ESDRAS 10:3 - Dios Rimashca Shimicunami

³ Cunanca can ñuca amopish, ñucanchij Dios mandashcata cazuj tucui caishujcunapish cunashca shinami, tucui ñucanchij huarmicunatapish, paicunahuan charishca huahuacunatapish llujshichishpa cachanata ñucanchij Dioshuan ari ninacugrinchij. Chaitaca mandashcapi nishca shinatajmi ruragrinchij.

ESDRAS 10:3 Iomraidhean Croise

2 REYES 11:17

Chai q'uipami Joiadaca, jatun mandajtapish, tucui gentecunatapish Mandaj Dios nishcata pajtachishpa causanata ari nichirca. Paicunaca Dios agllashca pueblo nishca cachunmi chashna ari nichirca. Jatun mandajpish ima shinalla mandanata, gentecunapish ima shina jatun mandajta cazunatami ari nichirca.

2 CRÓNICAS 29:10

Chaimantami cunanca ñucanchij israelcunata Mandaj Dios ñucanchijhuan ama ashtahuan p'iña cachun, paita cazunata ari ninatami yuyarircani.

2 CRÓNICAS 30:12

Mandaj Diosca Judá llajtapi causajcunatapishmi, pai Dios mandashca shinata rurachun jatun mandajhuan, caishuj mandajcunahuan mandashcata cazuna yuyaita curca.

2 CRÓNICAS 34:21

–Ñucatapish, Israel llajtapi causaihuan saquirishca israelcunatapish, cai Judá llajtapi causaihuan saquirishcacunatapish Diospaj huasipi japishca cai libropi tiyacuj shimicunamanta Mandaj Dios imata nijta tapugrichij. Ñucanchij ñaupa yayacunaca, Mandaj Dios cushca cai shimicuna imallata nicushcatamari manataj uyashpa manataj cazushcacuna. Chaimantamari Mandaj Diosca, ñucanchijhuanca nina sindirij shina yallitaj p'iñarishca– nircami.

2 CRÓNICAS 34:27

Cai llajtatapish, cai llajtapi causajcunatapish, ñuca llaquichina cashcata chai quillcapi huillacushcata uyashpaca, shungu p'aquirishpami ñuca ñaupajpi llaquirircangui. Chashna llaquirishpami tucui shunguhuan chaipi cambaj yuyaita churashpami ñuca ñaupajpica cumurircangui. Chashna llaquirishpami ñucallata cazuna yuyai tucurcangui. Shinallataj can churarishcata lliquirishpami ñuca ñaupajpi cumurishcata ricuchingui. Can chashna llaquirishcataca uyanimi ninmi Mandaj Diosca.

ESDRAS 10:11

Cunanca cai llajtapi causajcunamanta, mana Israel caj huarmicunamanta anchurishpa, cancunapaj ñaupa yayacunapaj Dios munashcata rurashpa Mandaj Diosta jatunyachichij– nircami.

ESDRAS 10:44

Tucui chai runacunami, mana Israel caj huarmicunata paicunapaj huarmicuna cachun japishca carca. Maijan huarmicunaca, paicunahuan ñami huahuacunata charishca carca.

ESDRAS 10:9

Chaimi Judá aillupish, Benjamín aillupish manaraj quimsa punlla tucujpi, Jerusalenpi tandanacurcacuna. Paicunaca huatapaj iscun quilla ishqui chunga punllapi Diospaj huasi canllapi tandanacushpa tiyarishpami, chai huarmicunata llujshichishpa cachana cashcamantapish, tamyacushcamantapish chujchushpa tiyacurcacuna.

ESDRAS 9:4

Diosta mana cazushcamanta prezu apashca cajcuna tigramushcacunaca israelcunapaj Dios llaquichina cashcata manchashcamantami tucuicuna ñucapajman tandanacumurcacuna. Ashtahuanpish ñucaca chishi sacrificiota cuna horascamami llaquilla tiyacurcanilla.

NEHEMÍAS 10:1

Chai quillcashcapi firmajcunaca caicunami: Hacaliaspaj churi llajtata mandaj Nehemías, Sedequías,

NEHEMÍAS 8:14

Chaipimi paicunaca Mandaj Dios Moisesta quillcachishpa israelcunaman cushca mandashcapica: “Huatapaj canchis quillapi ramadacunapi causashpa jatun fiestata rurachun” nishca quillcashcata japircacuna.

NEHEMÍAS 9:38

Cutin ama chashna tucungapajmi ñucanchijca pajtachingapajtaj ari nishpa shuj quillcata quillcashpa, chaipica ñucanchij llajtata mandajcunapaj, ñucanchij levitacunapaj, ñucanchij curacunapaj firmahuan saquinchij.

SALMOS 119:120

Ñuca aichaca quiquinta manchashcamanta chujchucunmari. Quiquin mandashcacunataca manchacunimari.

SALMOS 119:59

Ñuca ima shina causacushcatami alli alli yuyarircani. Mai ñanpi puricushcata yuyarishpami, quiquin yachachishcapi puringapaj tigrarcani.

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

DEUTERONOMIO 29:12

Mandaj Dios cancunapaj Taita Dioshuan ari nishcapi pajtachingapaj yaicungapajmi caipi canguichij.

JOSUÉ 9:6

Gilgalpi Josuepish israelcunapish causacun carpa huasicunaman chayashpaca: –Ñucanchijmi yallitaj caru llajtamanta shamunchij. Cunanca ñucanchijhuan shuj ruranata ari nihuaichij– nircacunami.