Efesios 3:9 - Dios Rimashca Shimicunami

⁹ Imalla rurana cashcata ña allichishcataca, pi mana yachashcata allitaj tucuicunaman huillachunpishmi curca. Chaitaca tucui imatapish ruraj Diosmi, huiñaimanta pacha pacalla charicurca.

Mushuj Testamento Diospaj Shimi

⁹ Tucuita ruraj Diosca, chashna rurana tucushpa, ñaupamanta pacalla charicushcatami, tucuicunaman alli entendichishpa huillachun mandarca.

Efesios 3:9 Iomraidhean Croise

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

ISAÍAS 44:24

Mamapaj huijsa ucumantapacha canta cuidaj canta Quishpichij Mandaj Diosca cashnami nin: “Ñucaca tucuita ruraj Mandaj Diosmi cani. Ñucallatajmi jahua pachatapish linsota chutaj shina churarcani. Cai pachatapish ñucallatajmi tucuita rurarcani. Ñucataca pi mana ayudarcachu.

Mateo 10:27

Cancunaman tuta yachachishcataca punlla huillanguichij. Rinrinllapi huillashcataca, huasi jahuamanta caparishpa huillanguichij.

Mateo 13:35

Paicunata chashna yachachishpaca: “Cai pacha callarimanta pacalla cajtaca yuyachij parlocunallahuanmi ñuca shimihuantaj parlasha” nishpa profeta huillashca pajtachunmi Jesusca chashna yachachirca.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Juan 10:30

Ñuca Yayapish, ñucapish shujllami canchij– nijpimi,

Juan 5:17

Chaimi Jesusca: –Ñuca Yayaca, trabajanataca mana saquinchu. Ñucapish trabajanataca mana saquinichu– nirca.

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Hechos 15:18

Ñaupa huatacunamantapacha tucuita huillachij Jatun Diosmi chashna” nin.

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

1 Corintios 2:7

Ashtahuanpish Diospaj pacallapi tiyacuj yachaimantami huillacunchij. Paipaj pacallapi caj yachaitaca, ñucanchijta sumajyachingapajmi cai pacha manaraj tiyajpi ña charicushca.

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Efesios 3:2

Dios mana c'uyaipajta c'uyashcata, cancunapurapi apachun ñucaman mingashcataca uyashcanguichijmi.

Efesios 6:19

Pi mana yachashca alli huillaita mana manchashpa yachaj chayachingapaj, ñuca shimita pascajpi rimanata ñucaman cuchun, ñucamantapish mañaichij.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Colosenses 1:26

Patsaj patsaj huatacuna ñaupaman causajcunapajca, pi mana yachashca pacallami cashca. Chaitaca cunan paipaj jucha illajcunamanmi ricuchishca.

Colosenses 3:3

Cristohuan huañushcami carcanguichij. Cancunapaj causaica, Cristohuanmi Diospi pacashca tiyacun.

Colosenses 4:3

Cristopaj pi mana yachashcata ñucanchij huillangapaj Mandaj Jesusllataj punguta pascachun ñucanchijmantapish Taita Diosta mañapaichij. Chashna huillacushcamantami prezu cani.

2 Tesalonicenses 2:13

Mandaj Jesús c'uyashca huauquicuna, ñucanchijca cancunamantaca Taita Diostaca pagui nicunallamari canchij. Taita Diospaj Espíritu jucha illajta rurajpi mana llullashpa huillashcata crijpi quishpichingapajmi Taita Diosca manaraj cai pachata rurashpa cancunataca agllarca.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

2 Timoteo 1:9

Diosmi ñucanchijta jucha illaj cachun cayashpa quishpichirca. Mana ñucanchij imata rurashcamantachu chashna rurarca. Ashtahuanpish pai munashca shinami mana c'uyaipajta c'uyashpa Cristo Jesushuan shujllata rurashpa chashna rurarca. Chaitaca huiñai, huiñaimantami Diosca chashna rurasha nishca.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

Tito 1:2

Ñucanchijca huiñai causaiyuj cashca yuyaillami canchij. Mana llullaj Diosca, chai causaitaca manaraj cai pachapi ima tiyajpimi cusha nirca.

1 Pedro 1:20

Paitaca manaraj cai pachata rurashpami, huañunami nishca carca. Chaitaca cancunata c'uyashcamantami, cai punllacunapi ricuchishca.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 14:6

Chai q'uipaca, chaupi cielota shujtaj ángel volacujtami ricurcani. Paica allpapi causajcunamanca, tucui llajtacunaman, ch'ican ch'ican aillucunaman, ch'ican ch'ican rimaicunaman, tucui pueblocunamanpish huiñaipaj alli huillaita huillanapaj charicujtami ricurcani.

Apocalipsis 17:8

Can ricushca jatun animalca ñaupamanca tiyarcami, cunanca ña illanmi. Chai jatun animalca jatun llaquipi chingarinaman ringapajllami ucujta jutcumanta ñalla llujshimugrin. Ñaupaman tiyaj, cunanca illaj, shamunapaj caj jatun animal cutin shamujpica, allpa pachapi causajcuna ricushpaca achcatami mancharingacuna. Chaicunaca causanaman rinapaj libropi paicunapaj shuticunata allpa pachata rurashca pachamanta mana quillcashcacunami chashna mancharingacuna” nircami.

Apocalipsis 4:11

“Jatun Dios, canca jatunmari cangui, allimari cangui, Tucuita rurai tucujmari cangui nishcataca chasquipaj allimari cangui. Canmari tucui ima tiyajtapish rurashcangui. Can munashpa rurashcamantami tucui imapish tiyan” nicurcacunami.