Efesios 5:3 - Dios Rimashca Shimicunami

³ Ashtahuanpish cancunapurapica, apanacushpa causajcuna, tucui laya mapacuna, quiquinpajlla ashtahuan charij canata munajcunaca amataj uyarichunllapish. Jucha illajcuna cashcamantaca chai shinataj causaichij.

Mushuj Testamento Diospaj Shimi

³ Cunanca, Diospajllami canguichij. Ña cancunapurapica, huainayashcapish, ima shujtaj millaipi mapayashcapish, mana cashpaca ashtahuan charijyana yuyailla purishcapish amataj uyarichunllapish.

Efesios 5:3 Iomraidhean Croise

SALMOS 10:3

Millai runaca paipaj shungu munashcata rurashpami cushicun. Yallitaj charinallata munajtami alli nin, Mandaj Diostaca p'iñanmi.

SALMOS 119:36

Ñuca shungutaca ima shina causanata quiquin yachachishcata cazujta rurapayari. Quiquinpajlla charina munaiyujtaca ama rurahuaichu.

ÉXODO 18:21

Chashna yachachishpaca tucui israelcunapurallamantataj mandai tucuipajcunata, Taita Diosta manchajcunata, imatapish cashcata rurajcunata, quiquinpajlla charij canata mana munajcunata agllashpa, shujcunataca huaranga runacunata, shujcunataca patsaj runacunata, shujcunataca pichca chunga runacunata, shujcunataca chunga runacunata mandajcuna cachun churai.

ÉXODO 20:17

Shujtajpaj huasita, paipaj huarmita cashpa, paipajta rurajta cashpa, pai huiñachishcata cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.

ÉXODO 23:13

Tucui ñuca imalla nishcacunata pajtachinguichij. Shujtaj dioscunapaj shutipica ama mañanguichij. Cancunapaj shimimanca chai dioscunata rimanaca ama llujshichunllapish.

PROVERBIOS 28:16

Yuyaita mana japij mandajca, paiman imatapish cuchunllami mañan. Ashtahuanpish charij tucuna yuyailla canata mana munaj mandajca, unita mandacungallami.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

JEREMÍAS 8:10

Paicunapaj huarmicunatapish, chagracunatapish cai llajtata quichunaman shamujcunamanmi cugrini. Jatuncunamanta callarishpaca, ashtahuan uchillacunacamami jahuanpi jahuanpi charinallata yuyancuna. Ñucamanta huillajcunamanta callarishpa, curacunacama tucuicuna umajcunami.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

LEVÍTICO 15:18

Yuraj yacu llujshicuj c'ari, shuj huarmihuan chayarinacushpaca, ishquindijtaj yacuhuan armachun. Paicunaca tutayangacama mapami saquiringacuna.

MIQUEAS 2:2

Shujpaj charishca allpataca munashcamantami, quichuncuna. Huasicunatapish munashcamantami chaitataj japincuna. Shuj runata p'iñashpaca, paipaj familiatapish, tucui imalla charishcacunandijmi llaquichincuna.

NÚMEROS 25:1

Israelcunaca Sitim pueblopi cashpami, Moabita huarmicunahuan huainayai callarircacuna.

Mateo 15:19

Huañuchina, huainayana, apanacushpa causana, shuhuana, llullashpa huillana, Diosta p'iñashpa c'amina, cai tucui millai yuyaicunaca shungumantami llujshin.

Lucas 12:15

cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.

Lucas 16:14

Chaita uyashpaca, paicunapajlla charinata yuyaj mitsa fariseocunaca Jesustaca asircacunami.

Hechos 15:20

Chashna ninapaj randica paicunamanca: “Rurashcalla dioscunaman ima cushcatapish ama micunguichij, ama huainayanguichij, sipishpalla huañuchishca aichatapish, ima yahuartapish ama micunguichij” nishpa quillcashpa cachashunchij ninimi.

Hechos 20:33

Ñucaca cullquitapish, curitapish, churanatapish maijanpajta mana munashcanichu.

Romanos 1:29

Paicunaca cashcata mana ruraj canahuan, huainayanahuan, shujtajcunata llaquichinahuan, quiquinpajlla charina munaihuan, millaita ruranahuan jundacunami. Chaimi shujtajpaj charishcata munancuna, huañuchincuna, macanacuncuna, umancuna, shujtajcunata llaquichincuna.

Romanos 16:2

Jucha illajcunata ima shinami chasquinguichij, chai shinallataj paipish Mandaj Jesushuan shujlla cashcamanta alli chasquichij. Paica shujtaj achcacunata, ñucatapish ayudajmi. Chaimanta paipaj ima illashcatapish ayudanguichij.

Romanos 6:13

Shinallataj cancunapaj cuerpopi caj miembrocunataca, millaita rurachichun juchamanca ama cuichijchu. Ashtahuanpish huañushcacunapaj chaupimanta causarishcataj cashcamantaca, cancunaca Diosman curichij. Cambaj cuerpopaj mienbrocunatapish, cashcata rurachichun Diosman cuichij.

1 Corintios 10:8

Paicunamanta maijancuna shina ama huainayajcuna cashunchijchu. Chashnacunaca shuj punllallapimi, 23.000 huañurcacuna.

1 Corintios 5:1

Cancunapurapica, huainayaj tiyan nishcami uyarin. Chaica yayapaj huarmihuanmi causacun ninmi. Chashnataj huainayajcunaca, Diosta mana rijsijcunapurapipish manamari uyarinchu.

1 Corintios 6:13

Micunaca huijsapajmi, huijsaca micunapajmi. Chashna cajpipish Taita Diosca ishquindijtami chingachinga. Ashtahuanpish cuerpoca mana huainayanapajchu, Mandaj Jesuspajmi, Mandaj Jesuspish cuerpopajmi.

