ESDRAS 3:6 - Dios Rimashca Shimicunami

⁶ Huatapaj canchis quilla punta punllamantami Mandaj Diosman cushpa tucui rupachina cashcacunataca cui callarircacuna. Mandaj Diospaj huasita callarinapaj callari rumicunataca manaraj churarcacunachu.

ESDRAS 3:6 Iomraidhean Croise

ESDRAS 3:5

Chai jahuami punllanta Diosman cushpa tucui rupachinacunatapish, mushuj lunapi cuna cashcatapish, Mandaj Diospajlla ch'icanchishca punllacunapi cuna cashcatapish, maijancuna Diosman cusha nishcamanta cushcacunatapish, Mandaj Diosman cusha nishcamanta cushca ofrendacunatapish curcacuna.

ESDRAS 3:7

Albañilcunaman, carpinterocunamanca cullquitami curcacuna. Líbano urcumanta cedro caspicunata mama cuchata Jopeman apamuchunca sidoniocunaman, tiriocunamanmi micunata, ubyanata, aceitetapish curcacuna. Chashna rurachunca Persia llajtata jatun mandaj Ciromi mandashca carca.

LEVÍTICO 23:24

“Israelcunata cashna nishpa mandai: Canchis quillapaj callari punllapica samana punllami canga. Chai punllapica trompetacunapi tocashpa tucuita cayashpa Taita Diosta yuyarishpa Diospajlla tandanacuita charinguichij.

LEVÍTICO 23:25

Sinchi trabajocunataca imata ama ruranguichijchu. Chai punllapica, Mandaj Diosman rupachishpa cunguichij ni” nircami.

NÚMEROS 29:1

Canchis quillapaj punta punllapica, tucuicunata cayashpa Diospajlla tandanacuita ruranguichij. Chai punllapica cancuna trompetacunapi tocana punlla cachun. Chai punllapica sinchi trabajocunataca imata ama ruranguichij.

NÚMEROS 29:2

Mandaj Diospaj mishquijlla ashnacuj cachun cunataca shuj bizita, shuj carnerota, shuj huatayuj canchis c'ari ovejacunata cushpa tucui rupachinguichij. Chai animalcunaca ima mana tucushca cachun.