ESDRAS 3:2 - Dios Rimashca Shimicunami

² Chaipimi Josadacpaj churi Jesuaca, caishuj curacunandij, Salatielpaj churi Zorobabelpish paipaj familiacunandij tucushpa israelcunata Mandaj Diospaj altarta shayachina tucurcacuna. Diospaj runa Moisés mandashpa quillcashcapi nishca shinallataj chai altar jahuapi Mandaj Diosman cushpa tucui rupachingapajmi chashna rurarcacuna.

ESDRAS 3:2 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

1 CRÓNICAS 23:14

Diospaj runa Moisespaj huahua huahuacunataca Levipaj ailluhuan chagrushpami paicunahuan churarca.

1 CRÓNICAS 3:17

Jeconiaspaj churicunaca: Asir, Salatiel,

1 CRÓNICAS 3:19

Pedaiaspaj churicunaca: Zorobabel, Simei shuti churicunami carca. Zorobabelpaj churicunaca: Mesulam, Hananías shuti churicunami carca. Paicunapaj pani Selomitpishmi carca.

2 CRÓNICAS 6:6

Shina cashpapish cunanca ñuca tiyana cachunca, cai Jerusalentami agllarcani. Shinallataj Davidtami ñuca pueblo israelta pushaj cachun agllarcani nishcami carca.

ESDRAS 10:18

Mana Israel caj huarmicunata paicunapaj huarmicuna cachun japij curacunapaj churicunaca caicunami: Josadacpaj huahua huahuacunapuramanta Jesúa paipaj huauquicunapish: Maasías, Eliezer, Jarib, Gedalias shuticunami carca.

ESDRAS 10:20

Imerpaj huahua huahuapuracunamantaca: Hanani, Zebadiasmi mana Israel huarmiyuj cashca carca.

ESDRAS 10:21

Harimpaj huahua huahuapuracunamantaca: Maasías, Elías, Semaías, Jehiel, Uziasmi carca.

ESDRAS 10:22

Pasurpaj huahua huahuapuracunamantaca: Elioenai, Maasías, Ismael, Natanael, Jozabad, Elasami carca.

ESDRAS 2:2

Zorobabelhuan tigraj pushajcunaca Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana shuticunami carca. Tandanacushca israelcunaca caicunami carca:

ESDRAS 3:8

Jerusalenpi caj Diospaj huasiman tigramushca ña ishqui huata tucujpi huatapaj ishqui quillapimi, Salatielpaj churi Zorobabel, Josadacpaj churi Jesúa, paicunapaj caishuj familiacunapish, curacunapish, levitacunapish prezu apashca Jerusalenman tucui tigramushcacunami huasita allichi callarircacuna. Mandaj Diospaj huasita ima shinalla rurana cashcapi pushachunca ishqui chunga huata yallita charij levitacunatami churarcacuna.

ESDRAS 5:2

Chaimi Salatielpaj churi Zorobabelpish, Josadacpaj churi Jesuapish Jerusalenpi caj Diospaj huasita cutin shayachicushcata cutinllataj shayachingapaj jatarishpa shayachi callarircacuna. Paicunahuan caj Diospaj profetacunapish ayudarcacunami.

NEHEMÍAS 12:1

Salatielpaj churi Zorobabelhuan, Jesuahuan Jerusalenman huichiyamuj curacunapish, levitacunapish caicunami: Seraías, Jeremías, Esdras,

NEHEMÍAS 12:8

Levitacunaca: Jesúa, Binúi, Cadmiel, Serebías, Judá, Matanías, shuticunami carcacuna. Paicunaca levitacunapurallatataj cantocunata yachachishpa cantachijcunami carca.

SALMOS 78:68

Ashtahuanpish Judapaj aillutami agllarca. Pai c'uyashca Sión urcutami agllarca.

ÉXODO 27:1

Acacia caspihuan shuj altartapish rurangui. Chaica sunimanca ishqui metro ishqui chunga pichca centímetro, anchomanca ishqui metro ishqui chunga pichca centimetrollataj cachun. Chai altarca chuscundij lado chai medidallataj cachun. Altomanca shuj metro quimsa chunga pichca centímetro cachun.

HAGEO 1:1

Persia llajtataca jatun mandaj Darioca, ñami ishqui huata sujta quillata mandacurca. Sujta quillapaj punta punllapimi, Mandaj Diosca pai ima nishcata huillaj Hageotaca, Judá llajtata mandaj Zorobabelpajmanpish, curacunata mandaj Josuepajmanpish cacharca. Zorobabelca, Salatielpaj churimi carca. Josueca, Josadacpaj churimi carca. Paicunamanca Hageoca cashnami nirca:

HAGEO 1:12

Salatielpaj churi Zorobabelpish, Josadacpaj churi curacunata mandaj Josuepish, tucui shujtajcunapishmi paicunata Mandaj Dios chashna nichun cachashcata uyarcacuna. Dios ima nishcata huillaj Hageo chashna huillajta uyashpami, paicunaca Mandaj Diospaj ñaupajpica achcata mancharcacuna.

HAGEO 1:14

Mandaj Diosca chashna huillachishpami, Judá llajtata mandaj Salatielpaj churi Zorobabelpaj yuyaitapish, curacunata mandaj Josadacpaj churi Josuepaj yuyaitapish, chaipi tucui causajcunapaj yuyaitapish pascarca. Chaimantami tucuita Mandaj, paicunapaj Taita Diospaj huasitaca allichinata callarircacuna.

HAGEO 2:21

“Judá llajtata mandaj Zorobabelman cashna ni: Ñucaca jahua pachatapish, cai pachatapish chujchuchishami.

HAGEO 2:23

Ñuca paicunata chashna llaquichicui punllacunapica, Salatielpaj churi ñucata servij can Zorobabeltaca, ñuca sellota churana sortijasta shinami huaquichisha. Ñucamari cantaca agllarcani. Ñucaca tucuita Mandaj Dios cashpami, chashna nini ni” nircami.

ZACARÍAS 3:1

Mandaj Diosca ñucamanca, curacunata mandaj Josué curatami ricuchirca. Paica, Mandaj Diospaj angelpaj ñaupajpimi shayacurca. Josué curapaj alli maquimanca, Satanasmi juchachingapaj shayacurca.

ZACARÍAS 3:8

Curacunata mandaj Josué, cunanca alli uyapangui. Canpish, cambaj ñaupajpi tiyacuj runacunapish yuyarina runacunami canguichij. Riqui, ñucata servijtaca, Retoñacuj yurata shinami apamuni.

ZACARÍAS 6:11

Chaiman chayashpaca cullquitapish, curitapish japishpa coronacunata rurangui. Chaimantaca Josadacpaj churi, curacunata mandaj Josué curaman umapi churachingui.

NÚMEROS 28:2

Israelcunata mandashpaca cashna ni: Ñucaman cuna cashcatapish, ñucapaj micuna cachun cusashpa cunatapish ñuca mandashca punllapitaj cuchun mandai. Chai cushcacunaca ñucapajca mishquijlla ashnacujmi canga.

Lucas 3:27

Judaca, Joanapaj churimi carca. Joanaca, Resapaj churimi carca. Resaca, Zorobabelpaj churimi carca. Zorobabelca, Salatielpaj churimi carca. Salatielca, Neripaj churimi carca.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.