Efesios 5:4 - Dios Rimashca Shimicunami

⁴ Cancunaca pinganayaj shimicunata, manapish rimana shimicunata, mapa shimicunatapish ama rimanguichij. Chaicunaca mana allichu. Chaipaj randica Diosta pagui nichij.

Mushuj Testamento Diospaj Shimi

⁴ Pinganayaj shimicunatapish, ña ama rimaichij, ima manapish canacunata ama parlanacuichijchu, mapa shimicunahuanpish ama pugllanacuichijchu. Chaipaj randica, Diosta mañashpa pagui nichij.

Efesios 5:4 Iomraidhean Croise

SALMOS 33:1

Cashcata rurajcunaca, Mandaj Diospi cushicuichij. Jatunta cushicuichij. Imapi mana pandarijcuna cantashcaca sumajmi.

SALMOS 92:1

Mandaj Dioslla, quiquinta alabanaca allimari. Jahua pacha Taita Dioslla, quiquinpaj shutita salmocunata cantanaca allimari.

PROVERBIOS 12:23

Alli yuyaiyuj runaca allita yachashcatapish shungupimi huaquichin. Ashtahuanpish rumi shungu cajcunaca, rumi shungu cashcallatami ricuchincuna.

PROVERBIOS 15:2

Yachaisapacunapaj shimica alli yachaicunatami sumajta riman. Ashtahuanpish rumi shungucunaca, manapish canatami rimancuna.

ECLESIASTÉS 10:13

Rimai callarimantapachami rumi shungu cashcata ricuchin. Tucuchinatacarin musparishpa, jatun mana allicunata rimarishpami tucuchin.

DANIEL 6:10

Chashna mandashcataca allimi, chashnataj cachun nishpa jatun mandaj firmashcata yachashpami Danielca, paipaj huasiman yaicushpaca, pai ima shina mañaj cashca shinallataj Jerusalén ladoman ricuna ventanata pascashpa, punllapi quimsa cutin paipaj Taita Diospaj ñaupajpi cungurishpa, mañashpa pagui nirca.

Marcos 7:22

shuhuana, quiquinpajlla charinata munana, millai munaicunata rurana, umana, yallitaj aicha munaita mana jarcari tucuna, envidiana, yanga juchachina, jatun tucuna, c'hahuan canapishmi llujshin.

Juan 6:23

Ashtahuanpish maipimi Mandaj Jesús Taita Diosta pagui nishpa tandata cararca chai cuchullamanmi Tiberias pueblomanta shujtaj barcocuna chayamushca carca.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

2 Corintios 1:11

Cunanpish ñucanchijmanta Diosta mañapanguichij ninchijmi. Achcacuna mañashcamanta, Dios ñucanchijman rurai tucunata cushcamantaca, achcacunallatajmi Diostaca pagui ningacuna.

2 Corintios 9:15

¡Ima shimicunahuan mana pagui ni tucuipajcunata cushcamantami, Diostaca pagui nini!

Efesios 1:16

cancunamantaca Taita Diosta pagui ninata mana shaicuni. Diosta mañacushpaca cancunata mana cungashpami,

Efesios 4:29

Cancunapaj shimimantaca, ima mapa shimicuna ama llujshichun. Ashtahuanpish uyajcuna sinchiyachun allicunallata rimaichij.

Filipenses 4:6

Imamantapish ama llaquilla canguichij. Ashtahuanpish Diosta mañacushpaca paiman tucuita huillaichij. Tucui imamantapish Diosta mañashpaca pagui nichij.

Colosenses 3:8

Ashtahuanpish cunanca, cancunaca: P'iñarinata, p'iña canata, millai yuyailla canata, p'iñashpa c'aminata, mapa shimita rimanata, tucui chaicunata saquichij.

1 Tesalonicenses 3:9

Cancuna chashna caticujpimi, ñucanchij Taita Diospaj ñaupajpica cushicunchij. Cai tucui cushicuimantaca ¿ima shinataj Taita Diostaca pagui nishunri?

1 Tesalonicenses 5:18

Cristo Jesushuan shujlla cajcunataca, tucui imapipish paita pagui nijcuna cachunmi Taita Diosca munan.

Filemón 1:8

Can chashna alli cajpimi ñucaca Cristohuan cashcamantaca, can imata rurana cashcata mandai tucushpapish,

Hebreos 13:15

Chaimantami Taita Diosmanca Jesucristota cantashcata cuna canchij. Alabana sacrificioca, shimihuan paipaj shutita huillana nisha ninmi.

2 Pedro 2:18

Paicunaca uyanajlla yanga shimicunata rimashpami, mana allita ruracushcamanta llujshishcacunataca aicha munaita rurana yuyailla canata cushpa pandachincuna.

2 Pedro 2:7

Chashna ruracushpapish cashcata ruraj Lottaca Diosmi chai llaquimantaca quishpichishca. Lotca millaita rurajcunata ricushpaca achcatami llaquirij cashca.

Judas 1:10

Chai pandata yachachijcunaca manapish yachashcatami c'amishpa rimancuna. Shinallataj ima shina cashpa alli canata yachashca jahuami animalcuna shina yuyai illaj tucushpa quiquin munashca shina millaita rurashpa chingarinaman ricuncuna.

Judas 1:13

Paicunapaj rurashcacunaca mama cucha t'imburishpa puscuricuj shinami. Luzerocuna quiquin ñanta chingachishca shinami. Chashnacunapajca tucuita yalli huiñaipaj amsami ch'icanchishca shuyacun.