Efesios 4:7 - Dios Rimashca Shimicunami

⁷ Ashtahuanpish Cristoca mana c'uyaipajta c'uyashcamantami, ñucanchijmanca pai cusha nishca shina cada quiquinman rurai tucunallata curca.

Mushuj Testamento Diospaj Shimi

⁷ Shina cashpapish Dios mana cʼuyaipajta cʼuyashpa cujpimi, tucuicunallataj imalla rurai tucunataca, Cristo raquijpi paipaj maquimanta chasquishcanchij.

Efesios 4:7 Iomraidhean Croise

Mateo 25:15

Shujmanca pichca talento cullquita, caishujmanca ishqui talento cullquita, chaishujmanca shuj talento cullquitami saquirca. Chaitaca paicuna imallata rurai tucuna shinaman saquishpami, caru llajtaman rirca.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

Romanos 12:3

Dios ñucata mana c'uyaipaj cajpipish c'uyashpa cushcamantami, cashna yachachisha nini. Cancunapurapica, caishujta yalli cashcataca ama yuyaichijchu. Ashtahuanpish cada quiquinman crinata Dios cushca shinallataj, canca ima shina cashcata alli yuyaringui.

2 Corintios 6:1

Ñucanchijca Diospajta paillahuantaj rurajcuna cashpami, Dios mana c'uyaipajta c'uyashcataca, ama yanga chasquishca caichijchu nishpa cunanchij.

Efesios 3:2

Dios mana c'uyaipajta c'uyashcata, cancunapurapi apachun ñucaman mingashcataca uyashcanguichijmi.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

1 Pedro 4:10

Tucuicunami Diosmantaca ch'ican ch'ican rurai tucunata chasquircanguichij. Chai rurai tucunahuanca caishuj chaishujpaj allita ruraichij. Chashna cashpami, Diospaj mana c'uyaipajta c'uyashpa cushca tucui laya ruraicunataca alli apanguichij.