ESDRAS 3:1 - Dios Rimashca Shimicunami

¹ Israelcuna tigrashpaca paicunapaj pueblocunallapitaj ña causacushpami huatapaj canchis quilla chayajpica, tucuicuna shuj shinalla Jerusalenpi tandanacurcacuna.

ESDRAS 3:1 Iomraidhean Croise

NEHEMÍAS 7:72

Tucui israelcunaca 20.000 dracma curita, 2.000 libra cullquita, curacunapaj churanacunatapish, sujta chunga canchistami curcacuna.

NEHEMÍAS 7:73

Curacunapish, levitacunapish, pungupi cuidajcunapish, cantajcunapish, israelcunapish, Diospaj huasi ucupi ima shujtajta rurajcunapishmi paicunapaj quiquin pueblocunapi causarcacuna. Chashnami tucui israelcuna, paicunapaj quiquin pueblollapitaj causarcacuna. Ña canchis quilla callarinapajca israelcunaca paicunapaj quiquin pueblocunallapitajmi causacurcacuna.

NEHEMÍAS 8:1

Chai punllami yacuhuan yaicuna pungu ñaupaj plazapi tucui israelcuna shuj shinalla tandanacushpaca, Moisesman Mandaj Dios israelcunaman cuchishca librota apamuchun quillcaj Esdrataca mañarcacuna.

NEHEMÍAS 8:14

Chaipimi paicunaca Mandaj Dios Moisesta quillcachishpa israelcunaman cushca mandashcapica: “Huatapaj canchis quillapi ramadacunapi causashpa jatun fiestata rurachun” nishca quillcashcata japircacuna.

LEVÍTICO 16:29

Tucui cai mandashcacunaca chashna ruracuchunlla mandashcami. Canchis quillapaj chunga punllapica cancunapaj alma llaquilla tucushpa, imata mana rurashpami samarina canguichij. Cancunapish, cancunahuan causacuj mana israelcunapish chai shinallataj rurachun.

LEVÍTICO 23:24

“Israelcunata cashna nishpa mandai: Canchis quillapaj callari punllapica samana punllami canga. Chai punllapica trompetacunapi tocashpa tucuita cayashpa Taita Diosta yuyarishpa Diospajlla tandanacuita charinguichij.

SOFONÍAS 3:9

Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna.

Hechos 2:46

Taita Diospaj huasipipish, punllantami shuj yuyailla tandanacurcacuna. Jesús huañushcata yuyarishpa tandata micunatapish paicunapaj huasicunapipish micurcacunami. Chaitaca tucuicuna cushicushpa alli shunguhuanmi micurcacuna.

Hechos 4:32

Crijcunaca tucuicunami shuj shungulla, shuj yuyailla carcacuna. Pi mana “caica ñucapajmi, chaica ñucapajmi” nircachu. Tucui imalla charishcacunapish tucuicunapajmi carca.

1 Corintios 1:10

Huauquicuna, cancunataca ñucanchijta Mandaj Jesucristopaj shutipimi rogani. Cancunapurapi chaupirinacui ama tiyachun, tucuicuna chai shinallataj rimaichij. Yuyanapi, ruranapipish tucuicuna tandalla chai shinataj caichij.

DEUTERONOMIO 16:16

Mandaj Dios agllashca pueblopica, cada huatapaj quimsa cutinmi cai fiestacunapimi ricurigrina canguichij: Levadura illajlla tandata micuna jatun fiestapi, granota tandashcamanta cushicuna jatun fiestapi, ramacunahuan chugllacunata rurashca jatun fiestacunapimi tucui c'aricuna Mandaj Dios cancunapaj Taita Diospaj ñaupajpi ricurigrina canguichij. Chai jatun fiesta punllacunapica ni pi ama Mandaj Diospaj ñaupajpica chushaj maquilla ricurigringuichijchu.

JUECES 20:1

Ña alli yuyarinacushpaca tucui israelcunami, Mandaj Diospaj ñaupajpi tandanacurcacuna. Tucuicuna shuj yuyaillami Mizpapi tandanacurcacuna. Danpi causajcunamanta callarishpaca, Beersebapi causajcunacama Galaad llajtapi causajcunandijmi tandanacurcacuna.