Efesios 4:21 - Dios Rimashca Shimicunami

²¹ Cancunaca Jesuspi tiyaj, mana llullatataj paimanta yachachishcata uyashcataj cashpaca, mana chashnachu cana canguichij.

Mushuj Testamento Diospaj Shimi

²¹ Paimanta uyashcataj, yachashcataj cashpaca, Jesusmantaca cashcatataj yachachishcatami chasquishcanguichij.

Efesios 4:21 Iomraidhean Croise

SALMOS 45:4

Quiquinpaj sumaj canaca mirarishcamari. Mana llulla shimipi, mana jatun tucushca canapi, cashcata ruranapi caballopi tiyarij shina tiyariyari. Quiquinpaj alli lado maquimi mancharinacunata rurashpa poderyuj cashcata ricuchinga.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Lucas 10:16

Cancunata uyajca ñucatami uyan, cancunata p'iñajca ñucatami p'iñan. Ñucata p'iñajca, ñucata cachajtapishmi p'iñan” nircami.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Romanos 10:14

Paita manaraj crij cashpaca ¿ima shinataj paitaca mañangacunari? Manaraj paimanta uyashpaca ¿ima shinataj cringacunari? Pi manaraj huillajpica ¿ima shinataj uyangacunari?

2 Corintios 1:20

Chaimantami Diosca tucui pai cusha nishcacunataca, Jesucristopi pajtachin. Chashna cajpimi ñucanchijca, Diosta jatunyachishpaca, Jesucristomanta “Chashna cachun” ninchij.

2 Corintios 11:10

Cristopaj mana llulla shimica ñucapimi. Chaimanta ñuca sumajyarinataca Acaya llajtacunapi pi mana jarcangachu.

Efesios 1:13

Cancunapish chai Jesusllatataj crishpa quishpirichunmi, mana llulla alli huillaitaca huillarcanchij. Chaita uyashpa crincami, Diosca pai cusha nishca jucha illaj Espirituhuan sellarca.

Efesios 2:17

Pai shamushpami cancuna Diosmanta carupi cajcunaman, c'uchullapi cajcunamanpish, sumaj causaipaj alli huillaita huillarca.

Colosenses 1:5

Cancunaca jahua pachapi huaquichishcata japina yuyailla cashpami, chashna c'uyacunguichij. Chai japinataca mana llulla, alli huillai shimita,

Colosenses 1:6

cancunamanpish huillajpimi yacharcanguichij. Chai alli huillaimi tucui cai pachapi grano p'ucuj shina miraricun. Taita Diostaca mana c'uyaipajta c'uyajtaj cashcata uyashca, rijsishca punllamantami cancunapurapipish chashna mirachicun.

Colosenses 2:7

Cristopi sapiyachishca, paipaj jahuapi huasichicuncunami canguichij. Ima shina yachachishca cashca shinallataj, crinapi sinchi caichij, Diosta pagui nicujllacuna caichij.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.