Efesios 4:12 - Dios Rimashca Shimicunami

¹² Diospajta rurashpa Cristopaj cuerpota mirachichunmi, jucha illajcunataca chashna allichirca.

Mushuj Testamento Diospaj Shimi

¹² Diospajlla cajcunaman Paipaj ruranata yachachishpa, Cristopaj Cuerpota ashtahuan huiñachichunmi, chai rurai tucunata curca.

Efesios 4:12 Iomraidhean Croise

Lucas 22:32

Ashtahuanpish crij cashcata saquisha ama nichunmi, ñucaca canmantaca Taita Diosta mañarcani. Ña cutin ñucaman can cutirishpaca, ñucata alli catijcuna cachun cambaj huauquicunatapish alli yachachingui– nircami.

Hechos 1:17

Judasca ñucanchijpurapimi carca. Judasca ñucanchijhuan Jesusmanta huillagrichun cayashcami carca.

Hechos 1:25

Paica can imalla rurai nishcata ñucanchijhuan rurachun, apóstol canatapish japichun. Judasca millaita rurashpa urmashcamantami pai maiman rina cashcaman rin” nircacunami.

Hechos 11:23

Pai chaiman chayashpaca, Taita Diosca mana c'uyaipajta c'uyashcata ricushpaca achcatami cushicurca. Chaimantami paicunataca Mandaj Jesuspi shunguta churashpa paita catina yuyailla catichun nishpa ashtahuan catina yuyaita curca.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Hechos 9:31

Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.

Romanos 12:5

Ñucanchijca achcacuna cashpapish, Cristopica shuj cuerpollami canchij. Chashna cashcamantami, caishuj chaishuj shuj cuerpopajlla miembrocuna canchij.

Romanos 12:7

Shujtajcunapaj allita rurajca, allita ruranapi cachun. Yachachijca yachachinapi cachun.

Romanos 14:19

Chaimanta sumaj causaiman, sinchiyanaman caishuj chaishuj shuj yuyailla catishunchij.

Romanos 15:14

Ñuca huauquicuna, cancunallataj allita ruranahuan, tucui yachaihuan jicharicuj cashcataca yachanitajmi. Chashna cashpami caishuj chaishuj cunanacui tucunguichij.

Romanos 15:2

Cada quiquinmi ñucanchijca, shujtajpaj imapish alli canapaj, paita sinchiyachinapaj ayudana canchij.

Romanos 15:29

Cancunapajman ñuca shamushpaca, Cristomanta alli huillai cushca yallitaj allicunahuan, shamuna cashcatami yachani.

1 Corintios 12:27

Cancunaca Cristopaj cuerpomi canguichij. Cada quiquin chai cuerpopaj miembrocunami canguichij.

1 Corintios 12:7

Ashtahuanpish Espíritu rurachishcacuna ricurichunmi, tucuicunapaj allipaj cada quiquinman cushca.

1 Corintios 14:12

Diospajta rurachun cushca rurai tucunata ñaqui munanguichij. Chashna munashpaca tandanacushca crijcunata sinchiyanapaj caj rurai tucunata yallitaj munaichij.

1 Corintios 14:14

Mana rijsishca rimaipi ñuca mañajpica, ñuca espiritullami mañan. Ashtahuanpish ñuca yuyaica chushajllami saquirin.

1 Corintios 14:26

Shina cajpica huauquicuna, ¿imatataj nishun? Cancuna tandanacushcapica, cada quiquinmi Salmota, yachachinata, rimaipi rimanata, Dios ricuchishcata huillanata, imata nisha nishcata huillanata charinguichij. Chai tucuicunataca sinchiyangapaj ruraichij.

2 Corintios 12:19

¿Cancunaca ñucanchijta ama imata nichunmi chashna nicun yuyanguichijchu? Yallitaj c'uyashcacuna, Dios ricucunpimi Cristomanta cancuna sinchiyachun chashna rimanchij.

2 Corintios 13:11

Tucuimanta yallica huauquicuna cushicuita charichij, allitaj crij canaman chayaichij, caishuj chaishuj cushichinacuichij, shuj shinalla yuyaichij, sumajta causaichij. Chashna cajpica sumaj causaitapish, c'uyaitapish cuj Diosca cancunahuanmi canga.

