ESDRAS 4:12 - Dios Rimashca Shimicunami

¹² Jatun mandaj caitami yachaj chayachinchij. Cambajmanta shamuj judiocuna ñucanchij causacunman tigramujcunaca Jerusalenman chayashpami, mana cazuj millaicuna causashca pueblota cutin shayachicun. Muyundij pircacunata rurangapajpish ñami callari rumicunata churacuncuna.

ESDRAS 4:12 Iomraidhean Croise

2 REYES 18:20

Canca cambaj shimi rimarishcallahuanchu macanacuitaca c'ari c'ari soldadocunahuan shina jahualla mishanata yuyangui. ¿Maijanpi shunguta churashpataj ñucataca c'ariyasha ninguiyari?

2 REYES 24:1

Joacim mandacui huatacunami Babilonia llajtata jatun mandaj Nabucodonosorca, Judá llajtapi causajcunahuan macanacungapaj paipaj soldadocunandij huichiyarca. Joacimca Nabucodonosorpaj ucupi tucushpami quimsa huatacunata paipajta rurashpa causarca. Chashna causacushpapish Joacimca Nabucodonosorta c'ariyanata yuyarishpami jatarirca.

2 CRÓNICAS 36:13

Jatun mandaj Nabucodonosortapish c'ariyarcami. Chai jatun mandajca paihuan tandalla canata shuj yuyailla cachunca, Diospaj shutipimi paitaca ari nichishca carca. Chashna ari nishca jahuami, mana pajtachirca. Shinallataj ch'ahuan shungu tucushpami, israelcunata Mandaj Diosmanca manataj cutirisha nirca.

ESDRAS 4:11

Jatun mandaj Artajerjesman cachashca quillcamanta copiashcapica cashnami nicun: “Jatun yacu ch'imba ladoman causaj cambajta rurajcunaca allillachu cangui ninchijmi.

ESDRAS 4:15

cambaj ñaupa mandaj yayacuna quillcachishpa saquishca quillcacunata mashcachishpa ricuchun huillanchij. Chai quillcacunapi ricushpaca, chai pueblopi causajcunaca yallitaj millaicuna cashcata, jatun mandajcunatapish, llajtacunatapish llaquichijcuna cashcatami yachangui. Chai pueblopi causajcunaca ñaupa punllacunamanta pacha mana cazushpa jatarijcuna cashcamanta chingachishcatapishmi yachangui.

ESDRAS 4:19

Chaimi chai quillcacunata mashcachun mandajpi mashcashpaca, chai pueblopi causajcunaca, ñaupa punllamanta pacha jatun mandajcunata llaquichingapaj jatarishpa llaquichijcuna, yallitaj bullata rurajcuna cashcata japircacuna.

ESDRAS 5:3

Chai punllacunallatajmi, jatun yacu ch'imbanij llajtacunata mandaj Tatnaipish, Setar-boznaipish, paicunahuan cajcunandij shamushpaca: “Cai huasita cutin shayachichun, cai pircacunata cutin pircachunca ¿pitaj mandarca?” nishpa tapurcacuna.

ESDRAS 5:9

Chaimi chaipi caj cunaj yuyajcunataca: Cai huasita cutin shayachichun, pircacunatapish cutin pircachunca ¿pitaj mandarca? nishpa tapurcanchij.

NEHEMÍAS 1:3

Chaimi paicunaca: “Prezu apacujpi miticushpa chai llajtapi saquirijcunaca yallitaj llaqui pingaimi causacuncuna. Jerusalén muyundij pircacunatapish urmachishca, chai pungucunatapish ninahuan rupachishpa chingachishcami siricun” nishpami huillarcacuna.

NEHEMÍAS 6:6

Chai quillcapica: “Canpish, tucui israelcunapish jatun mandajta ña mana cazushpa c'ariyashpa, jatun pircataca allichicun nishpami, shujtaj llajtapi causajcunapish, Gasmu runapish huillan. Chashna nishcata uyashpaca, canca jatun mandaj tucusha nicushcatami yuyanchij.

ESTER 3:8

Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

JEREMÍAS 52:3

Chaimanta yallitaj p'iñarishpami, Mandaj Diosca Jerusalenpi causajcunatapish, Judá llajtapi causajcunatapish paipaj ñaupajmanta llujshichishpa cacharca. Chai q'uipami Sedequiasca, Babilonia llajtata jatun mandajtaca c'ariyarca.

DANIEL 3:8

Chai punllacunallatajmi, caldeocunapuramanta maijancunaca, judiocunata llaquichingapaj juchachishpa huillanaman shamurcacuna.

DANIEL 9:25

Caitaca allimi entendina cangui: Jerusalenta cutin shayachichun nishpa mandashcamantapacha, Mesías nishca Mandaj shamungacamaca canchis semanacuna, sujta chunga ishqui semanacunami canga. Plaza pambatapish, pueblo muyundij pircatapish llaqui punllacunapimi allichingacuna.

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Hechos 24:5

Ñucanchijpajca cai runaca purij ungüi shinami. Chashna cashpami paica tucui llajtacunata rishpa judiocunata pandata yachachishpa p'iñanacuita jatarichishpa puricushca. Paica chai nazareno runata catijcunata mandajmi cashca.

1 Tesalonicenses 5:22

Tucui millaimantaca anchurichij.