ESDRAS 1:3 - Dios Rimashca Shimicunami

³ Chaimanta cancunapurapi Dios agllashcacuna maijan tiyajpica Taita Dios paihuan cachun. Paica Judapi caj Jerusalenman huichiyachunlla. Chaipica israelcunata Mandaj Diospaj huasita shayachichun. Paica Diostajmi. Paica Jerusalenpimi.

ESDRAS 1:3 Iomraidhean Croise

1 REYES 18:39

Tucuicuna chaita ricushpaca pambaman tupajta cumurishpami: “¡Mandaj Diosmi Diostaj, Mandaj Diosmi Diostaj!” nircacuna.

1 REYES 8:23

cashna nirca: “Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish cai pachapipish can Dios shinaca pi mana tiyanchu.

1 CRÓNICAS 28:20

Davidca paipaj churi Salomontaca cashnapishmi nirca: “Ama mana rurai tucushachu yuyangui. Tucui fuerzahuan rurai callarilla. Ama manchangui. Ama shaicungui. Mandaj Diosca canhuanmi canga. Mandaj Dios ñuca Diosca paipaj huasita tucui can rurangacama cantaca mana saquingachu. Canmantaca mana anchuringachu.

ESDRAS 1:4

Paicuna maipi causacushcallapitaj saquirijcunaca paicunapaj c'uchullapi causacujcuna ricujpica cullquihuan, curihuan, imalla charishcacunahuan, animalcunahuan ayudashpa cachachun. Shinallataj Jerusalenpi caj Mandaj Diospaj huasipajpish quiquin munashca shinallataj ofrendacunata cushpa cachachun” nishpami huillachirca.

ESDRAS 4:3

Shina nijpimi Zorobabelpish, Jesuapish, Israel ñaupa yayacunamanta mirarishca quiquinpurallata mandajcunapish: –Ñucanchij Diospaj huasita cancunahuan tandalla ruranaca mana allichu. Persia llajtata jatun mandaj Ciro mandashca shina israelcunata Mandaj Diospaj huasitaca ñucanchijllamari shayachina canchij– nircacunami.

ESDRAS 5:13

Babilonia llajtata jatun mandaj Ciro mandai callari huatami, pai quiquinllataj cai Diospaj huasitaca cutin shayachichij nishpa mandarca.

ESDRAS 5:3

Chai punllacunallatajmi, jatun yacu ch'imbanij llajtacunata mandaj Tatnaipish, Setar-boznaipish, paicunahuan cajcunandij shamushpaca: “Cai huasita cutin shayachichun, cai pircacunata cutin pircachunca ¿pitaj mandarca?” nishpa tapurcacuna.

ESDRAS 6:7

Judiocunata mandajcunapish, cunaj yuyajcunapish chai Diospaj huasi maipi cashcallapitaj cutin shayachishpa catichun saquichijlla.

SALMOS 132:13

Siontaca Mandaj Diosmi agllarca. Pai causana cachunmi munarca.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

ISAÍAS 37:16

“Tucuita Mandaj Dios, israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish cai pachatapish canmi rurarcangui.

ISAÍAS 44:28

Cirotaca: Ñuca michijmi nijca ñucami cani. Paimi ñuca imalla munashcataca tucuita pajtachinga. Jerusalentaca cutin allichinga nijca ñucami cani. Diospaj huasita shayachinapaj callari rumita churangami nijca ñucami cani”.

ISAÍAS 45:5

Mandaj Diosca ñucami cani, pi shujtaj mana tiyanchu. Ñucamanta shujtaj Diosca mana tiyanchu. Ñucata mana rijsij cajpipish, ñucami cantaca chumbillichisha.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

DANIEL 2:47

Jatun mandajca, Danieltaca: –Cancunapaj Taita Diosca, tucui dioscunapaj Taita Diostajmi, jatun mandajcunapajpish Jatun Mandajmi. Pi mana yachaipaj pacalla cajtapish ricuchijmi. Chaimi pi mana yachaipaj pacalla cajtaca ñucaman huillangui– nircami.

DANIEL 6:26

Ñucatajmi cancunataca caita mandani: Ñuca mandacun tucui llajtacunapica tucuicuna Danielpaj Taita Diosta alli nishpa manchachuncuna, nishpami cashna nirca: Paica causaj Taita Diosmi. Huiñai huiñaita causajmi. Pai mandanaca manataj chingachishca cangachu. Pai mandanaca huiñaitami canga.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Hechos 10:36

Taita Diosca shuj huillanatami israelcunamanca cacharca. Chaica Jesucristomanta sumaj causaita charina cashcata huillanami. Paica tucuicunata Mandajmi.

DEUTERONOMIO 32:31

Paicunapaj rumica mana ñucanchij Rumi shinachu. Chaitaca ñucanchijta p'iñajcunallataj allimi yachancuna.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.