Efesios 6:1 - Dios Rimashca Shimicunami

¹ Huahuacuna, Mandaj Jesuspi shujlla cashcamantaca cancunapaj yaya mamata cazuichij, chashna cashpami cashcata rurajtaj cana.

Mushuj Testamento Diospaj Shimi

¹ Huahuacuna, Apunchij Jesusta crij cashcamanta cancunapaj yaya mamata alli caźuichij, chaimari alli.

Efesios 6:1 Iomraidhean Croise

GÉNESIS 28:7

Esauca Jacobtaca paipaj yaya mama mandashcata cazushpa Padan-arampi causanaman rijta ricushpami,

GÉNESIS 37:13

Yaya Israelca Josetaca: –Cambaj huauquicunaca Siquempimi ovejacunata michicungacuna. Canca paicunapajman ri– nijpimi Joseca: –Ari, rishallami– nirca.

GÉNESIS 48:12

Joseca paipaj churicunata yayapaj changamanta anchuchishpaca, pambaman tupajtami cumurirca.

GÉNESIS 50:12

Paipaj churicunaca, pai mandashca shinallataj rurashpami,

NEHEMÍAS 9:13

Sinaí urcuman uriyamushpami, paicunahuanca jahua pachamanta rimarcangui. Cashcata rurashpa mandachunmi mandashcata curcangui. Maijanman mana tucushpa mandachunmi mandanata curcangui. Chaitataj pajtachichun nishcata pajtachinacunatapish, mandashcacunatapish allicunatami curcangui.

ESTER 2:20

Esterca, paita huiñachij Mardoqueo yachachishca shinallatajmi mai llajtamanta cashcatapish, maijanpaj huasi ucupura cashcatapish piman mana huillarca. Paica, Mardoqueohuan causacushca shinallatajmi, pai imalla yachachishcataca cazurca.

JOB 33:27

Taita Diosca runacunataca ricuracunmi. Shuj runa: Ñucaca juchatami rurashcani, allita ruranapaj randica, mana allitami rurashcani. Shina cashpapish, ima allita mana japishcanichu nijpica,

SALMOS 119:128

Chaimantamari quiquin mandashcacunaca imapi mana panda cajpi, tucui imamantapish yalli munani. Tucui llulla ñancunataca p'iñanimi.

SALMOS 119:75

Mandaj Dioslla, quiquin mandashcacunaca cashcata ruraj cashcataca yachanimi. Quiquinca chaitataj pajtachij cashca shinallatajmi llaquichircangui.

SALMOS 19:8

Mandaj Dios mandashcacunaca mana pandachu. Ashtahuanpish shunguta cushichijmi. Mandaj Dios ima shina causachun nishcacunaca chuyami, ñahuicunatapish achijyachijmi.

PROVERBIOS 1:8

Ñuca huahualla, alli causanata cambaj yaya yachachishcataca alli uyayari. Cambaj mama yachachishcatapish ama mana uyasha nichu.

PROVERBIOS 23:22

Cambaj yaya cunashcata cazungui. Cambaj mama ña yuyajyajpipish, ama millashpa p'iñangui.

PROVERBIOS 30:11

Quiquin yayallatataj ima llaqui japishpa, alli canman nijcuna tiyanmi. Chaicunaca mamatapish ima allita mana nincunachu.

PROVERBIOS 30:17

Yayata mana cazushpa yurajman ricuj churica, mama yachachishcatapish p'iñanmi. Chai ñahuicunataca, angacuna surcushca cachun. Paicunatapish cuervocuna micushca cachun.

PROVERBIOS 6:20

Ñuca huahualla, cambaj yaya mandashcataca cazungui. Cambaj mama yachachishcatapish, amataj cungaringuichu.

