Efesios 4:13 - Dios Rimashca Shimicunami

¹³ Chashna cashpami, ñucanchijca crinapi ashtahuan shujlla tucushpa, Diospaj Churita ashtahuan rijsishpa, sinchi crij tucushpa, Cristo ima shina cashcahuan junda canaman chayashun.

Mushuj Testamento Diospaj Shimi

¹³ Chashnamari tucuicuna crishcamanta shujlla tucushun, Diospaj Churitapish alli rijsishun. Cristo shinallataj imapi mana pandarij tucungacamamari, huiñashpa alli yuyaiyuj tucushun.

Efesios 4:13 Iomraidhean Croise

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

SOFONÍAS 3:9

Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna.

ZACARÍAS 14:9

Mandaj Diosmi, tucui cai pachata jatun mandajca canga. Chai punllapica, shujlla Mandaj Diosmi tiyanga. Diospaj shutillami tiyanga.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Juan 1:16

Paica tucuihuan junda cajpimi, mana c'uyaipajta c'uyaitaca tucuicuna jahuanpi jahuanpi chasquinchij.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 6:69

Ñucanchijca cantaca causaj Taita Diospaj Churi cashcatami crinchij. Cristo cashcatapish yachanchijmi– nirca.

Hechos 4:32

Crijcunaca tucuicunami shuj shungulla, shuj yuyailla carcacuna. Pi mana “caica ñucapajmi, chaica ñucapajmi” nircachu. Tucui imalla charishcacunapish tucuicunapajmi carca.

1 Corintios 1:10

Huauquicuna, cancunataca ñucanchijta Mandaj Jesucristopaj shutipimi rogani. Cancunapurapi chaupirinacui ama tiyachun, tucuicuna chai shinallataj rimaichij. Yuyanapi, ruranapipish tucuicuna tandalla chai shinataj caichij.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

1 Corintios 2:6

Shina cajpipish sinchi crij canaman chayashcacunamanmi Diospaj yachaitaca rimacunchij. Cai pachapaj yachanacunamanta, cai pachata mandajcunapaj yachanacunamantaca mana rimacunchijchu. Chaicunaca chingarijllacunami.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

Gálatas 4:19

Ñuca huahuacunalla, cancuna Cristo shina tucungacamami, cancunamantaca huachana nanaicunahuan shina cutin llaquita apacuni.

Efesios 1:17

ñucanchijta Mandaj Jesucristopaj sumaj Yaya Diosca, yachaisapa cana yuyaiyujta rurashpa, paimanta ashtahuan alli yachajta rurachun mañacuni.

Efesios 1:23

Crijcunaca paipaj cuerpomi, paillatajmi tucuicunapi yallijta jundan.

Efesios 2:15

Cristomi p'iñanacushcataca paipaj aichapi chingachirca. (Mandashcacunapaj mandashcata pajtachichun nishcata chingachishpami) ishquindijmanta shujllata rurashpa, mushuj runata paillapitaj callarichirca. Chashnami sumajta causajcunata rurarca.

Efesios 4:12

Diospajta rurashpa Cristopaj cuerpota mirachichunmi, jucha illajcunataca chashna allichirca.

Efesios 4:3

Espíritu shujllata rurashpa, sumaj causaipi churashcapi chai yuyailla causaichij.

Efesios 4:5

Shinallataj shujlla Mandaj, shujlla crina, shujlla bautismo,

Filipenses 3:10

Cristota, paita causachij podertapishmi ashtahuan rijsisha nini. Pai shinallataj tucungacamami llaquicunata apashpa, pai shinallataj huañusha nini.

Filipenses 3:8

Cristo Jesús ñucata Mandajta rijsishcamantami, tucui chaicunataca yangataj cashcata yachani. Paita c'uyashcamantami tucuita chingachircani. Cristo ñucapi cachunmi, tucui chaicunataca ñucu shinata rurarcani.

Colosenses 1:28

Ñucanchijca Cristomantami huillanchij. Tucuicunata cunashpa, tucuicuna imapipish alli yachaj cachunmi yachachinchij. Allitaj cajcunata Cristo Jesusman ricuchingapajmi chashna yachachinchij.

Colosenses 2:2

Paicunapaj shungucunapi cushicuchun, c'uyaipi shujlla cashpa alli entendij canata charij canaman chayachunmi macanacucuni. Chashna cashpami Dios Yayamanta, pi mana yachashca pacalla cajca Cristo cashcata alli yachangacuna.

Hebreos 5:14

Sinchi micuica sinchiyashcacunapajllami. Shinallataj ima alli cashcata, ima mana alli cashcatapish agllana yuyaita charijcunapajllami.

2 Pedro 1:4

Chashnami tucuita yalli valij, jatun cushami nishcacunataca ñucanchijman cushca. Chaicunahuanca cai pachapi ismuchicuj millai munaicunamanta anchushpa, Dios ima shina caj shinallataj cachunmi chashna rurashca.

2 Pedro 3:18

Chaipaj randica, mana c'uyaipajta c'uyaj cashcata ñucanchijta Mandaj Quishpichij Jesucristota ashtahuan rijsishpa huiñaichij. Cunanpish, huiñai huiñaitapish paica sumajmari nishca cachun. Chashna cachun.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.