ESDRAS 10:1 - Dios Rimashca Shimicunami

¹ Diospaj huasi ñaupajpi cungurishpa, huacashpa tucuicunapaj juchata Diosman huillashpa Esdras mañacujpica, yallitaj achca israelcunami paipaj muyundijta tandanacurcacuna. Chaipica c'aricunapish, huarmicunapish, huahuacunapish tucuicunami yallitaj huacarcacuna.

ESDRAS 10:1 Iomraidhean Croise

1 REYES 8:30

Cambajta rurajpish, can agllashca israelcunapish cambaj huasita chapashpa mañashcataca, can causacunmanta uyashpa perdonapai.

1 REYES 9:3

Chaipi ricurishpaca Mandaj Diosca: “Ñuca ñaupajpi can mañashcata, rogarishcata uyarcanimi. Cai huasipi ñuca shuti huiñaipaj cachun, can rurashca cai huasitapish ñucapajlla cachun ch'icanchircanimi. Ñuca ñahuicunapish, ñuca shungupish punllantami chai huasipi canga.

2 CRÓNICAS 20:13

Tucui Judá llajtapi causajcunami Mandaj Diospaj ñaupajpi paicunapaj huarmicunandij, uchilla huahuacunandij, jatun huambracunandij shayacurcacuna.

2 CRÓNICAS 20:9

Ñucanchijpaj ima llaqui shamungachari, mana cashpaca imamanta llaquichingapaj shujtajcunata espadahuan cachangachari, mana cashpaca ima ungüita, mana cashpaca yaricaita cachangachari. Chashna cajpica can caipi cashcamantaca, (cai huasimanmi) cambaj ñaupajman shamushun. Caiman shamushpami, llaquipi cashcamanta caparishpa mañashun. Chashna mañajpica, can uyashpa, chai llaquicunamanta llujshichinguimi nishcacunami.

ESDRAS 10:6

Mandaj Diospaj huasi ñaupajmanta Esdras jatarishpa rishpaca, Eliasibpaj churi Johanán tiyacun ucumanmi yaicurca. Chaipica prezu apashca cashcamanta tigramushcacuna juchallishcamanta llaquilla cashpami, micunatapish mana micushpa, yacutapish mana ubyashpa pacarirca.

NEHEMÍAS 1:4

Chashna nishcata uyashpaca, achcata llaquirishpa huacashpami, tauca punllacunata yallitaj llaquilla carcani. Jahua pacha Diospaj ñaupajpi ayunashpa mañashpaca,

NEHEMÍAS 1:6

Cambajta ruraj israelcunamantaca punllapish tutapish cambaj ñaupajpi ñuca mañacushcata uyahuai, ricuhuayari. Ñucanchij israelcunaca ñuca familiamanta callarishpa tucuicunamari yallitaj millaita rurashpa canta p'iñachishcanchij. Chaita huillashpami, cambajta ruraj ñucaca canta mañapani.

NEHEMÍAS 10:28

Caishujcunaca caicunami carca: Curacuna, levitacuna, pungupi cuidajcuna, cantajcuna, Diospaj huasipi imalla ruranata rurajcuna, Taita Dios mandashcata cazungapaj chai llajtapi causajcunamanta anchurishcacunapish paicunapaj huarmicunandij, imapaj cashcata entendi tucuipaj churicunandij, ushushicunandijmi tandanacurcacuna.

NEHEMÍAS 8:9

Chaipica llajtata mandaj Nehemiaspish, quillcaj cura Esdraspish, israelcunaman entendichij levitacunapish, tucui chaipi cajcunataca: “Cunanca ñucanchij Jatun Diospaj ch'icanchishca punlla cashcamanta, ama llaquilla caichijchu, ama huacaichijchu” nircacunami. Mandashca librota rezashcata uyashpa tucui chaipi cajcuna, huacacushcamantami chashna nircacuna.

SALMOS 119:136

Quiquin mandashcata mana pajtachishcamantami ñuca ñahuimanta huiquica jatun yacu shina rirca.

SALMOS 32:5

Mandaj Dios ñuca juchataca tucuitami quiquinman huillarcani. Millaita rurashcacunataca imata mana pacarcanichu. “Ñuca mana cazushcacunataca Mandaj Diosmanmi” huillarcani. Mandaj Dios, millaita rurashpa ñuca juchallishcataca perdonarcanguimi. Selah

JEREMÍAS 13:17

Cancuna jatun tucushpa caita mana uyajpica imatataj rurashapish, cancunamantaca pacallapi huacashpa saquirishatajchari. Mandaj Diospaj oveja canllata prezu apajpica, ñuca ñahuicuna yacuyashpa tucuringacama jatunta huacacushallatajchari.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

DANIEL 9:20

Ñucaca ñuca juchallishcatapish, ñuca aillupura israelcuna juchallishcatapish ñucata Mandaj Taita Diospaj ñaupajpi huillashpa tucui shunguhuan rogarishpami mañacurcani. Ñuca Diospaj jucha illaj urcumantapishmi mañacurcani.

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Mateo 3:6

Paicunapaj juchacunata huillajpimi, Juanca Jordán yacupi bautizarca.

Lucas 19:41

Jerusalenman chayagrishpaca, chai pueblopi causajcunata ricushpa huacashpami,

Hechos 10:30

Cornelioca: –Ñami chuscu punlla tucun. Ñucaca cunan shinallataj chishimi quimsa horas shinata manaraj micushpa ñuca huasipi Taita Diosta mañacurcani. Chaipimi achij nicuj churanata churashca runa ñuca ñaupajpi ricurishpa,

Hechos 21:5

Chai punllacuna q'uipaca, ñucanchij rina cashcaman rigrijpimi, Jesusta caticujcunaca tucuicuna paicunapaj huarmicunandij, huahuacunandij, chai pueblomanta llujshincama ñucanchijhuan shamurcacuna. Chaipica cucha uripimi, tucuicuna cungurishpa Taita Diosta mañarcanchij.

Romanos 9:2

Ñucaca jatun llaquitami charini. Chai nanaica ñuca shungupi caticunllami.

DEUTERONOMIO 31:12

Cai mandashcata uyashpa Mandaj Dios cancunapaj Taita Diosta manchanata yachachun, cai mandashcapi tucui imalla nishcacunata chai yuyailla tucushpa pajtachijcuna cachunca, tucui c'aricunata, huarmicunata, huahuacunata, cancunapaj pueblocunapi causaj shujtaj llajtamanta cajcunata tandachinguichij.

JOSUÉ 7:6

Chaimantami Josuepish, israelcunata cunaj yuyajcunapish llaquirishpa paicunapaj churanacunata lliquirishpa, uma jahuapi allpahuan shitarircacuna. Mandaj Diospaj arca ñaupajpimi chishiyangacama pambaman tupajta cumurishca carcacuna.

JOSUÉ 8:35

Josueca Moisés cushca mandashcataca, shuj shimillatapish mana saquishpami, tucuita rezarca. Huarmicunamanpish, uchilla huahuacunamanpish, israelcunapurapi causacuj mana israelcunamanpish tucuicunamanmi rezashpa uyachirca.