Efesios 5:8 - Dios Rimashca Shimicunami

⁸ Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

Mushuj Testamento Diospaj Shimi

⁸ Cancunaca ñaupaca, amsa yuyaillatami charircanguichij. Ashtahuanpish cunanca, Apunchij Jesuspaj cashcamanta luzmi canguichij. Chaimanta, luzpaj cashca shinataj causaichij.

Efesios 5:8 Iomraidhean Croise

SALMOS 74:20

Ñucanchijhuan ari ninacushcata yuyariyari. Cai amsa pachapica millaita rurajcunallamari jundarishca.

ISAÍAS 2:5

Jacobpaj huahua huahuacuna shamuichigari. Mandaj Diospaj luzpi purishunchigari.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 49:9

prezupi cajcunatapish llujshichij nichun, amsapi cajcunatapish achijman llujshichij nichunmi cantaca cachasha. Paicunaca tucui ñancunapimi michinacunata charingacuna. Mai urcucunapi cashpapish, paicunapaj animalcunapajca alli micunatami charingacuna.

ISAÍAS 50:10

¿Maijan cancunataj Mandaj Diosta manchashpa paipajta ruraj huillashcata uyanguichij? Amsapi maijanpish purij, luz illajlla cajca Mandaj Diospi shunguta churashpa, Taita Diospi taunarichun.

ISAÍAS 9:2

Amsapi purijcunaca jatun luztami ricurcacuna. Huañunalla amsapi cajcunataca luzmi lamyachirca.

JEREMÍAS 13:16

Cancunata Mandaj Diosca punllata amsayachigrinca, jatun urcucunahuanmari tsagmarigrinchij. Achijman llujshichichunmi cancunaca shuyacurcanguichij. Chaita ruranapaj randica, huañuna jatun amsa llaquipimari churanga. Amaraj chashna rurajpi, paitaca jatunyachichigari.

Mateo 3:8

Millaita ruracushcata saquishpa cutirishcata ricuchingapajca, allita rurashca p'ucushca granota ricuchichij.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Lucas 1:79

Huañuna manchaihuan amsapi causacujcunapica achijyachichunmi luzta churanga. Ñucanchijtaca sumaj causaipimi punllanta pushanga” nircami.

Lucas 16:8

Chai millai mayordomo yachaisapa tucushpa, chaita rurashcamantaca amoca allimi nircami. Taita Dios mana agllashcacunarajmi luzpaj huahuacunata yalli, paicunapuraca caishuj chaishuj allita chashna rurancuna.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

Juan 12:36

Luzpaj huahuacuna cangapajca, luz caipi cajpiraj, paita crichij– nircami. Jesusca tucui chaicunata nishpaca, paicunapajmanta pacatucushpa rircallami.

Juan 12:46

Ñucaca achijyachij luz cashpami, achijyachingapaj cai pachamanca shamurcani. Pipish ñucata crijca, ña mana amsapi cangachu.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Hechos 17:30

Ñaupa causajcunaca Taita Diosta mana rijsishcamanta paicunapaj munaita rurashpa causajpipish Taita Diosca paicunataca mana llaquichircachu. Cunanca tucuicunallataj maipi causajcuna cashpapish juchayuj cashcamanta llaquirishpa paiman cutirichunmi mandan.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Romanos 1:21

Taita Diosta chashna rijsishpapish, Taita Diosta jatunyachina shinatajca mana jatunyachircacunachu, mana pagui nircacunallapishchu. Chaipaj randica, paicunapaj yuyaicunapipish yangallatami yuyarircacuna. Chaimantami paicunapaj rumi shungucunapish amsayachishca carca.

Romanos 13:12

Tutaca pacarigrinmari, punllapish chayamugrinmari. Amsapaj ruraicunataca shitashunchij, achijpaj macanacunata churarishunchij.

Romanos 2:19

Mana ricujcunata pushajtajmi cani, amsapi cajcunata achijyachijpishmi cani,

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

2 Corintios 6:14

Cancunaca mana crijcunahuanca, yugushca shinaca ama tandanacuichijchu. Cashcata ruranaca, mana cashcata ruranahuanca mana tandanacunchu. Luzca, amsahuanca mana chagrurinchu.

Gálatas 5:25

Espiritumanta causacushpaca, Espiritullahuantaj purishunchij.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 4:18

Paicunapaj yuyaicuna amsa cashcamanta, mana yachashcamanta, shungucunapish sinchi cashcamanta, Dios cushca causaimantapish carupi cashcamantami mana chasquincuna.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Colosenses 1:12

Ñucanchij jucha illajcuna achij llajtapi herenciata japijcunata ruraj ñucanchij Yayataca, cushicushpa pagui nijcuna cachunmi mañacunchijlla.

Colosenses 1:13

Diosmi ñucanchijtaca amsapaj podermanta cacharichishpa, paipaj c'uyashca Churipaj mandacunpi churarca.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.