1 Corintios 6:18

Huainayajcunamanta caruyaichij. Maijanpish ima juchata rurashpaca, paipaj cuerpotaca mana imata ruranchu. Ashtahuanpish huainayajca, paipaj cuerpopaj llaquipajllatajmi juchallin.

2 Corintios 12:21

Ñuca cutin ricuj shamujpica, cancunapurapi Dios ñucata pingachinatami manchani. Cancunapuramanta achcacuna millaita sarunman rurashcata, huainayashcata, aicha munaita mana jarcari tucushcamanta Diospajman mana cutirishca cajpica, achcata huacanapish cangachari.

Efesios 5:12

Paicuna pacalla rurashcata huillanataca pingananpishmi.

Efesios 5:5

Maijanpish apanacushpa causaj, mapapi caj, mitsa cajpish, rurashcalla diosta catijllatajmi. Paicunaca Cristopish, Diospish mandanapica, ima japinata mana charishcataca yachanguichijmi.

Filipenses 1:27

Cancunataca Cristopaj alli huillaipi nishca shinataj purichunllami rogani. Ricunaman rijpipish, mana rijpipish shujlla Espiritupi sinchiyarishpa, alli huillaita crishcapi shuj shinalla macanacucujtami uyasha nini.

Colosenses 3:5

Chaimanta cancunapi tiyaj cai pachapaj yuyaicunataca: Apanacushpa causanata, mapa causaita, mana alli ruraicunata, millai munaicunata, quiquinpajlla ashtahuan charij canatapish huañuchichij. Chaicunaca rurashcalla Diosta adorashca shinallatajmi.

1 Tesalonicenses 4:3

Taita Diosca cancunataca jucha illajlla causachunmi munan: Huainayanamanta anchurichij.

1 Tesalonicenses 4:7

Taita Diosca ñucanchijtaca, mapallapitaj causachunca mana cayarcachu, ashtahuanpish jucha illaj causachunmi cayarca.

1 Timoteo 2:10

Chaipaj randica allicunata rurashpa, Diosta yuyarij huarmicuna rurana cashca shinallataj rurachun.

1 Timoteo 3:3

mana machaj, macanacuita mana munaj, cullquita munashcamanta ima mana allita mana ruraj, ashtahuanpish c'uyaj, mana p'iñarij, mana mitsa,

1 Timoteo 6:10

Tucui millaita ruranata callarichijca, cullqui munaimi. Chaita munashcamantami maijancunaca crishcata saquishpa, achca llaquicunata apacuncuna.

2 Timoteo 3:2

Chai punllacunapica quiquinlla alli canata munajcuna, quiquinpajlla charinata munajcuna, jatun tucushcacuna, valishca tucujcuna, Taita Diosta c'amijcuna, yaya mamata mana cazujcuna, mana pagui nijcuna, Taita Diosta mana rijsijcuna,

Tito 1:11

Chaicunataca upallachinatajmi. Paicunaca cullquita japingaraicullami, tucui huasi familiata manapish yachachinacunahuan muspachincuna.

Tito 1:7

Obispoca Dios mingashcata alli cuidashpa apajmi. Chaimanta pi mana juchachipaj, mana huahuayarij, mana p'iñarij, mana machaj, p'iñanacunata mana munaj, cullquita munashcamanta ima mana allita mana ruraj,

Tito 2:3

Yuyaj huarmicunatapish alli cazuj, yangamanta mana juchachij, mana machaj cachun, ashtahuanpish allita yachachijcuna cachun yachachingui.

Hebreos 12:16

Ñataj cancunapurapica maijan huainayaj tiyanman, mana cashpaca, imapish Diospajlla cashcata Esaú shina yanganchijcuna tiyanman. Paica asha micunallapimi punta churi cana cashcataca c'aturca.

JOSUÉ 7:21

Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

1 Pedro 5:2

Dios cancunaman mingashca canlla ovejacunataca alli michichij, ama cuidachun nishcallamanta cuidaichijchu. Ashtahuanpish Dios munashca shina cuidanata munashcamanta cuidaichij. Cullquita japinga raicullaca ama ruraichijchu. Ashtahuanpish ama q'uillashpalla ruraichij.

2 Pedro 2:10

Aicha munaillata rurashpa cushicujcunata, millananata rurajcunata, Dios mandacuntapish yanganchijcunatami llaquichinga. Paicunaca jatun tucushcacuna, c'ariyajcuna cashpami jahua pacha jatun mandajcunatapish mana manchashpa millaita rimancuna.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

2 Pedro 2:3

Chaicunaca quiquinpajlla ashtahuan charij canata munashcamantami crinalla shimicunahuan cancunata umashpa yachachishcamanta charijyanata yuyangacuna. Chashnacunataca ñaupamanta llaquichisha nishca jatun llaquica ñami quimimugrin, paicuna chingarinapish chaparacunmi.

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.

Apocalipsis 2:21

Ñucaca chai huarmitaca huainayanata saquishpa cutirichunmi shuyarcani. Ashtahuanpish mana cutirisha ninchu.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.

Apocalipsis 9:21

Chaicunaca, huañuchij canata, brujiaj canata, huainayaj canata, shuhuaj canatapish mana saquircacunachu. Diosmanca manataj cutirircacunachu.

1 SAMUEL 8:3

Samuelpaj churicunaca, paicunapaj yaya purishca ñancunapica mana purircacunachu. Ashtahuanpish quiquinpajlla charij canata munashcamantami camaricunata japishpa, cashcata ruraj canata saquircacuna.