Efesios 4:4 - Dios Rimashca Shimicunami

⁴ Shuj cuerpollami tiyan, Espiritupish shujllami. Chaimanta shujlla shuyanata shuyachun cayashcacunami canguichij.

Mushuj Testamento Diospaj Shimi

⁴ Cuerpopish shujllami, Espiritupish shujllami. Chaimantami allita rurachun cancunata cayashpaca, shujlla tiyaj chai shuyanallatataj shuyachun cayarca.

Efesios 4:4 Iomraidhean Croise

SALMOS 122:8

Ñuca huauquicunata, ñucahuan purijcunata c'uyashcamantami ñucaca: “Sumaj causai canhuan cashca cachun” nini.

JEREMÍAS 14:8

Israelcuna shunguta churana Dioslla, canmari paicunata llaqui japijpipish, huaquichij carcangui. ¿Imamantataj cunanca cai llajtapajca carumanta shamushca runa shina, imata mana ricusha ninguiyari? ¿Imamantataj ñanta ricushpa shuj tuta pacaringapaj saquirij runa shinalla canguiyari?

JEREMÍAS 17:7

Ashtahuanpish Mandaj Dios ñucapi shunguta churashpa, ñucata shuyajcunaca allicunata chasquingacunami.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Hechos 15:11

Ñucanchijtaca Mandaj Jesusca mana c'uyaipaj cajpipish crijllapimi quishpichirca. Paicunatapish chashnallataj crijllapimi quishpichin– nircami.

Romanos 11:29

Diosca pai cushcacunataca manataj quichunchu, pai cayashcatapish manataj anchuchinchu.

1 Corintios 10:17

Shujlla tanda cajpipish, ñucanchijca achcacuna cashpapish, tucuicuna chai tandallamantataj micushpaca, shujlla cuerpomi canchij.

1 Corintios 12:20

Ashtahuanpish cuerpo shujlla cajpipish, miembrocunaca achcacunami.

2 Corintios 11:4

Ñucanchij huillashca q'uipa, maijanpish Jesusmanta shujtaj shina huillaj shamujtaca sumajta uyanguichijllami. Espirituta chasquishca jahuamari, shujtaj espirituta chasquinguichij. Alli huillaita uyashca jahuamari, shujtaj shina huillashcatapish sumajta uyanguichij.

Efesios 1:18

Pai Diosca, cancunapaj yuyaipaj ñahuita achijyachishca cachunmi mañacuni. Chashna achijyachijpimi, cancunaca imata shuyanapaj cayashca cashcata, jucha illajcunahuan achcata charina sumaj herenciapish ima cashcata yachanguichij.

Efesios 2:16

Shinallataj cruzmanta Dioshuan alli tucuchunmi, p'iñanacushcacunata paillapitaj chingachishpa, ishquindij llajtacunata shujlla cuerpota rurarca.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.

Efesios 2:22

Cancunapish Espiritupi Dios causana huasi cangapajmi, chaipi tandalla huasichicushcacuna canguichij.

Efesios 4:1

Ñucaca, Mandaj Jesuspi shujlla cashcamantami prezupi cani. Cancunataca Dios imapaj cayashca shinataj alli purichunmi cashna rogani:

Efesios 5:30

Ñucanchijca paipaj cuerpopaj miembrocunami canchij. Paipaj aichamanta, paipaj tullucunamantami canchij.

Colosenses 1:5

Cancunaca jahua pachapi huaquichishcata japina yuyailla cashpami, chashna c'uyacunguichij. Chai japinataca mana llulla, alli huillai shimita,

Colosenses 3:15

Cristomanta Dioshuan sumaj causaica cancunapaj shungucunapi mandachun. Chashna cachun cayashpa shujlla cuerpota rurashcacunami carcanguichij. Chaimanta pagui nijcuna caichij.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

1 Timoteo 1:1

Ñucanchijta Quishpichij Dios, ñucanchij shunguta churashpa caticushca Mandaj Jesucristopish mandashcamanta, Jesucristopaj apóstol Pablomi cani.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

Tito 2:13

Chaimi ñucanchij jatun Dios Quishpichij Jesucristo sumaj cashcahuan shamunataca, ñucanchijca chai yuyailla cushijlla shuyacunchij.

Tito 3:7

Chashnami Diosca mana c'uyaipaj cajpipish c'uyashpa, justificashpa chasquirca. Chaimantami ñucanchij japina cashca huiñai causaitaca, chai yuyailla shuyacunchij.

1 Pedro 1:21

Huañushcacunapaj chaupimanta causachishpa jatunyachij Diostaca Jesucristomantami crircanguichij. Cancuna Diosta crishpa pai yuyailla cachunmi chashna rurarca.

1 Juan 3:3

Jesús shina tucuna cashcamanta maijanpish chai yuyailla cajca, Jesús ima shinami chuya chai shinallataj chuya cangapajmi punllanta chuyayacun.