ESDRAS 10:5 - Dios Rimashca Shimicunami

⁵ Shina nijpi Esdras jatarishpaca, curacunata mandajcunatapish, levitacunata mandajcunatapish, tucui israelcunatapish Secanías yuyaita cushcata ari nichijpimi, ari nircacuna.

ESDRAS 10:5 Iomraidhean Croise

ESDRAS 10:3

Cunanca can ñuca amopish, ñucanchij Dios mandashcata cazuj tucui caishujcunapish cunashca shinami, tucui ñucanchij huarmicunatapish, paicunahuan charishca huahuacunatapish llujshichishpa cachanata ñucanchij Dioshuan ari ninacugrinchij. Chaitaca mandashcapi nishca shinatajmi ruragrinchij.

NEHEMÍAS 10:29

Chaipica israelcunaca paicunata pushajcunandij tandanacushpami, Mandaj Dios paipajta ruraj Moisesman cushca mandashcacunapi nishca shina Diospaj mandashcapi puringapaj ari ningapaj tandanacurcacuna. Mandaj ñucanchij jatun Diospaj mandashcacunata, pajtachinguitaj nishcacunata, chaitataj pajtachichun nishcacunata cazushunmi pajtachishunmi ningapajmi chashna tandanacurcacuna.

NEHEMÍAS 13:25

Chaimi paicunahuanca yallitaj p'iñarishpa: Mana allicunami canguichij nishpa maijan paicunataca huajtashpa ajchamanta c'utsashpa paicunataca: “Ñucanchij ushushicunataca mana israelcunapaj churicunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu. Ñucanchijpish paicunapaj ushushicunataca ñucanchij huarmicuna cachunca manataj japishunchu” nishpami ari nichircani.

NEHEMÍAS 5:12

Shina nijpi paicunaca: “Can nishca shinallatajmi ñucanchij mañachishcamantaca imata mana mañashpa paicunaman tigrachishunlla” nijpimi, ñucaca curacunata cayashpa paicunapaj ñaupajpi: “Chashna rurashuntajmi” nichircani.

PROVERBIOS 1:5

Yachaisapa runa caita uyashpaca, ashtahuan yachajmi tucunga. Yuyaisapa runapish cunashcata chasquingami.

PROVERBIOS 15:23

Alli yuyaicunata cuj runaca, allita rimashcamantami cushicun. Alli punllapitaj yuyaita cushcaca sumajmari.

PROVERBIOS 27:9

Mishquijllata ashnaj sumaj jambicunahuan churarishcaca, shunguta cushichinmi. Alli apanacuj runa sumajta cunashcacarin, yuyaitamari cushichin.

PROVERBIOS 9:9

Yachaisapa runata yachachijpica, ashtahuanmari yachaj tucunga. Cashcata rurajman yachachiyari, paica ashtahuanmari yachanga.

Mateo 26:63

Ashtahuanpish Jesusca imata mana nijpimi curacunata mandajca: –Causaj Diospaj shutipimi nini. ¿Canca Diospaj Churi, Cristotajchu cangui? ñucanchijman huillaiyari– nircami.