Efesios 4:6 - Dios Rimashca Shimicunami

⁶ shujlla Dios tucuicunapaj Yayami. Paica tucuicunapaj jahuapimi, tucuicunallatatajmi imatapish rurachicun, tucuicunapipishmi.

Mushuj Testamento Diospaj Shimi

⁶ Shujlla Diosmi, tucuicunapaj Yaya. Paica tucuicunapaj jahuapimi, tucuicunapaj imatapish rurajmi, tucuicunallapitajmi causacun.

Efesios 4:6 Iomraidhean Croise

GÉNESIS 14:19

Paimi Abramtaca: “Abram, cantaca jahua pacha Taita Dios alli nishca cachun. Jahua pachatapish, cai pachatapish ruraj Taita Dios alli nishca cachun.

SALMOS 95:3

Mandaj Diosca Jatun Diosmari, tucui dioscunapaj jahuapi caj Jatun Mandajmari.

ISAÍAS 63:16

¡Quiquinmari ñucanchij yaya cangui! Abraham ñucanchijta mana charishca shina tucujpipish, Jacob ñucanchijta mana rijsisha nijpipish, Mandaj Dios quiquinmi ñucanchij yaya cangui. Huiñaimanta caj shuti quiquinca ñucanchijta quishpichijmi cangui.

MALAQUÍAS 2:10

¿Manachu tucuicunallataj shujlla yayata charinchij? ¿Manachu tucuicunallataj Taita Dios rurashca canchij? Shina cajpica, ¿ima nishpataj ñucanchij ñaupa yayacunahuan ari ninacushcataca yangata rurashpa, caishuj chaishuj mana cazunacunchigari?

NÚMEROS 16:22

Chaimi paicunaca pambaman tupajta cumurishpa: –Taita Dios, tucuicunaman causaita cuj Dios. ¿Manachu shuj runalla juchallishca canga? ¿Ima nishpataj tucui israelcunahuan p'iñaringuiyari?– nircacuna.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Mateo 6:9

Chaimanta cancunaca cashna mañanguichij: “Jahua pachapi caj ñucanchij Yaya, cambaj jucha illaj shutitaca, alli nishca cachun.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 17:26

Ñucaca quiquin ima shina cashcatami ricuchircani. Ashtahuan ricuchishpa caticushallami. Can ñucata c'uyashca c'uyaica paicunapi cachunmi ñucaca paicunahuan shujlla cani” nircami.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Romanos 11:36

Tucuimi paipaj, pai rurashcamantami tiyan, paipajmi rurarca, chaimanta tucui imapish paipajmi. Paitaca, huiñai huiñaita jatunyachishca cachun. Chashnataj cachun.

1 Corintios 12:6

Ruraicunaca ch'ican ch'icanmi tiyan, ashtahuanpish tucuita tucuicunapi rurachij Diosca shujllami.

1 Corintios 8:6

Shina cajpipish ñucanchijpajca, shujlla Taita Diosmi tiyan. Pai Yayamantami tucui imapish shamun, ñucanchijpish paipajmi tiyanchij. Mandaj Jesucristopish shujllami. Paihuanmi tucui ima tiyajtapish rurarca, paimantami ñucanchijpish tiyanchij.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

Efesios 1:21

Poderyujcunapaj, mandanata charijcunapaj, poderhuan mandajcunapaj, tucui laya shutichishcacunapaj jahuapipishmi paica mandacun. Mana cunan punllacunallapichu, ashtahuanpish q'uipa punllacunapipishmi mandanga.

Efesios 2:22

Cancunapish Espiritupi Dios causana huasi cangapajmi, chaipi tandalla huasichicushcacuna canguichij.

Efesios 3:17

Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,

Efesios 6:23

Dios Yayapaj, Mandaj Jesucristopaj sumaj causaipish, c'uyaj canapish, alli crij canapish huauquicunahuan cashca cachun.

DEUTERONOMIO 6:4

Israelcuna uyaichij. Mandaj Dios ñucanchij Taita Diosca shujlla Diosmari.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.