ESDRAS 4:8 - Dios Rimashca Shimicunami

⁸ Jatun mandajpaj randi mandaj Rehumpish, quillcaj Simsai runapish Jerusalencunata juchachishpami, jatun mandaj Artajerjesman shuj quillcata cacharcacuna.

ESDRAS 4:8 Iomraidhean Croise

2 SAMUEL 20:25

Seva runaca jatun mandajpaj quillcajmi tucurca. Sadocpish Abiatarpish curacunami carca.

2 SAMUEL 8:17

Ahitobpaj churi Sadoc, Abiatarpaj churi Ahimelecca curacunami carca. Seraiasca jatun mandajpaj quillcajmi carca.

2 REYES 18:18

Chaipi cashpami, jatun mandaj Ezequiasta cayarcacuna. Paicunahuan tupangapajca mayordomo Eliaquimpish, quillcaj Sebnapish, quillcacunata huaquichij Joapishmi llujshircacuna. Eliaquimca Hilciaspaj churimi carca, Joaca Asafpaj churimi carca.

ESDRAS 4:17

Chaita japishpaca jatun mandajca: “Jatun mandajpaj randi mandaj Rehumtapish, quillcaj Simsai runatapish, Samariapi paicunahuan causajcunatapish, jatun yacumanta ch'imba ladoman causajcunatapish allillachu canguichij” nishpa cutichishpaca:

ESDRAS 4:7

Persia llajtata jatun mandaj Artajerjes mandacujpipish Bislam, Mitrídates, Tabeel runacunami paicunahuan cajcunandij tucushpa shuj quillcata jatun mandaj Artajerjesman cacharcacuna. Chai quillcaca arameo rimaipi quillcashcata quiquin rimaiman ch'imbachishcami carca.

ESDRAS 4:9

Chai quillcataca, jatun mandajpaj randi mandaj Rehumhuan, quillcaj Simsai runahuan, paicunahuan caj juezcunahuan, llajtacunapi churashca mandajcunahuan, q'uipa mandajcunahuan, Persiamanta, Erecmanta, Babiloniamanta, Susamanta shamushca elamita nishcacunahuan tucushpami quillcashpa cacharcacuna.