Efesios 4:2 - Dios Rimashca Shimicunami

² Ama jatun tucushpa, manso shunguhuan, c'uyaimantaca caishujmanta chaishujmanta ama p'iñarishpa llaquicunata apaichijlla.

Mushuj Testamento Diospaj Shimi

² Mana jatun tucushpa, cʼuyaihuan, alli shunguhuan, mana pʼiñarishpa, caishuj chaishuj llaquinacuichij.

Efesios 4:2 Iomraidhean Croise

SALMOS 138:6

Mandaj Diosca tucuita yalli jatunmi. Chashna cashpapish mana jatun tucushca mañashcatami uyaracun. Ashtahuanpish jatun tucushcataca carumanta ricucunllami.

SALMOS 45:4

Quiquinpaj sumaj canaca mirarishcamari. Mana llulla shimipi, mana jatun tucushca canapi, cashcata ruranapi caballopi tiyarij shina tiyariyari. Quiquinpaj alli lado maquimi mancharinacunata rurashpa poderyuj cashcata ricuchinga.

PROVERBIOS 16:19

Jatun tucushcacunapura tucushpa, imatapish paicunahuan chaupinacunapaj randica, mana jatun tucushcacunahuan apanacuj alli shungu canamari alli.

PROVERBIOS 3:34

Mana cazushpa asijcunataca, Mandaj Diospish asingami. Ashtahuanpish alli shungucunapajca, c'uyashpa allita cunmi.

ECLESIASTÉS 7:8

Imata ruranapish ña tucurishca cashpaca, cunanlla callarishcata yalli allimi. Mana utca p'iñarij canaca, c'ari tucushca canata yalli allimi.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

SOFONÍAS 2:3

Cai llajtapi causaj alli shungu runacuna, cancunaca Mandaj Dios imallata rurashcata yuyarishpa paita mashcaichigari. Cashcata ruranata mashcaichigari. Chashna cancuna allita ruranata mashcajpica, Mandaj Dios jatunta p'iñarishpa llaquichicui punllaca huaquichingapishchari.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

NÚMEROS 12:3

Moisesca tucui cai pachapi causaj c'aricunamantaca, paillami yalli alli shungu carca.

Mateo 11:29

Ñucataca manso, mana jatun tucushca shungu cashcata ñuca yugota aparishpa yachaichij. Chashnami cancunapaj alma samarinata japinguichij.

Marcos 9:19

Jesusca: –¡Huahua huahuami mana crijcuna canguichij! ¿Maicamataj cancunahuan causacushalla? ¿Maicamataj cancunataca yachachicushalla? Chai huambrata caiman pushamuichij– nirca.

Hechos 20:19

Mana crij judiocuna ñucata llaquichijpipish, llaquihuan huacaihuanmi mana jatun tucushpalla Mandaj Jesuspajtaca ruracurcani.

Romanos 15:1

Sinchi crijcunaca, irqui crijcuna mana apai tucushcacunataca c'uyaihuanmi apana canchij. Mana ñucanchijpajlla alli canata yuyanachu canchij.

1 Corintios 13:7

Tucui llaquita apanllami, tucuita crinllami, tucuita shuyanllami, tucuita ahuantanllami.

Gálatas 6:2

Caishujpaj chaishujpaj llaquicunata, apajcuna caichij. Cristopaj mandashcataca, chashna rurashpa pajtachichij.

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Colosenses 1:11

Tucuipi paipaj sumaj poderhuan sinchiyachijpi mana p'iñarij, sinchi cachunpishmi mañacunchijlla.

1 Timoteo 6:11

Ashtahuanpish Taita Diospaj runalla, canca chaicunamanta anchurishpa cashcata ruranapi, Taita Dios yuyailla canapi, alli crij canapi, c'uyanapi, mana p'iñarinapi, manso shungu canapi catirai.

2 Timoteo 2:25

Can huillashcata mana allichu nijcunapish, mana llullata rijsingapaj Diosman cutirichun Dios yuyaita cuna cashca yuyaihuan manso shunguhuan yuyachingui.

Santiago 1:21

Chaimanta millanana yuyaita, millai ruranacunatapish tucui saquishpa, Diospaj Shimita cancunaman huillashcataca alli shunguhuan chasquichij. Chaimi cancunataca quishpichi tucun.

1 Pedro 3:15

Chaipaj randica, cancunapaj shungupica Mandaj Taita Diosca jucha illajmi nichij. Cancunata imapajtaj Cristo yuyailla canguichij nishpa tapujpica, manso shunguhuan tucuicunaman sumajta huillangapaj allichirishca huillanalla,

1 Pedro 3:8

Tucuimanta yallica, tucuicuna chai shinallataj cashcata yuyaichij. Llaquilla cajcunahuanpish llaquirij caichij. Quiquin huauquindij shina c'uyanacuichij, llaquijcuna caichij, caishuj chaishujhuanpish apanacujcuna caichij.