ESDRAS 3:12 - Dios Rimashca Shimicunami

¹² Ñaupaman caj Diospaj huasita ricuj achca curacuna, levitacuna, ñaupa yayacunamanta mirarishca quiquinpurallata mandajcuna, cunaj yuyajcunapish Mandaj Diospaj huasita cutin shayachingapaj callari rumita churajta ricushpaca, jatunta caparishpami huacarcacuna. Tucui shujtajcunapish jatunta cushicushpami caparircacuna.

ESDRAS 3:12 Iomraidhean Croise

ESDRAS 3:13

Paicuna yallitaj caparishca bullaca carucamami uyarirca. Shujcunaca caparishpa cushicushcata, shujcunaca llaquijllata huacacujta uyajcunaca imamanta chai bulla cashcataca mana yachai tucurcacuna.

JOB 8:7

Canca ñaupaman ashallata charishca cashpapish, q'uipataca achca allicunatami charingui.

SALMOS 126:6

Sumaj muyuta tarpunamanca huacaihuanmi ringa. Ashtahuanpish tigrashpaca cushicuihuanmi gavillacunata apashca shamunga.

SALMOS 147:1

Mandaj Diostaca alabaichigari. Ñucanchij Taita Diosta salmocunata cantanaca allimari. Paita alabanaca sumajmari, mishquimari.

ISAÍAS 41:14

Jacobpaj c'uritucuna ama manchaichijchu. Israelcuna ashalla cashpapish cancunaca ama manchaichijchu. Ñucami cancunata ayudaj cani ninmi Mandaj Diosca. Israelcunapaj jucha illaj Diosmi cancunata Quishpichijca.

ISAÍAS 60:22

Uchillaca huaranga huarangami tucunga. Uchilla llajtaca imatapish rurai tucuj pueblomi tucunga. Mandaj Dios ñucami ñuca chashna rurashami nishca punllapi chashna rurajpi chaica utca pajtanga.

JEREMÍAS 50:4

Mandaj Diosca cashnapishmi nin: “Chai punllacunapi, chai huatacunapica israelcunapish, Judá runacunapish huacashpamari, quiquin chaquihuan ñucata mashcangacuna. Paicunata Mandaj Dios cajpimari, ñucapajman shamungacuna.

HAGEO 2:3

Sarunman cai huasi sumaj cashcata ricujcunapuramantaca, ¿maijan causacunguichijrajchu? ¿Cunanca ima shina cashcatataj ricunguichigari? ¿Cancunapaj ñahuipica, cai huasica ima mana tiyashca shinachu ricurin imatagari?

ZACARÍAS 4:10

“Diospaj huasita ruranata Zorobabel callaricujpi p'iñajcunapish tucuchishcata ricushpaca cushicungacunami. Zorobabel plomadata maquipi charicujtapish ricungacunami. Chai canchis lamparacunaca, Mandaj Diospaj ñahuicuna cai pachata tucuita ricucujtami ricuchin” nircami.