ESDRAS 2:2 - Dios Rimashca Shimicunami

² Zorobabelhuan tigraj pushajcunaca Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana shuticunami carca. Tandanacushca israelcunaca caicunami carca:

ESDRAS 2:2 Iomraidhean Croise

ESDRAS 1:11

Curimanta cullquimanta rurashca Diospajta ruranacunata yupajpica, 5.400mi carca. Tucui chaicunataca Sesbasarca Babilonia llajtapi prezu causacushcacunahuan apashpami Jerusalenman tigrarca.

ESDRAS 1:8

Persia llajtata jatun mandaj Ciroca, chai charinacunataca cullquita huaquichij Mitrídates runatami llujshichichirca. Chai runami tucuita yupashpa Judá llajtata mandaj Sesbasarman curca.

ESDRAS 2:1

Babilonia llajtata jatun mandaj Nabucodonosor judacunata Babiloniaman prezu apashcacuna Jerusalenman, Judaman quiquin puebloman cutinllataj tigrajcunaca caicunami:

ESDRAS 2:3

Parospaj huahua huahuacunaca, 2.172mi carca.

ESDRAS 3:2

Chaipimi Josadacpaj churi Jesuaca, caishuj curacunandij, Salatielpaj churi Zorobabelpish paipaj familiacunandij tucushpa israelcunata Mandaj Diospaj altarta shayachina tucurcacuna. Diospaj runa Moisés mandashpa quillcashcapi nishca shinallataj chai altar jahuapi Mandaj Diosman cushpa tucui rupachingapajmi chashna rurarcacuna.

ESDRAS 4:3

Shina nijpimi Zorobabelpish, Jesuapish, Israel ñaupa yayacunamanta mirarishca quiquinpurallata mandajcunapish: –Ñucanchij Diospaj huasita cancunahuan tandalla ruranaca mana allichu. Persia llajtata jatun mandaj Ciro mandashca shina israelcunata Mandaj Diospaj huasitaca ñucanchijllamari shayachina canchij– nircacunami.

ESDRAS 4:8

Jatun mandajpaj randi mandaj Rehumpish, quillcaj Simsai runapish Jerusalencunata juchachishpami, jatun mandaj Artajerjesman shuj quillcata cacharcacuna.

ESDRAS 5:2

Chaimi Salatielpaj churi Zorobabelpish, Josadacpaj churi Jesuapish Jerusalenpi caj Diospaj huasita cutin shayachicushcata cutinllataj shayachingapaj jatarishpa shayachi callarircacuna. Paicunahuan caj Diospaj profetacunapish ayudarcacunami.

ESDRAS 8:1

Jatun mandaj Artajerjes mandacui punllacunapi Babiloniamanta Jerusalenman ñucahuan huichiyaj ñaupa yayacunamanta mirarishcacunaca, paicunata pushajcunandijca caicunami:

NEHEMÍAS 10:15

Buni, Azgad, Bebai,

NEHEMÍAS 12:47

Zorobabelpaj punllacunapi, Nehemiaspaj punllacunapica tucui israelcunami cantajcunapajpish pungupi cuidajcunapajpish punllanta paicunapaj micunapaj apamujcuna carca. Levitacunapajpish chashnallatajmi apamujcuna carca. Chaitami levitacunapish Aaronpaj huahua huahuacunaman cutin paicunapish paicunapaj cuna cashcata cujcuna carca.

NEHEMÍAS 7:7

Zorobabelhuan tigraj pushajcunaca Jesúa, Nehemías, Azarías, Raamías Nahamani, Mardoqueo, Bilsán, Misperet, Bigvai, Nehum, Baana shuti runacunami carcacuna. Tandanacushca israelcunaca caicunami carca:

HAGEO 1:1

Persia llajtataca jatun mandaj Darioca, ñami ishqui huata sujta quillata mandacurca. Sujta quillapaj punta punllapimi, Mandaj Diosca pai ima nishcata huillaj Hageotaca, Judá llajtata mandaj Zorobabelpajmanpish, curacunata mandaj Josuepajmanpish cacharca. Zorobabelca, Salatielpaj churimi carca. Josueca, Josadacpaj churimi carca. Paicunamanca Hageoca cashnami nirca:

HAGEO 1:12

Salatielpaj churi Zorobabelpish, Josadacpaj churi curacunata mandaj Josuepish, tucui shujtajcunapishmi paicunata Mandaj Dios chashna nichun cachashcata uyarcacuna. Dios ima nishcata huillaj Hageo chashna huillajta uyashpami, paicunaca Mandaj Diospaj ñaupajpica achcata mancharcacuna.

HAGEO 1:14

Mandaj Diosca chashna huillachishpami, Judá llajtata mandaj Salatielpaj churi Zorobabelpaj yuyaitapish, curacunata mandaj Josadacpaj churi Josuepaj yuyaitapish, chaipi tucui causajcunapaj yuyaitapish pascarca. Chaimantami tucuita Mandaj, paicunapaj Taita Diospaj huasitaca allichinata callarircacuna.

HAGEO 2:2

“Judá llajtata mandaj Salatielpaj churi Zorobabelmanpish, Josadacpaj churi, curacunata mandaj Josuemanpish, tucui chaipi causajcunamanpish cashna ni:

HAGEO 2:21

“Judá llajtata mandaj Zorobabelman cashna ni: Ñucaca jahua pachatapish, cai pachatapish chujchuchishami.

HAGEO 2:4

Chaimanta cunanca, can mandaj Zorobabelpish, Josadacpaj churi, curacunata mandaj Josuepish, tucui cai llajtapi causajcunapish, cai huasita rurashpa catichijlla, ama saquirichijchu. Ñucaca, cancunahuannmi cani ninimi tucuita Mandaj Diosca.

ZACARÍAS 3:1

Mandaj Diosca ñucamanca, curacunata mandaj Josué curatami ricuchirca. Paica, Mandaj Diospaj angelpaj ñaupajpimi shayacurca. Josué curapaj alli maquimanca, Satanasmi juchachingapaj shayacurca.

ZACARÍAS 3:3

Josueca, Mandaj Diospaj angelpaj ñaupajpica, yallitaj mapa churanata churashcami shayacurca.