ESDRAS 1:2 - Dios Rimashca Shimicunami

² “Persia llajtata jatun mandaj Ciroca cashnami nin nichij: Jahua pacha Mandaj Diosmi tucui cai pachata mandanacunataca ñucaman cun. Judapi caj Jerusalenpipish shuj huasita shayachichunmi mandan.

ESDRAS 1:2 Iomraidhean Croise

1 REYES 8:27

¿Taita Diosca allpa pachapica causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca mana pajtaipajchu. Canta yuyarinapaj cachun ñuca shayachishca cai huasicarin ¿maitataj pajtangari?

2 CRÓNICAS 2:12

Hiramca, cashnapishmi nirca: “¡Israelcunata Mandaj Taita Diosca alli nishca cachun. Paimi jahua pachatapish, cai pachatapish rurarca. Pai Mandaj Diospaj huasitapish, mandashpa tiyana huasitapish shayachichunca, paillatajmari jatun mandaj Davidmanca cashna yachaj, alli yuyaiyuj, alli umayuj yuyaisapa churita cushca!

ESDRAS 1:5

Shina nijpimi Judapaj, Benjaminpaj ñaupa yayacunamanta mirarishca quiquinpurallata mandajcunapish, curacunapish, levitacunapish Jerusalenpi caj Mandaj Diospaj huasita cutin shayachichun huichiyachun Mandaj Dios paicunapaj shungupi yuyaita cushcacunaca tucuicuna jatarishpa rina tucurcacuna.

ESDRAS 3:7

Albañilcunaman, carpinterocunamanca cullquitami curcacuna. Líbano urcumanta cedro caspicunata mama cuchata Jopeman apamuchunca sidoniocunaman, tiriocunamanmi micunata, ubyanata, aceitetapish curcacuna. Chashna rurachunca Persia llajtata jatun mandaj Ciromi mandashca carca.

ESDRAS 4:3

Shina nijpimi Zorobabelpish, Jesuapish, Israel ñaupa yayacunamanta mirarishca quiquinpurallata mandajcunapish: –Ñucanchij Diospaj huasita cancunahuan tandalla ruranaca mana allichu. Persia llajtata jatun mandaj Ciro mandashca shina israelcunata Mandaj Diospaj huasitaca ñucanchijllamari shayachina canchij– nircacunami.

ESDRAS 5:15

cashna nirca: Jerusalenman rishpa, Diospaj huasi maipi cashcallapitaj huasita shayachishpa Diospajta rurana caicunataca chaipi churangui nishpa curca.

ESDRAS 6:10

Jahua pacha Dios munashca shina chai sacrificiocunata cuchuncuna. Ñucamantapish ñuca churicunamantapish Diosta mañachuncuna.

ESDRAS 6:3

“Jatun mandaj Ciroca pai mandai callari huatapimi Jerusalenpi caj Diospaj huasita cutin shayachichun, chai huasipi Diosman sacrificiocunata cunapaj nishpa quillcachishca carca. Chai huasita cutin shayachingapaj callari rumicunata churashpaca, altomanca ishqui chunga metrota, anchomanpish chaillatataj rurachuncuna.

ESDRAS 7:12

“Jatun mandajcunata jatun mandaj Artajerjesmi, jahua pacha Dios mandashcacunata alli yachachij, quillcaj can Esdras curahuanca sumaj causai cashca cachun nini.

NEHEMÍAS 1:4

Chashna nishcata uyashpaca, achcata llaquirishpa huacashpami, tauca punllacunata yallitaj llaquilla carcani. Jahua pacha Diospaj ñaupajpi ayunashpa mañashpaca,

NEHEMÍAS 1:5

cashnami mañarcani: “Mandaj Dios, jahua pachacunapaj Dioslla quiquintami rogani. Quiquinca tucuita rurai tucuj jatunmi cangui. Manchanami cangui. Quiquinta c'uyajcunata quiquin mandashcacunata cazujcunataca llaquinguimi. Quiquin cusha nishcacunatapish pajtachinguimi.

SALMOS 136:26

Jahua pachapi causaj Taita Diosta alabaichigari. Pai llaquij canaca huiñaipajmari.

