Efesios 6:3 - Dios Rimashca Shimicunami

³ Chashna rurashpaca, tucui imapipish allimi cangui. Cai allpapipish unitami causangui.

Mushuj Testamento Diospaj Shimi

³ Chashna rurashpami canpish tucuipi alli llujshingui, cai pachapipish unitami causangui» nishcami.

Efesios 6:3 Iomraidhean Croise

ISAÍAS 3:10

Cashcata rurajtaca tucui imapipish allimi ringui ni. Quiquin maquihuan rurashcatami micunga.

JEREMÍAS 35:7

Cancuna causanapaj huasicunatapish ama shayachinguichijchu, ima chagracunatapish ama ruranguichijchu, uva chagracunatapish ama ruranguichijchu, chaitaca ama charinguichijllapishchu. Ashtahuanpish tucui cancunaca carpa huasicunallapi causanguichij. Chashnami cancuna causacun cai llajtapica, uni huatacunata causanguichij nishcami.

JEREMÍAS 42:6

Cantaca ñucanchijta Mandaj Diosta tapuchunmi cachanchij. Ñucanchijpaj alli cachun, mana alli cachunpish, pai mandashcatami cazushun. Ñucanchijta Mandaj Diosta cazushpamari, alli causaita japishun– nircacunami.

Efesios 6:2

(Cazujpimi cusha nishca punta mandashcapica) “Cambaj yaya mamata alli ningui” ninmi.

Efesios 6:4

Shinallataj yaya mamacuna, cancunapaj huahuacunata ama p'iñachichijchu. Chaipaj randica, ima shinapish llaquichishpa, cunashpa Mandaj Jesús munashca shina huiñachichij.

DEUTERONOMIO 12:25

Canpish, cambaj huahuacunapish, huahua huahuacunapish alli cangapajca yahuartaca ama micunguichijchu. Cancunaca Mandaj Diospaj ñaupajpi chashna allita rurashcamantami alli canguichij.

DEUTERONOMIO 12:28

Canpish, cambaj huahuacunapish, huahua huahuacunapish Mandaj Dios cancunapaj Taita Diospaj ñaupajpi allita rurajcuna, ima pandata mana rurajcuna cangapajca tucui cai ñuca mandashcacunata alli uyashpa huaquichinguichij.

DEUTERONOMIO 22:7

Mama pajarotaca richun saquishpa huahua pajarocunallata apanguichij. Alli unita causangapajmi chashna rurana canguichij.

DEUTERONOMIO 4:40

Pai chaitataj pajtachichun nishcacunata, pai mandashcacunataca cancuna pajtachichuntajmi mandashpa cuni. Chaimanta huiñaicama Mandaj Dios cancunapaj Taita Dios cancunaman cushca llajtapi cashpa canpish cambaj huahua huahuacunapish alli cangapaj, uni huatacunata chai llajtapi causangapajmi chai mandashcacunataca pajtachina canguichij” nircami.

DEUTERONOMIO 5:16

Mandaj Dios cambaj Taita Dios mandashca shinallataj cambaj yayata cambaj mamata alli ningui. Chashna rurashpami Mandaj Dios cambaj Taita Dios canman cushca llajtapi unita causangui. Tucui imapipish ñaupajman ringui.

DEUTERONOMIO 5:33

Mandaj Dios cancunapaj Taita Dios mandashca ñanllapi puringuichij. Chashna rurashpami cancuna japina cashca llajtata japishpa chai llajtapica unita causanguichij, tucui imapipish ñaupajman ringuichij.

DEUTERONOMIO 6:18

Cancunapaj ñaupa yayacunaman Mandaj Dios cushami nishca llajtaman alli chayagrinapajca, Mandaj Diospaj ñaupajpica imata mana pandashpa allitami rurana canguichij.

DEUTERONOMIO 6:3

Chaimanta israelcuna uyaichij. Lechepish, sacha chuspipaj mishquipish yacu llujshicuj shina tiyan llajtapi cancuna imapipish ñaupajman ringapajca tucui chaicunata pajtachina yuyailla pajtachinguichij. Chashna rurashpami Mandaj Dios cancunapaj ñaupa yayacunapaj Taita Dios nishca shinallataj yallitaj miraringuichij.

RUT 3:1

Shuj punllami Rutpaj suegra Noemica: –Ñuca huahualla, can shuj huasi ucu familiayuj tucushpa cushicushpa causachun cambaj cusa cachun mashcanami cani.