ESDRAS 7:1 - Dios Rimashca Shimicunami

¹ Chai tucuicuna q'uipaca Persia llajtata jatun mandaj Artajerjes mandacui huatacunami, Esdras shuti cura causarca. Esdrasca Seraiaspaj churimi. Seraiasca Azariaspaj churimi. Azariasca Hilciaspaj churimi.

ESDRAS 7:1 Iomraidhean Croise

2 REYES 22:4

–Curacunata jatun mandaj Hilciaspajman rishpa paitaca: Mandaj Diospaj huasiman israelcuna apamushca cullquita, pungupi cuidajcuna japishcata tandachi nigri.

2 REYES 22:8

Shina nijpimi curacunata jatun mandaj Hilciasca quillcaj Safán runamanca: “Mandaj Diospaj huasipimi mandashcacunata quillcashca librota japircani” nishpa Hilcías Safán runaman cujpi paica japishpa rezarca.

2 REYES 25:18

Cuidaj soldadocunata mandaj soldadoca, curacunata mandaj Seraías curata, paipaj cati mandaj Sofonías curata, platocunata cuidaj quimsa runacunatapishmi prezu aparca.

1 CRÓNICAS 9:11

Azarías shuti curacunami shamurcacuna. Azariasca Hilciaspaj churimi. Hilciasca Mesulampaj churimi. Mesulamca Sadocpaj churimi. Sadocca Meraiotpaj churimi. Meraiotca Ahitobpaj churimi carca. Ahitobca Diospaj huasipi, Diospajta ruraj curacunata mandaj curami carca.

2 CRÓNICAS 34:15

Chai quillcata japishcahuanmi Hilcías curaca, Safán shuti quillcaj runamanca: “Riqui, ñucaca Mandaj Diospaj huasipimari Dios mandashcacunata quillcashca librota japini” nishpa huillashpami, chai librotaca Safanman curca.

2 CRÓNICAS 34:9

Josías cachashca runacunami curacunata mandaj Hilcías curapajman shamushpaca, Mandaj Diospaj huasiman apamushca cullquita curcacuna. Chai cullquitaca Diospaj huasi pungupi cuidaj levitacunami Manasespaj, Efrainpaj aillucunapura cajcunapish, mana prezu apashca shujtaj israelcunapish, tucui Judá llajtapi, Benjamín llajtapi, Jerusalenpi causajcunapish cujpi huaquichishcacuna carca.

ESDRAS 4:7

Persia llajtata jatun mandaj Artajerjes mandacujpipish Bislam, Mitrídates, Tabeel runacunami paicunahuan cajcunandij tucushpa shuj quillcata jatun mandaj Artajerjesman cacharcacuna. Chai quillcaca arameo rimaipi quillcashcata quiquin rimaiman ch'imbachishcami carca.

ESDRAS 6:14

Chashnami judiocunapaj cunaj yuyajcunaca chai huasitaca utca tucuchircacuna. Paicunaca profeta Hageoman, Iddopaj churi profeta Zacariasman Dios huillachishca shinallatajmi rurarcacuna. Chai huasitaca israelcunata Mandaj Dios ruraichij nishpa mandashca shina, Persia llajtata jatun mandaj Ciro, Darío, Artajerjes mandashca shinallataj rurashpami tucuchircacuna.

ESDRAS 7:10

Esdrasca Mandaj Dios mandashcata yachangapaj, pajtachingapajmi paipaj shunguta allichishca carca. Mandaj Dios chaitataj pajtachingui nishcata, pajtachinguitaj nishcata Israelpi yachachingapajmi chashna carca.

ESDRAS 7:12

“Jatun mandajcunata jatun mandaj Artajerjesmi, jahua pacha Dios mandashcacunata alli yachachij, quillcaj can Esdras curahuanca sumaj causai cashca cachun nini.

ESDRAS 7:2

Hilciasca Salumpaj churimi. Salumca Sadocpaj churimi. Sadocca Ahitobpaj churimi.

ESDRAS 7:21

Jatun mandaj Artajerjestajmi, jatun yacumanta ch'imba ladoman caj cullquita huaquichijcunataca cashna mandani: Jahua pacha Diospaj mandashcacunata quillcaj Esdras cura imalla mañashcataca mañanca cunguichij.

NEHEMÍAS 11:11

Hilciaspaj churi Seraías. Mesulampaj churi Hilcías. Sadocpaj churi Mesulam. Meraiotpaj churi Sadoc. Ahitobpaj churi Meraiotmi carca. Ahitobca Diospaj huasipi imatapish rurajcunata mandajmi carca.

NEHEMÍAS 2:1

Jatun mandaj Artajerjes ishqui chunga huatata ña mandacujpi Nisán quillapimi cashna tucurca: Jatun mandajpaj ñaupajpi vino ña cajpi, chai vinota japishpami jatun mandajman cucurcani. Ñucaca ñaupamanca jatun mandajpaj ñaupajpica mana llaquilla caj cashca cajpimi,

NEHEMÍAS 8:1

Chai punllami yacuhuan yaicuna pungu ñaupaj plazapi tucui israelcuna shuj shinalla tandanacushpaca, Moisesman Mandaj Dios israelcunaman cuchishca librota apamuchun quillcaj Esdrataca mañarcacuna.