Efesios 5:10 - Dios Rimashca Shimicunami

¹⁰ Chaimanta alli ricushpa, Mandaj Jesús munashcata ruranata agllaichij.

Mushuj Testamento Diospaj Shimi

¹⁰ Chaimanta, Apunchij Jesús munashcallata ruranata yuyaichij.

Efesios 5:10 Iomraidhean Croise

SALMOS 19:14

Ñuca rimashca shimicunaca quiquin munanalla cachun. Ñuca shungupi yuyarishcacunapish quiquinpaj ñaupajpi munanalla cachun. Mandaj Dioslla ñucata pacaj rumimi cangui. Ñucata quishpichijmi cangui.

PROVERBIOS 21:3

Mandaj Diosca cashcata rurashpa alli yuyaihuan causajpimi, paiman cushpa rupachishcatapish yalli cushicun.

ISAÍAS 58:5

Cancunaca junco shina umata cumurichishpa llaquilla tucushpami ayunashpa cainanguichij. Cañamazuhuan mantashpa ushpata shitarishpami ayunanguichij. ¿Chashna ayunachunchari ñucaca mandarcani? ¿Chashna rurashpachu ayuno cashcata yuyanguichij? ¿Mandaj Dios munashcata rurashpa cainacushcatachu yuyanguichij?

JEREMÍAS 6:20

Ñucamanca ¿imapajtaj chai Sabá llajta inciensota cushpa rupachinguichigari? Caru llajtamanta apamushca sumaj mishquijllata ashnaj huiru yacutapish ¿imapajtaj ñucamanca cunguichigari? Cancuna animalcunata cushpa tucui rupachishcapish, maita mana chasquipajmi. Animalcunata cushpa huañuchishcatapish manataj ricunanchu” ninmi.

Romanos 14:18

Cristopajta chashna rurajca Dios munashcata rurajmi, gentecunapish alli crijmi nishcami.

Filipenses 1:10

imapish alli cajllata agllachun, Cristo shamuna punllapajca mana nij tucuj, pi mana juchachipaj cachunpish,

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

1 Tesalonicenses 5:21

Tucui imalla yachachishcataca, alli cashcata mana alli cashcata alli ricuichij. Alli cajllata chariraichij.

1 Timoteo 2:3

Ñucanchijta quishpichij Diosca, chashna rurajtami munan.

1 Timoteo 5:4

Ashtahuanpish maijan viuda huahuacunata, nietocunata charijpica, paicunaraj quiquinpura cashcamanta, ayudanata yachachun. Paicunata huiñachishcamanta yaya mamaman tigrachij cachun yachachingui. Chashna rurachunmi Taita Diosca munan.

Hebreos 12:28

Chashna cajpica Dios maipi Mandacun mana cuyuchipajta ñucanchij japishcamantaca, pagui nishunchij. Pai munashca shina manchaihuan tucui shunguhuan servishunchij.

1 Pedro 2:20

Juchata rurashcamanta llaquichijpi llaquita apacushpaca ¿ima allitataj ruracunguiyari? Ashtahuanpish allita ruracujpi llaquichijpi llaquita apashpami, Diospaj ñaupajpica alli crijmi nishca cangui.

1 Pedro 2:5

Cancunapish causaj rumicunallatajmi canguichij. Chashna cashpami Diospajlla huasita huasichicuncuna canguichij. Jucha illaj curacunapishmi canguichij. Jesucristomantaca Dios chasquinalla causaita causaichij.

1 SAMUEL 17:39

Davidca chai churana jahuapi espadata aparinahuan chumbillirishpaca, chashna churarishcaca nunca mana purij cashcamanta purishpa ricurcarajmi. Chaipimi Davidca Saultaca: –Cashna churarishcaca nunca mana purij cashcamanta mana puri tucunichu– nishpami tucui chai churarishcacunataca llujshichirca.