ESDRAS 1:6 - Dios Rimashca Shimicunami

⁶ Paicunamanca paicunapaj muyundijpi causajcunami cullquita, curita, ima charinacunatapish, animalcunatapish, tucui valij charinacunatapish cushpa cacharcacuna. Chai jahuami ofrendacunatapish quiquin munashca shina curcacuna.

ESDRAS 1:6 Iomraidhean Croise

1 CRÓNICAS 29:9

Mandaj Diosmanca tucui shunguhuan tucui munaihuan cujpimi, tucui chaipi cajcunaca cushicurcacuna.

ESDRAS 1:4

Paicuna maipi causacushcallapitaj saquirijcunaca paicunapaj c'uchullapi causacujcuna ricujpica cullquihuan, curihuan, imalla charishcacunahuan, animalcunahuan ayudashpa cachachun. Shinallataj Jerusalenpi caj Mandaj Diospaj huasipajpish quiquin munashca shinallataj ofrendacunata cushpa cachachun” nishpami huillachirca.

ESDRAS 8:33

Chuscu punllapica, ñucanchij Diospaj huasipimi cullquitapish, curitapish, Diospaj huasipi imallata ruranapaj cajcunatapish pizashpa Uriaspaj churi Meremot curaman, Fineespaj churi Eleazar curaman tucuita curcanchij. Paicunahuanca Jesuapaj churi Jozabad, Binuipaj churi Noadías levitacunapishmi carca.

NEHEMÍAS 6:9

Tucui paicunaca chai pircacushcataca, manchashpa mana tucuchingacunachu nishpami, chashna manchachishun nircacuna. “Chashna nicujpipish Taita Dioslla, ñucaman ashtahuan rurana yuyaita cuhuayari” nishpami mañarcani.

SALMOS 106:46

Tucui paicunata prezu charicujcunamanpish paillatajmi paicunata llaquina yuyaitami curca.

SALMOS 110:3

Quiquinpaj cajcunaca quiquin mandacui punllapica, paicuna quiquinllatajmi quiquinman curingacuna. Quiquin jucha illaj sumaj cashcapimi curingacuna. Pacari shullahuan cada tutamanta mushujyaj shinami punllanta mushujllataj canguilla.

ÉXODO 12:35

Israelcunaca Moisés mandashca shinallatajmi egipciocunataca cullquimanta, curimanta rurashca sumaj charinacunatapish, churanacunatapish mañarcacuna.

ÉXODO 12:36

Mandaj Diosca israelcunataca egipciocunapaj ñahuipi alli ricurij cajta rurajpimi, egipciocunaca mashnata israelcuna mañashcata cujpi, israelcunaca egipciocunataca quichushpa rircacuna.

ISAÍAS 35:3

¡Shaicushca maquicunata sinchiyachichij. Chujchucuj sanpicunata sinchiyachichij!

2 Corintios 9:7

Tucuicuna quiquin shungupi yuyarishca shina cuichij. Ama llaquirishpa, ama cuichij nishcallamanta cuichijchu. Cushicushpa cujtamari, Diosca c'uyan.