Efesios 4:11 - Dios Rimashca Shimicunami

¹¹ Paillatajmi shujcunataca apostolcuna, caishujcunataca profetacuna, chaishujcunataca alli huillaita huillajcuna, maijancunataca michijcuna yachachijcunapish cachun churarca.

Mushuj Testamento Diospaj Shimi

¹¹ Paillatajmi, maijancunataca huillagrichun mingashca. Shujcunataca Dios ima nishcata huillajcuna cachun, shujcunataca alli huillaita huillajcuna cachun, chaishujcunataca michijcunapish, yachachijcunapish cachunmi churashca.

Efesios 4:11 Iomraidhean Croise

2 CRÓNICAS 15:3

Ña unitamari cancunaca causaj Dios illajlla causacurcanguichij. Shinallataj Diospajta ruranata yachachij curacuna illajllapishmi causacurcanguichij.

JEREMÍAS 3:15

Chaipi cancunata michichunca, ñuca shungu munashca michijcunatami churasha. Paicunamari alli yachaihuan, alli yuyaihuan michingacuna” ninmi.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Hechos 13:1

Antioquiapi caj tandanacushca crijcunapica profetacuna, yachachijcunami tiyarca. Paicunaca: Bernabé, Níger nishca Simón, Cirene pueblomanta Lucio, mandaj Herodeshuan ishqui huiñaj Manaén, Saulopishmi carca.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Hechos 21:8

Cayandij punlla Pablondij ñucanchijndij chaimanta rishpaca Cesareamanmi chayarcanchij. Chaipica alli huillaita huillaj Felipepaj huasiman rishpami, chaipi pozarcanchij. Paica ayudaj cachun agllashca canchispuramantami carca.

Romanos 12:7

Shujtajcunapaj allita rurajca, allita ruranapi cachun. Yachachijca yachachinapi cachun.

1 Corintios 12:4

Diospajta rurachun cushca rurai tucunaca ch'ican ch'icanmi tiyan, ashtahuanpish chai rurai tucunata cuj Espirituca shujllami.

Efesios 2:20

Apostolcunahuan, profetacunahuan callarichishca jahuapi sinchita huasichishcacunami canguichij. Chai callaripi churashca rumica Jesucristomi.

Efesios 3:5

Pi mana yachashcata ñaupaca piman mana yachaj chayachishcata cunanca, paipaj jucha illaj apostolcunaman, profetacunaman paipaj Espirituhuanmi ricuchirca.

Efesios 4:8

Chaitami: “Jahua pachaman huichiyashpaca, prezu cajcunatami prezu aparca. Gentecunamanca Dios cusha nishca rurai tucunatami curca” ninmi.

2 Timoteo 4:5

Ashtahuanpish canca, tucuipi alli yuyaiyuj cai. Llaquicunatapish apai, alli huillaita huillashpa can rurana cashcataca pajtachi.

Hebreos 5:12

Achca huatacunapica, ña yachachijcuna canapaj randica, Dios imallata nishca shimicunataca punta yachachishcallatataj cutin cutin yachachicunallamari tucushcanguichij. Sinchi micuita micunapaj randica, lechallata ubyacuj llullu huahuacuna shinamari tucushcanguichij.

Judas 1:17

Chaimanta c'uyashcacuna, apostolcuna ñucanchijta Mandaj Jesucristomanta ñaupaman imalla nishcacunata cancunaca yuyaipi canguichij.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

Apocalipsis 21:14

Pueblo muyundijta pircashcaca chunga ishqui rumicuna jahuapimi carca. Chai chunga ishqui rumicunapica, Ovejapaj, chunga ishqui apostolcunapaj shuticunapishmi quillcashca carca.