ESDRAS 4:6 - Dios Rimashca Shimicunami

⁶ Jatun mandaj Asuero mandai callarijpipish Judacunata, Jerusalencunata juchachishpami cutinllataj quillcata cacharcacuna.

ESDRAS 4:6 Iomraidhean Croise

GÉNESIS 26:21

Chai q'uipapish Isaacpajta rurajcunaca shujtaj pugyutami allarcacuna. Chai pugyumantapish cutinllataj p'iñanacucujpimi, Isaacca chai pugyutaca: “Sitnata” shutichirca.

ESDRAS 4:5

Chai huasita ruracushcata jarcangapajca, jatun mandajman yuyaita cuj mandajcunamanmi cullquita huashalla curcacuna. Persia llajtata jatun mandaj Ciro mandacui tucui huatacunapi, jatun mandaj Darío Persia llajtata mandai callaringacamami chashna jarcarcacuna.

ESTER 1:1

Jatun mandaj Asueroca, 127 llajtacunatami mandacurca. Pai mandacun llajtacunaca, India llajtamantaca Etiopía llajtacamami carca.

ESTER 1:10

Jatun micui tucuri canchis punllapimi jatun mandaj Asueroca, vinota ubyashpa yallitaj cushicushpa tiyacurca. Chashna tiyacushpami paita servishpa paipaj ñaupajpi caj Mehumán, Bizta, Harbona, Bigta, Abagta, Zetar shuti, Carcas shuti canchis eunuco runacunataca cayarca.

ESTER 2:16

Jatun mandaj Asueroca, ñami canchis huatata mandacurca. Chai huatapaj chunga quilla caj Tebet shuti quillapimi Estertaca, jatun mandajpajman pusharcacuna.

ESTER 3:8

Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

DANIEL 11:2

Cunanca ñucaca chashnataj tucuna cashcatami canmanca ricuchigrini: Persia llajtapica, quimsa jatun mandajcuna tiyangarajmi. Quimsapaj q'uipa jatun mandajca ñaupaman mandajcunatapish yalli ashtahuan achcata charijmi tucunga. Paica pai achcata charishcahuan c'ari c'ari tucushpami, Grecia llajtata mandajhuan macanacunga.

DANIEL 9:1

Media shuti llajtamanta caj Asueropaj churi Dariomi caldeocunata jatun mandaj tucurca. Paica ñami shuj huatata mandacurca.

Mateo 27:37

Paita chacatashca cruz jahuanijpica, imamanta huañuchishcata huillaj quillcatami churarcacuna. Chaipica: “Caica, judiocunapaj jatun Mandaj Jesusmi” nishpa quillcashcami carca.

Hechos 24:13

Cunan ñucata juchachicushcataca, paicunaca chashnatajmi nishpaca mana ni tucuncunachu.

Hechos 25:7

Pablo ña chayajpica, Jerusalenmanta shamuj judiocunaca muyujta shayarishpami, paica achca jatun llaquicunatami rurashca nishpa juchachircacuna. Juchachicushpapish paicuna huillashca shinataj cashcataca imata mana ricuchi tucurcacunachu.

Apocalipsis 12:10

Chai q'uipaca cielopica, sinchita cashna caparijtami uyarcani: “Diospaj ñaupajpi ñucanchij huauquicunata punllapish tutapish juchachijtaca cielomanta ñami shitashca. Chaimanta cunanmari quishpirinapish ñucanchij Diospaj mandanapish, pailla tucuita rurai tucuj canapish, Cristo mandai tucunapish ña chayamushca.