Efesios 5:2 - Dios Rimashca Shimicunami

² Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Mushuj Testamento Diospaj Shimi

² Cristo cʼuyaj cashca shina, cancunapish cʼuyanacushpa causaichij. Cristoca ñucanchijta cʼuyashcamantami, ñucanchijmanta Paipaj quiquin causaita curca. Chashnami, Taita Diosman cushpa rupachishca, mishquiman ashnacuj shina tucushpa huañurca.

Efesios 5:2 Iomraidhean Croise

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

ÉXODO 29:18

Mandaj Diosman cushcaca pai munashca shina mishquiman ashnacuj cachun, chai carneropaj aichataca tucuita altar jahuapi rupachingui.

ÉXODO 29:25

Chai q'uipaca paicunapaj maquicunamanta japishpa Mandaj Diosman cushcaca pai munashca shina mishquiman ashnacuj cachun, tucuita cushpa rupachinahuan tandachishpa altarpi rupachingui.

LEVÍTICO 1:13

Chunllullicunatapish, changa aichatapish chai cucujllataj yacuhuan maillachun. Curaca altar jahuapi tucuita cushpa rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 1:17

Chai animaltaca ishqui alascunapi japishpa cucujllataj chaupichun. P'itirijtaca ama chaupichun. Curaca altarpi yanta rupacun jahuapi rupachichun. Chaimi tucui cushpa tucui rupachishcaca, Mandaj Diospajca sumaj mishquijllata ashnacuj canga.

LEVÍTICO 1:9

Chai huagrata cujllataj chunllullicunatapish, changa aichatapish yacuhuan maillachun. Chaitaca altar jahuapi cura tucuita rupachichun. Chashna tucui cushpa tucui rupachishcami, Mandaj Diospajca sumaj mishquijllata ashnacuj canga.

LEVÍTICO 3:16

Chai q'uipaca tucui chaicunataca altar jahuapi cura rupachichun. Chaimi Mandaj Diospajca sumaj micuita rupachishpa cushca mishquijllata ashnacuj canga. Tucui chai huiraca Mandaj Diospajllami.

AMÓS 5:21

“Cancuna cushicushpa jatun tandanacuicunata rurajpipish manataj munanichu, manataj ricunanchu. Cancuna sumaj tandanacuicunata rurashcahuanpish manataj cushicunichu.

NÚMEROS 7:21

shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Juan 13:34

Ñucaca cancunataca manaraj mandashcatami mandani. Cancunaca caishuj chaishuj c'uyanacuichij. Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Romanos 15:16

mana judiocunapajpi Jesucristopajta rurashpa, Diospaj alli huillaita mingashcata alli apachun cushcamantami chashna yuyachini. Mana judiocunatapish jucha illaj Espíritu jucha illajta rurajpi, Dios munashca shina ofrenda cachunpishmi chashna quillcani.

Romanos 4:25

Paitaca ñucanchij juchacunamantami curca. Ñucanchijta justificangapajmi causachirca.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

1 Corintios 16:14

Tucui imata rurashpapish, c'uyaihuan ruraichij.

1 Corintios 5:7

Mushuj masa tucungapajca, ismushca levadurataca tucui p'ichaichij. Ñucanchij Pascua, Cristo ñucanchijmanta ña sacrificashca cashcamantami, levadura illaj masa shina tucushcanguichij.

2 Corintios 2:14

Paipaj mishquiman ashnajlla yachaitaca tucuipi huillachunmi, ñucanchijtaca tucui imapipish mishachishpa pushacunlla. Chaimantami Diostaca pagui nicunchij.

2 Corintios 2:15

Quishpichishcacunapurapipish, chingarinaman ricujcunapurapipish Cristomantami Diospajca mishquiman ashnajlla canchij.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Gálatas 1:4

Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Efesios 3:17

Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,

Efesios 3:19

Shinallataj Cristopaj c'uyaita rijsinaca tucui yachaitapish yalli jatunmari. Chaita rijsishpaca, Dios ima shina cashcahuan yallitaj junda cachunmi mañacuni.

Efesios 4:15

Shina cajpipish Cristomari uma. Pai shina tucungacama mana llullapi, c'uyaipi huiñashunchij.

Efesios 4:2

Ama jatun tucushpa, manso shunguhuan, c'uyaimantaca caishujmanta chaishujmanta ama p'iñarishpa llaquicunata apaichijlla.

Efesios 5:15

Riquichij, ima shina puricushcata alli yuyarichij. Ama ch'ahuancuna shina, ashtahuanpish yachajcuna shina caichij.

Efesios 5:25

Cristoca tandanacushca crijcunata c'uyashpami, paillataj curirca. Chai shinallataj cusacunapish, quiquin huarmicunata c'uyaichij.

DEUTERONOMIO 27:6

Mandaj Dios cancunapaj Taita Diospaj altartaca mana p'aquishca rumicunahuan rurashpa chai altar jahuapi, Mandaj Dios cancunapaj Taita Diosman tucuita cushpa tucui rupachinguichij.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

Colosenses 3:14

Tucuimanta yallica c'uyaj canata churarichij. C'uyaimi tucuicunata shujllata rurajtajca.

1 Tesalonicenses 4:9

Taita Dios yachachijpimi cancunallataj caishuj chaishuj c'uyanacunataca yacharcanguichij. Chaimi cancunamanca, huauquicunapura c'uyanacunami canguichij nishpaca mana quillcani.

1 Timoteo 2:6

Paillataj curishpami, tucuicunata randishpa cacharichirca. Chaitaca Taita Dios rurasha nishca punlla pajtajpimi ricuchirca.

1 Timoteo 4:12

Pajta cantaca, huambrami nishpa pi rimanman. Chaimanta rimanapi, causanapi, c'uyanapi, yuyanapi, crinapi, chuya canapipish crijcuna ricushpa catinalla alli cangui.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 8:3

Curacunata jatun pushaj curataca tucuicunatami imalla cushcacunata, sacrificiocunatapish Diosman cuchun churashca. Chashna cajpica, Jesuspish Diosmanca imallatapish cunataca charinmari.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

Hebreos 9:23

Chashna cajpica jahua pachapi tiyajcunata ricuchijcunataca, Diosman sacrificiota cushca yahuarta tsirapajpimi ima mapa illajlla tucun. Jahua pachamanta cajcunacarin chai sacrificiota yallitamari ruracun.

Hebreos 9:26

Cutin cutin llaquita apacunalla cashca cajpica, Cristoca cai pacha callarimantami llaquita apacunmanlla carca. Ashtahuanpish Dios cusha nishca punlla pajtajpimi, jucha chaupimanta anchuchingapaj shuj cutinlla huiñaipaj paillataj curishpa huañurca.

1 Pedro 4:8

Tucuimanta yallica, cancunapurapi tucui shunguhuan c'uyaj caichij. C'uyaica, achca juchacunatapish perdonachijmi.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.