñuca Taita Dios mandashca shinallatajmi cancunamanca yachachircani. Chaitaca cunan cancunapaj cachun japigrin llajtaman yaicushpa pajtachishpa causachunmi yachachircani.