ESDRAS 10:10 - Dios Rimashca Shimicunami

¹⁰ Chaipi Esdras cura jatarishpaca: –Cancunaca manapish Israel huarmicunata cancunapaj huarmicuna cachun japishpami juchallishcanguichij. Chashnami Israelpica juchaca yallitaj mirarishca.

ESDRAS 10:10 Iomraidhean Croise

2 CRÓNICAS 28:13

cashna nircacuna: –Prezu apamushcacunataca, ama caiman yaicuchimuichijchu. Chashna rurashpaca, Mandaj Diospaj ñaupajpica, yallitaj millaita rurajcunamari ricurishun. Cancuna yuyacushcata rurashpaca tucui ñucanchijpaj juchacunatamari ashtahuan mirachinguichij. Diosca yallitajmari israelcunahuanca p'iñaringa– nircacunami.

ESDRAS 10:11

Cunanca cai llajtapi causajcunamanta, mana Israel caj huarmicunamanta anchurishpa, cancunapaj ñaupa yayacunapaj Dios munashcata rurashpa Mandaj Diosta jatunyachichij– nircami.

ESDRAS 10:9

Chaimi Judá aillupish, Benjamín aillupish manaraj quimsa punlla tucujpi, Jerusalenpi tandanacurcacuna. Paicunaca huatapaj iscun quilla ishqui chunga punllapi Diospaj huasi canllapi tandanacushpa tiyarishpami, chai huarmicunata llujshichishpa cachana cashcamantapish, tamyacushcamantapish chujchushpa tiyacurcacuna.

ESDRAS 9:14

Chashna ruracushca jahuaca cai llajtapi causaj millananacunata rurajcunahuan familia tucushpa cutinllatajca ¿maitataj can mandashcacunataca p'aquishunyari? Chashna rurajpica canca ñucanchijhuan yallitaj p'iñarishpa ashacunallatapish mana saquishpa, shujllatapish mana quishpichishpa tucuita chingachinguillatajmari.

ESDRAS 9:6

cashna nircani: “Ñuca Dioslla, ñuca Dioslla, canta huichilla ricushpa mañangapajca yallitaj musparishca yallitaj pingaihuanmi cani. Millaita ñucanchij rurashpaca yallitaj jucha aparishcami tucushcanchij. Ñucanchij juchacunaca jahua pachacamami chayashca.

NÚMEROS 32:14

Cancunaca juchata rurajcunapaj huahuacuna cashpami, cunanpish cancunapaj yayacuna rurashca shinallataj rurashun ninguichij. Mandaj Dios israelcunahuan p'iñarishcata ashtahuan mirachingapajllami chashna ruranguichij.

Mateo 23:32

¡Cancunapaj yayacuna callarichishcataca tucuringacama rurashpa catichijlla!