Efesios 5:6 - Dios Rimashca Shimicunami

⁶ Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

Mushuj Testamento Diospaj Shimi

⁶ Pipish llulla, yanga shimicunallahuan shamushpa umachunca, ama saquichijchu. Taita Diosca, chashna imatapish mana allita rurajcuna cajpimi, Paita mana caźujcunataca, pʼiñarishpa jatunta llaquichinga.

Efesios 5:6 Iomraidhean Croise

2 REYES 18:20

Canca cambaj shimi rimarishcallahuanchu macanacuitaca c'ari c'ari soldadocunahuan shina jahualla mishanata yuyangui. ¿Maijanpi shunguta churashpataj ñucataca c'ariyasha ninguiyari?

SALMOS 78:31

Mandaj Dios yallitaj p'iñarishca paicunapaj jahuaman shamurca. Paicunapuracunataca yallitaj c'ari c'aricunatami huañuchirca. Israelcunapuracunataca ashtahuan alli runacunatami urmachirca.

JEREMÍAS 27:9

Chashna cashcamantaca cancunapaj huillajcunatapish, adivinajcunatapish, muscushcacuna imata nisha nishcata huillajcunatapish ama uyaichijchu. Shinallataj brujocunatapish, muspachij yumbucunatapish ama uyaichijchu. Chai Babilonia llajtata jatun mandajta servijcunaca mana tucunguichijchu nishpa paicuna llullashcataca ama uyaichijchu.

JEREMÍAS 29:31

“Tucui chaiman prezu apashcacunaman cashna nishpa quillcai: Mandaj Diosca chai Nehelammanta caj Semaiastaca cashnami nin: Semaiastaca mana ñuca huillanaman cacharcanichu. Llullashpallami ñuca shutipi huillacun. Cancunataca pai llullashcallapimi shunguta churachicun.

JEREMÍAS 37:9

Mandaj Diosca cashnapishmi nin: Caldeocunaca ña anchurishpa ringacunatajmi nishpa ama cancunallataj umarichijchu. Paicunaca manataj anchuringacunachu.

MIQUEAS 3:5

Ñuca agllashcacunata pandachingapaj, Dios ima nishcata huillajcunami canchij nijcunataca Mandaj Diosca cashnami nin: “Paicunaca micunata sajsajta carajcunataca mana huañuchishunchu, mana imata carajcunallatami huañuchishun nishpami llullashpa huillancuna.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Mateo 24:4

Chaimi Jesusca: –Cancunata pi ama umachun yuyaihuan canguichij.

Marcos 13:22

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami umangacuna. Taita Dios agllashcacunatapish crichi tucushpaca crichingacunami.

Marcos 13:5

Chaimi Jesusca, cashna huillai callarirca: –Cancunataca pi ama umachun yuyaihuan canguichij.

Romanos 1:18

Taita Diosta mana manchashpa, manapish rurana cashcata rurajcunaca, paicunapaj mana allita rurashcahuanmi mana llullatapish jarcancuna. Paicunata Taita Dios p'iñarishpa llaquichinaca, jahua pachamantami ricurin.

Colosenses 2:18

Mana jatun tucushca shinalla, angelcunata adorajcuna shina tucushpa cancuna japina cashcata ñataj pi umashpa quichunman. (Paicunaca manapish ricushpami muscuipi shina ricunchij nishpa) quiquin yuyaillamanta surcushpa jatun tucuncuna.

Colosenses 2:4

Caitaca catinanqui shimicunahuan huillaj tucushpa cancunata pipish ama umachunmi chashnaca nini.

Colosenses 2:8

Riquichij yanga yachaicunahuan, ñaupamanta runacuna apamushca chushaj yuyaicunahuan, manapish Cristopaj caj, cai pacha yuyaicunahuanca pipish cancunataca ama umachun.

Colosenses 3:6

Chaicunamantami mana cazujcunata Dios p'iñarishpa jatunta llaquichinaca shamunga.

2 Tesalonicenses 2:3

¡Cancunataca ima shinapish pi ama umachun! Pai shamunapajca crishcata saquijcuna, chingarinaman rinapaj caj juchasapa runarajmi ricuringa.

Hebreos 13:9

Cancunaca shujtaj shujtaj yachanata yachachichunca ama saquichijchu. Caitaca micunami, chaitaca mana micunachu nishcata yuyacunapaj randica, Diospaj mana c'uyaipajta c'uyashcapi shunguta sinchiyachinami alli. Imallata micunami nishpa yachachijcunata catijcunaca, ima allita mana japishcacunachu.

Hebreos 3:19

Paicunaca, mana crijcuna cashcamanta mana yaicui tucushcatami ricunchij.

1 Pedro 2:8

Shinallataj: “Ñitcana rumimi, urmachij jatun rumipishmi” nishcami pajtashca. Paicunaca Diospaj shimita mana cazushcamantami ñitcancuna. ¡Paicuna mana cazushcamantami ñaupaman chashna tucuchun nishca!

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.