SALMOS 85:2

Quiquinpaj agllashcacuna millaita rurashcataca perdonarcanguimari. Paicunapaj tucui juchacunataca tapachircanguimari. Selah

PROVERBIOS 21:1

Jatun mandajpaj shungutaca, Mandaj Diosmi paipaj maquipi charicun. Uchilla larcacunapi yacuta chaupij shina, pai munashcatami rurachin.

ISAÍAS 41:2

Inti llujshin ladomanta caj cashcata rurajtaca ¿pitaj rijchachircari? Imapipish mishacuchunllaca ¿pitaj cayarcari? Llajtacunatapish paipaj ñaupajpimi churarca. Jatun mandajcunatapish paipaj ucupi cachunmi churarca. Paipaj espadahuanca ñutu allpata shina rurachun, paipaj arcohuanca ujshata shina urata janajta cachachunmi churarca.

ISAÍAS 44:26

Ñucapajta ruraj huillashcataca, ñucatajmi pajtachini. Ñuca cachajpi huillajcuna huillashcataca, chaitatajmi pajtachini Jerusalenpica: “Cutin causangami” nijca ñucami cani. Judá llajtapi caj pueblocunatapish: Cutin allichishcami canga. Tucui urmashca siricujta shayachijca ñucami cani.

ISAÍAS 44:28

Cirotaca: Ñuca michijmi nijca ñucami cani. Paimi ñuca imalla munashcataca tucuita pajtachinga. Jerusalentaca cutin allichinga nijca ñucami cani. Diospaj huasita shayachinapaj callari rumita churangami nijca ñucami cani”.

ISAÍAS 45:1

Mandaj Diosca, pai ch'icanchishca Cirotaca: Ñucami paitaca llajtacunata paipaj ucupi churangapaj, jatun mandajcunapaj chumbillirishcata pascachun paitaca paipaj alli maquimanta charicuni. Pueblo pungucunatapish paipaj ñaupajpimi pascasha. Pungucuna amataj huichcarichun cambaj ñaupajpi pascangapajca:

ISAÍAS 66:1

Mandaj Diosca cashnami nin: “Jahua pachaca ñuca mandashpa tiyanami, cai pachaca ñuca chaqui sarunami. ¿Maipitaj ñucapajca huasita shayachi tucunguichigari? ¿Maipitaj ñuca samarinataca rurai tucunguichigari?” ninmi.

JEREMÍAS 10:11

Israelcuna, cashna nichigari: “Manapish cai pachata, jahua pachata ruraj dioscunaca allpamanta anchuchishca cachun. Chaipica shujllapish ama saquirichun” nichigari.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

JEREMÍAS 29:10

Mandaj Diosca cashnapishmi nin: Babilonia llajtapi cancuna prezu causacushca ña canchis chunga huata pajtajpimi, cancunapaj allita rurasha. Ñuca cancunapaj allita rurashami nishca shinatajmi, cancunataca cai llajtaman tigrachimusha.

DANIEL 1:21

Danielca, jatun mandaj Ciro mandai callari huatacamami chaipi saquirirca.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 2:28

Shina cajpipish pi mana yachai tucuipajcunata ricuchij Taita Diosmi jahua pachapi tiyan. Paimari can jatun mandaj Nabucodonosormanca, q'uipa punllacuna imalla tucunata ricuchishca. Jatun mandaj cambaj camapi cashpa can muscushpa, muscuipi shina imallata ricushcaca caimi:

DANIEL 4:25

Cantaca gentecunapuramanta anchuchishpa animalcunahuan churajpimi paicunahuan causangui. Huagracunata shinami q'uihuacunapi michinga. Jahua pacha garhuami armachinga. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacamami canchis huatacama chashna puringui.

DANIEL 4:32

Gentecunapuramanta anchuchishpa animalcunahuan chagrutami churanga. Paicunahuanmi causangui. Huagrata shinami michingacuna. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacama canchis huatacunacamami chashna causangui” nircami.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

DANIEL 6:25

Chaimi jatun mandaj Darioca, tucui cai pachapi causaj gentecunaman, llajtacunaman, ch'ican ch'ican rimaita rimajcunaman cashna nishpa quillcarca: “Cancunapica sumaj causai mirarishca cachun.

JONÁS 1:9

Chashna tapujpimi Jonasca: –Ñucaca hebreocunapurami cani. Jahua pachapi causaj Mandaj Diosta cazushpa causajmi cani. Taita Diosca cai pachatapish, mama cuchatapish ruraj Diosmi– nirca.