Efesios 4:16 - Dios Rimashca Shimicunami

¹⁶ Tucui crijcunaca paihuan shujlla cuerpo cashpami, aicha mucucuna huatarishca shina alli churashca cashpa paillamantataj huiñangapaj chasquicunchij. Chashna cashpami, tucui crijcuna quiquin rurana cashcata alli rurashpa, c'uyaihuan huiñashpa miraricun.

Mushuj Testamento Diospaj Shimi

¹⁶ Tucui crijcunataca, Paihuan shujlla Cuerpo cajpimari, aicha mucucuna alli tinguirishca shinata, Paillataj huiñachishpa caticun. Chashna cashpami, tucui crijcuna quiquin rurana cashcata alli rurashpa, cʼuyaihuan huiñashpa miraricun.

Efesios 4:16 Iomraidhean Croise

Juan 15:5

Ñucaca uva yurami cani. Cancunaca ramacunami canguichij. Maijanpish ñucahuan shuj shinalla cajhuanca, ñucapish paihuanmi casha. Paica achcatami p'ucunga. Ñucamanta ch'icanyashpaca, imata mana rurai tucunguichijchu.

Romanos 12:4

Shinallataj cuerpopica, achca miembrocunatami charinchij. Chashna cashpapish, mana tucui miembrocuna chaillatataj ruranata charinchu.

1 Corintios 10:17

Shujlla tanda cajpipish, ñucanchijca achcacuna cashpapish, tucuicuna chai tandallamantataj micushpaca, shujlla cuerpomi canchij.

1 Corintios 13:13

Cunanca crinapish, shunguta churashca canapish, c'uyaipish mana tucuringachu. Cai quimsamanta ashtahuan yallica c'uyaimari.

1 Corintios 8:1

Rurashcalla dioscunaman rupachinapaj cushca ima cashcata yachanataca tucuicunami yachanchij. Chaita yachanaca jatun tucunapajllami, ashtahuanpish c'uyaimi crijtaca sinchiyachin.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Efesios 3:17

Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,

Efesios 3:7

Chaita huillaj cachunmi, mana c'uyaipajta c'uyaj canata cushpa, paipaj poderhuan rurachingapaj ñucataca Diospajta rurajta rurashca cani.

Efesios 4:12

Diospajta rurashpa Cristopaj cuerpota mirachichunmi, jucha illajcunataca chashna allichirca.

Efesios 4:15

Shina cajpipish Cristomari uma. Pai shina tucungacama mana llullapi, c'uyaipi huiñashunchij.

Filipenses 1:9

Diosta mañacushpaca caitami mañani: Cancunapaj c'uyaica yachaipi, entendinapipish ashtahuan ashtahuan yallitaj mirarichun,

Colosenses 2:19

Paicunaca uma caj Cristohuanca mana shuj shinalla canchu. Ashtahuanpish Cristomari paipi cajcunataca mucucunahuan, angucunahuan shujllata rurashpa, carashpa, sinchiyachishpa, Dios cushcahuan huiñachicun.

Colosenses 2:2

Paicunapaj shungucunapi cushicuchun, c'uyaipi shujlla cashpa alli entendij canata charij canaman chayachunmi macanacucuni. Chashna cashpami Dios Yayamanta, pi mana yachashca pacalla cajca Cristo cashcata alli yachangacuna.

1 Tesalonicenses 1:3

Cancunaca crishcamantami allicunata rurashpa, c'uyaihuan trabajashpa, ñucanchijta Mandaj Jesucristopi shunguta churashpa paita shuyacunguichij. Chaimantami cancunata yuyarishpaca, ñucanchij Yaya Diosta mañanataca mana shaicunchij.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.

1 Tesalonicenses 3:12

Ñucanchij cancunata c'uyaj shinallataj cancunapish caishuj chaishujhuan, shujtajcunahuanpish c'uyaita charichun, Mandaj Jesusllataj yallijta mirachishca cachun.

2 Tesalonicenses 1:3

Huauquicuna, cancunapaj crishcaca ashtahuanmi sinchiyashpa catin. Tucuicunapaj c'uyaipish shujtajcunata c'uyanapajca, cada quiquinpajmi yallijta jundan. Chaimantami cancunamantaca Taita Diosta pagui nina alli cajpi pagui nicunchijlla.

1 Timoteo 1:5

Chuya shungumanta llujshishca c'uyaihuan c'uyanacushpa, ima mapata mana yuyashpa, ama nij tucujlla crijcuna cachunmi chashna mandani.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

1 Juan 4:16

Chaimantami Dios ñucanchijta c'uyashcataca yachanchij, crinchij. Diosca c'uyajmi. Maijanpish c'uyajca Dioshuan shujllami, Diospish paihuanca shujllami.