2 Corintios 13:9

Chaimi ñucanchij irquicuna shina cajpipish, cancunaca sinchicuna cashcamanta cushicunchij. Cancuna allitaj crij canaman chayachunmi Diostaca mañaracunchijlla.

2 Corintios 3:8

Espíritu rurachicunca ¿manachu chaitapish yalli achij nicuj sumaj canga?

2 Corintios 4:1

Chaimantami cai ruranataca, Dios ñucanchijta llaquishpa cushcata chasquishcamantaca mana shaicurinchij.

2 Corintios 5:18

Tucui chaicunataca Diosmi rurarca. Paica Cristomanta ñucanchijhuan alli tucushpami, ñucanchijtaca Dioshuan alli tucuichij nishpa huillachun huillajcunata rurarca.

2 Corintios 6:3

Ñucanchij ruracushcata pi ama mana alli nichunmi, pita ñitcachinataca mana mashcarcanchij.

2 Corintios 7:1

Chaimanta c'uyashcacuna, Dios cushami nishcacunata charishcamantaca, ñucanchij aichatapish, yuyaitapish mapayachicujtaca tucui anchuchishunchij. Diosta manchashpa, tucui jucha illaj tucungacama paipajlla alli causashunchij.

Efesios 1:23

Crijcunaca paipaj cuerpomi, paillatajmi tucuicunapi yallijta jundan.

Efesios 4:16

Tucui crijcunaca paihuan shujlla cuerpo cashpami, aicha mucucuna huatarishca shina alli churashca cashpa paillamantataj huiñangapaj chasquicunchij. Chashna cashpami, tucui crijcuna quiquin rurana cashcata alli rurashpa, c'uyaihuan huiñashpa miraricun.

Efesios 4:29

Cancunapaj shimimantaca, ima mapa shimicuna ama llujshichun. Ashtahuanpish uyajcuna sinchiyachun allicunallata rimaichij.

Efesios 4:4

Shuj cuerpollami tiyan, Espiritupish shujllami. Chaimanta shujlla shuyanata shuyachun cayashcacunami canguichij.

Colosenses 1:24

Ñucaca, cancunamanta llaquita apacushpapish, cunanca cushicunimi. Chashna rurashpami Cristo paipaj cuerpo caj tandanacushca crijcunamanta, llaquita apashca shinallataj ñucapish ñuca cuerpopi paimanta llaquita apashpa pajtachicuni.

Colosenses 1:28

Ñucanchijca Cristomantami huillanchij. Tucuicunata cunashpa, tucuicuna imapipish alli yachaj cachunmi yachachinchij. Allitaj cajcunata Cristo Jesusman ricuchingapajmi chashna yachachinchij.

Colosenses 4:17

Arquipomanpish: “Riqui, Taita Diospajta ruranata Mandaj Jesús cushcata chasquishcataca pajtachingui ninmi” nichij.

1 Timoteo 1:12

Ñucanchijta Mandaj Cristo Jesustaca, ñucata sinchiyachishpa, alli crij cashcata ricushpa paipajta rurachun churashcamantami pagui nini.

2 Timoteo 4:11

Lucasllami ñucahuan caipi. Marcosta mashcashpa canhuan pushamui. Paica ñucahuan Diospajta ruranapajca allimi.

2 Timoteo 4:5

Ashtahuanpish canca, tucuipi alli yuyaiyuj cai. Llaquicunatapish apai, alli huillaita huillashpa can rurana cashcataca pajtachi.

Hebreos 13:17

Cancunata michijcunata cazuichij. Paicuna mandashcatapish uyaichij. Diosman imalla rurashcata ricuchina cashcamantami, paicunaca cancunapaj almataca ricuracun. Imalla rurana cashcata cushicuihuan ama llaquirishpa rurachunmi chashna cazuna canguichij. Paicuna llaquirishca rurajpica ima allita mana japinguichijchu.

Hebreos 6:1

Callaripi Cristomanta chaillatataj chaillatataj yachacushcata saquishpa, ashtahuan sinchiyangapaj ñaupajman rishunchij. Huañunaman pushaj millaita ruranataca saquishpa, Diosman cutirinatapish, ima shina crinatapish,