JEREMÍAS 35:14

Vinota ama ubyachun Recabpaj churi Jonadab mandashcataca, paipaj huahuacunaca manataj paquishcacunachu. Paicunapaj punta yaya mandashcata cazushpamari, cunancamapish vinotaca mana ubyashpa causashcacuna. Ñucacarin cancunataca ñaupamantapacha cai tucui huatacunatami rimani. Shina cajpipish, manataj cazunguichijca.

JEREMÍAS 35:18

Jeremiasca, Recabpaj huahuacunataca cashnami nirca: “Tucuita Mandaj, israelcunapaj Diosca cashnami nin: Cancunaca cancunapaj yaya Jonadab mandashcataca, tucuitami cazushcanguichij. Tucui imallata mandashcataca, chashnataj rurashpami causashcanguichij.

JEREMÍAS 35:8

Recabpaj churi ñucanchij ñaupa yaya Jonadab imallata mandashcatamari tucuita pajtachishpa causanchij. Ñucanchijca pai mandashca shinallataj ñucanchij huarmicunapish, ñucanchij churicunapish, ushushicunapish vinotaca manataj ubyanchijchu.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

LEVÍTICO 19:3

Tucuicuna quiquin yayata quiquin mamata manchachun. Ñucapaj samana punllata huaquichinguichij. Ñucami Mandaj Dios cancunapaj Taita Dios cani.

Lucas 2:51

Jesusca Nazaretman paicunahuan tigrashpaca, tucui ima nishcatapish cazushpami causarca. Paipaj mamaca, tucui imalla tucujta ricushpaca paipaj shungupimi huaquichishpa catirca.

Romanos 12:2

Cai pachapaj cajcuna shina rurashpa ama cushicuichijchu. Ashtahuanpish cancunapaj yuyaita mushujyachirashpa, shujtaj causaita causaichij. Chashna cashpami Diospaj munai ima cashcata, ima mana paipaj munai cashcata, ima shina cashcatataj alli agllai tucunguichij.

Romanos 16:2

Jucha illajcunata ima shinami chasquinguichij, chai shinallataj paipish Mandaj Jesushuan shujlla cashcamanta alli chasquichij. Paica shujtaj achcacunata, ñucatapish ayudajmi. Chaimanta paipaj ima illashcatapish ayudanguichij.

Romanos 7:12

Mandashcaca jucha illajtajmi. Chai Mandashcapi imalla nishcacunapish jucha illajmi, cashcata rurajmi, allimi.

1 Corintios 15:58

Chashna cajpica ñuca c'uyashca huauquicuna, Mandaj Jesuspajta ruranapi huiñashpa, sinchiyashpa, pi mana cuyuchipaj catiraichij. Cancuna Mandaj Jesuspi shujlla tucushpa paipajta trabajashca mana yanga cashcataca yachanguichijmi.

DEUTERONOMIO 21:18

Maijanca shuj churita charingachari. Yallitaj mana cazuj, yayapish, mamapish rimashcata mana uyaj, llaquichijpipish manataj cazuj cangachari.

1 Timoteo 5:4

Ashtahuanpish maijan viuda huahuacunata, nietocunata charijpica, paicunaraj quiquinpura cashcamanta, ayudanata yachachun. Paicunata huiñachishcamanta yaya mamaman tigrachij cachun yachachingui. Chashna rurachunmi Taita Diosca munan.

1 Pedro 2:13

Mandaj Jesuspaj cashcamantaca tucui tandanacushcacunapaj mandajcunata, mama llajtacunata jatun mandajcunatapish cazuichij.

RUT 3:5

Chaimi Rutca: –Can imalla mandashcata rurashallami– nishpaca,

1 SAMUEL 17:20

Davidca cayandij tutamanta utca jatarishpami, ovejacunataca shujtaj cuidajman cuidacuchun saquishpa, paipaj yaya Isaí imallata apai nishcacunata apashpa rirca. Pai chayanapajca tucui soldadocuna macanacungapaj macanacunalla tucushpa shayarishpami, macanacuipaj caparita caparicurcacuna.