ESDRAS 4:1 - Dios Rimashca Shimicunami

¹ Babiloniaman prezu apashca israelcuna tigramushpa paicunata Mandaj Diospaj huasita cutinllataj shayachicujta Judapaj, Benjaminpaj ailluta p'iñajcuna yachaj chayashpami,

ESDRAS 4:1 Iomraidhean Croise

ESDRAS 1:11

Curimanta cullquimanta rurashca Diospajta ruranacunata yupajpica, 5.400mi carca. Tucui chaicunataca Sesbasarca Babilonia llajtapi prezu causacushcacunahuan apashpami Jerusalenman tigrarca.

ESDRAS 10:16

Paicuna chashna nicujpipish prezu apashcamanta tigramushcacunaca, ñaupaman ima shina ari ninacushca shinallatajmi rurarcacuna. Esdras curaca ñaupa yayacunamanta mirarishca quiquinpurallata maijan mandajcunatami chaita rurachunca ch'icanchirca. Chaimi paicunaca chunga quilla callari punllapi chai huarmicunata llujshichishpa cachangapaj paicuna quiquintaj tiyarishpa alli ricui callarircacuna.

ESDRAS 10:7

Chai q'uipaca, prezumanta tigramushca Judapi causajcunamanpish, Jerusalenpi causajcunamanpish, Jerusalenpi tandanacuchunmi huillachirca.

ESDRAS 3:13

Paicuna yallitaj caparishca bullaca carucamami uyarirca. Shujcunaca caparishpa cushicushcata, shujcunaca llaquijllata huacacujta uyajcunaca imamanta chai bulla cashcataca mana yachai tucurcacuna.

ESDRAS 6:16

Chashnami prezu apashcamanta tigramushca israelcunaca curacunapish, levitacunapish tucuicuna jatunta cushicushpa Diospaj huasitaca paipajlla cachun mingarcacuna.

ESDRAS 7:9

Babiloniamantaca huatapaj callari quillapaj punta punllapi llujshimushpaca, chai huatapajllataj pichca quillapaj punta punllapimi Jerusalenmanca chayamurca. Mandaj Diospaj poderca Esdrashuanmi carca.

DANIEL 5:13

Danielta jatun mandajpajman pushamujpimi, jatun mandajca Danieltaca cashna nirca: –¿Canchu Judá llajtamanta ñuca yaya prezu apamushcacunapura Daniel cangui?

DANIEL 9:25

Caitaca allimi entendina cangui: Jerusalenta cutin shayachichun nishpa mandashcamantapacha, Mesías nishca Mandaj shamungacamaca canchis semanacuna, sujta chunga ishqui semanacunami canga. Plaza pambatapish, pueblo muyundij pircatapish llaqui punllacunapimi allichingacuna.

1 Corintios 16:9

Achcacuna ñucata p'iñajpipish, shuj jatun pungumi ñucapajca pascarishca, chaica allimari.