ESDRAS 1:8 - Dios Rimashca Shimicunami

⁸ Persia llajtata jatun mandaj Ciroca, chai charinacunataca cullquita huaquichij Mitrídates runatami llujshichichirca. Chai runami tucuita yupashpa Judá llajtata mandaj Sesbasarman curca.

ESDRAS 1:8 Iomraidhean Croise

ESDRAS 1:11

Curimanta cullquimanta rurashca Diospajta ruranacunata yupajpica, 5.400mi carca. Tucui chaicunataca Sesbasarca Babilonia llajtapi prezu causacushcacunahuan apashpami Jerusalenman tigrarca.

ESDRAS 2:2

Zorobabelhuan tigraj pushajcunaca Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana shuticunami carca. Tandanacushca israelcunaca caicunami carca:

ESDRAS 5:14

Jerusalenpi caj Diospaj huasimantami curimanta, cullquimanta rurashca Diospajta rurana charinacunata Nabucodonosor llujshichishpa Babiloniapi caj paipaj dioscunapaj huasiman aparca. Jatun mandaj Ciro chai llajtata mandai callarishpami, chai charinacunata chai huasimanta llujshichishpa pai churashca mandaj Sesbasarman cushpaca,

ESDRAS 5:16

Chaimi Jerusalenman Sesbasar shamushpaca, Diospaj huasi ñaupaman maipi cashcallapitaj cutin shayachingapaj callari rumita churarca. Chai punllamantapacha rurai callarishpapish manaraj tucuchinchijchu nircacunami.

ESDRAS 5:2

Chaimi Salatielpaj churi Zorobabelpish, Josadacpaj churi Jesuapish Jerusalenpi caj Diospaj huasita cutin shayachicushcata cutinllataj shayachingapaj jatarishpa shayachi callarircacuna. Paicunahuan caj Diospaj profetacunapish ayudarcacunami.

JEREMÍAS 51:44

Babilonia llajtapaj Bel shuti diostaca, ñuca japishpaca llaquichishatajmi. Imallata micushcataca, huijsamanta llujshichishami. Cutinca ña mana shujtaj llajtacunamanta paipajman ringacunachu. Babilonia pueblo muyundij jatun pircapish ñallamari urmanga.

HAGEO 1:1

Persia llajtataca jatun mandaj Darioca, ñami ishqui huata sujta quillata mandacurca. Sujta quillapaj punta punllapimi, Mandaj Diosca pai ima nishcata huillaj Hageotaca, Judá llajtata mandaj Zorobabelpajmanpish, curacunata mandaj Josuepajmanpish cacharca. Zorobabelca, Salatielpaj churimi carca. Josueca, Josadacpaj churimi carca. Paicunamanca Hageoca cashnami nirca:

HAGEO 1:14

Mandaj Diosca chashna huillachishpami, Judá llajtata mandaj Salatielpaj churi Zorobabelpaj yuyaitapish, curacunata mandaj Josadacpaj churi Josuepaj yuyaitapish, chaipi tucui causajcunapaj yuyaitapish pascarca. Chaimantami tucuita Mandaj, paicunapaj Taita Diospaj huasitaca allichinata callarircacuna.