Efesios 5:5 - Dios Rimashca Shimicunami

⁵ Maijanpish apanacushpa causaj, mapapi caj, mitsa cajpish, rurashcalla diosta catijllatajmi. Paicunaca Cristopish, Diospish mandanapica, ima japinata mana charishcataca yachanguichijmi.

Mushuj Testamento Diospaj Shimi

⁵ Riquichij, maijanpish huainayaj, ima millaipipish mapayaj, ashtahuan charina yuyailla causajca, rurashcalla diosta adoracuj shinallatajmi. Chaicunaca Cristopish, Taita Diospish mandacunpica, imata mana charingacunachu. Chaitaca, cancunallataj yachanguichijmi.

Efesios 5:5 Iomraidhean Croise

ÉXODO 20:17

Shujtajpaj huasita, paipaj huarmita cashpa, paipajta rurajta cashpa, pai huiñachishcata cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.

Hechos 20:32

“Cunanca huauquicuna, Taita Diosmanpish, mana c'uyaipajta c'uyaj paipaj alli huillaimanpishmi cancunataca mingani. Chai alli huillaimi cancunataca ashtahuan ashtahuan sinchiyachishpa catinga. Jucha illajta rurashcacunapura japina cashcatapishmi tucuicunaman cunga.

Hechos 8:21

Canca Taita Diospaj ñaupajpica mana alli shungumi cangui. Chaimanta canca cai ruranapica imata mana charinguichu.

Gálatas 5:19

Aichapaj ruraicunaca ricunalla, caicunami: Huainayana, apanacushpa causana, imapish millananata rurana, aicha munaita mana jarcarina,

Gálatas 5:21

envidiaicuna, huañuchicuna, machaicuna, maipish cachun fiestacuna, imapish chai shina ruraicunapishmi tiyan. Chaicunamantaca ñaupaman ña huillashca shinallatajmi, cancunataca mandani. Chaicunata rurajcunaca, Dios mandacujpi cana cajca mana cai tucunchu.

Efesios 5:3

Ashtahuanpish cancunapurapica, apanacushpa causajcuna, tucui laya mapacuna, quiquinpajlla ashtahuan charij canata munajcunaca amataj uyarichunllapish. Jucha illajcuna cashcamantaca chai shinataj causaichij.

Colosenses 1:13

Diosmi ñucanchijtaca amsapaj podermanta cacharichishpa, paipaj c'uyashca Churipaj mandacunpi churarca.

Colosenses 3:5

Chaimanta cancunapi tiyaj cai pachapaj yuyaicunataca: Apanacushpa causanata, mapa causaita, mana alli ruraicunata, millai munaicunata, quiquinpajlla ashtahuan charij canatapish huañuchichij. Chaicunaca rurashcalla Diosta adorashca shinallatajmi.

1 Timoteo 6:10

Tucui millaita ruranata callarichijca, cullqui munaimi. Chaita munashcamantami maijancunaca crishcata saquishpa, achca llaquicunata apacuncuna.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

JOSUÉ 7:21

Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.