Efesios 6:4 - Dios Rimashca Shimicunami

⁴ Shinallataj yaya mamacuna, cancunapaj huahuacunata ama p'iñachichijchu. Chaipaj randica, ima shinapish llaquichishpa, cunashpa Mandaj Jesús munashca shina huiñachichij.

Mushuj Testamento Diospaj Shimi

⁴ Cutin cancunapish yaya mamacuna, cancunapaj huahuacunata ama pʼiñachichijchu. Ashtahuanpish yachachinapipish, imata jarcanapipish Apunchij Jesús yachachishca shina huiñachichij.

Efesios 6:4 Iomraidhean Croise

GÉNESIS 18:19

Abrahamtaca paipaj huahua huahuacunatapish, chaicunapaj huahua huahuacunatapish Mandaj Dios mandashcacunataca cashcata rurashpa causanata, pai nishca shinataj rurashpa pajtachina cashcata yachachinataca yachanimi. Abrahamca Mandaj Dios paiman cusha nishcacunata pajtachichunmi chashna rurana can” nircami.

1 CRÓNICAS 28:20

Davidca paipaj churi Salomontaca cashnapishmi nirca: “Ama mana rurai tucushachu yuyangui. Tucui fuerzahuan rurai callarilla. Ama manchangui. Ama shaicungui. Mandaj Diosca canhuanmi canga. Mandaj Dios ñuca Diosca paipaj huasita tucui can rurangacama cantaca mana saquingachu. Canmantaca mana anchuringachu.

1 CRÓNICAS 29:19

Chashnallataj ñuca churi Salomonmanpish can mandashcacunata, can ima shina cashcata ricuchishpa causanata, chaitataj pajtachichun nishcata pajtachinata, tucui imalla rurana cashcata ruranata, cambaj huasita shayachichunpish alli shunguta cupangui. Chai huasita shayachichunca ñami imalla minishtirishcataca allichircani” nircami.

PROVERBIOS 19:18

Cambaj huahuataca uchilla cajpirajmi, mana allitaca jarcashpa llaquichina cangui. Shina cashpapish, ama huañuchina yuyaihuan macanguichu.

PROVERBIOS 22:15

Huambracunapaj shungupica, rumi shungu canaca aichayashpa tiyanllami. Shina cajpipish anguhuan macajpica, chai yuyaicunata cungarinmi.

PROVERBIOS 22:6

Cambaj huahuataca uchilla cajpiraj, alli yachachingui. Chashna yachachijpica, yuyajyashpapish manataj cungaringachu.

PROVERBIOS 29:15

Alli tucuchun anguhuan llaquichijpimi, huahuacunaca alli yachaj huiñancuna. Ashtahuanpish imata rurachunpish saquijllapica, mamallatatajmi pingachinga.

PROVERBIOS 29:17

Cambaj churitaca, alli tucuchun llaquichingui. Chashna rurajpimi cantaca samachinga. Cambaj shungu cushicunatamari causanga.

ISAÍAS 38:19

Ñuca cunan quiquinta alabacuj shinaca causacujcunamari quiquintaca alabangacuna. Causacushpami yayapish huahuacunamanca, quiquin imatapish pajtachij cashcataca yachachin.

Efesios 6:3

Chashna rurashpaca, tucui imapipish allimi cangui. Cai allpapipish unitami causangui.

DEUTERONOMIO 4:9

Chaimanta cancuna cancunapaj ñahuihuan imallata ricushcata tucui cancunapaj causaipi ama cungaringapaj, chaicunamanta ama anchuringapajca cancunapaj shungupi yuyaipi huaquichinguichij. Ashtahuanpish chaicunataca cancunapaj huahuacunaman, cancunapaj huahuacunapaj huahuacunamanpish yachachinguichij.

DEUTERONOMIO 6:7

Chaicunataca cambaj huahuacunamanca punllanta cutin cutin yachachingui. Chai yachachishcacunataca huasipi cashpapish, ñanta puricushpapish, dormij siriricushpapish jataricushpapish yachachirangui.

Colosenses 3:21

Yaya mamacuna, cancunapaj huahuacuna ama mana uyasha nichunca, ama p'iñachichijchu.

2 Timoteo 1:5

Canca mana nij tucushcalla crijtaj cashcatami yuyarini. Cambaj abuela Loida, cambaj mama Eunicerajmi alli crij carca. Canpish chashnallataj cana cashcatami yachani.

2 Timoteo 3:15

Canca huahuamanta pachami, Diospaj Quillcacunataca yachangui. Chaicunami Cristo Jesusta crishpa quishpirichun, cantaca yachajta rurai tucun.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.

JUECES 13:12

Manoaca: –Can nishca shina pajtajpica, chai huahuaca ¿ima shinataj causana can? Ñucanchijpish paihuanca ¿ima shinataj cana canchij?– nishpami tapurca.