Efesios 3:8 - Dios Rimashca Shimicunami

⁸ Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Mushuj Testamento Diospaj Shimi

⁸ Ñucaca, Diospajlla cajcunamantaca, tucuicunapaj qʼuipallami cani. Shina cajpipish Diosca, mana cʼuyaipajta cʼuyashpallami, Cristo tucuita yalli charij cashca alli huillaita huillagrichun mingahuarca. Chaitami, mana israelcunamanca huillacuni.

Efesios 3:8 Iomraidhean Croise

1 CRÓNICAS 17:16

Chashna nijpi jatun mandaj David yaicushpa, Mandaj Diospaj ñaupajpi shayarishpaca: “Ñucata Mandaj Taita Dios, ñucaca ¿pitaj caniyari? Ñuca huasi familiapish ¿pitaj cajpi ñucanchijtaca caicama pushamunguiyari?

SALMOS 31:19

Quiquinpaj c'uyaica yallitaj jatunmi. Chaitaca quiquinta manchajcunapajmi huaquichishcangui. Quiquinpi shunguta churajcunapimi ricuchishcangui. Chaitaca huañujlla aichayuj runacunapaj ñaupajpimi ricuchishcangui.

Lucas 14:22

Amopajta ruraj tigrashpaca: “Amito, can mandashca shinallatajmi pushamuni, manaraj jundanchu” nijpimi,

Juan 1:16

Paica tucuihuan junda cajpimi, mana c'uyaipajta c'uyaitaca tucuicuna jahuanpi jahuanpi chasquinchij.

Hechos 5:41

Paicunaca mandajcunapuralla tandanacushcacunapaj ñaupajmantaca, Jesucristomanta llaquita apajcunatajmi cashcanchij nishpami cushicushpa llujshircacuna.

Hechos 9:15

Chaimi Mandaj Jesusca: –Rilla, paitaca mana israelcunamanpish, jatun mandajcunamanpish, israelcunamanpish ñucamanta huillaj cachunmi agllarcani.

Romanos 11:33

¡Diosca tucuita yalli yachaj canata, yuyaiyuj canata yallitaj charijmari! ¡Pai imata yuyacushcatapish, pi mana yachai tucunchu! ¡Pai imata ruracushcatapish, pi mana entendi tucunchu!

Romanos 12:10

Quiquin huauquindij shina caishuj chaishuj c'uyanacuichij. Caishuj chaishuj ñucata yalli allimi cangui ninacuichij.

Romanos 2:4

¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

1 Corintios 15:9

Diospaj tandanacushca crijcunata catirashpa llaquichij cashcamantaca, caishuj apostolcunapaj q'uipallami cani. Apóstol nishcapish mana caipajmi cani.

1 Corintios 2:9

Shina cajpipish cashnami quillcashca tiyacun: “Ñahui mana ricushcata, rinrin mana uyashcata, pi mana shungupi yuyashcatapishmi, Diosca, paita c'uyajcunapajca allichishca” ninmi.

Gálatas 1:16

Mana judiocunapurapi huillachunmi, paipaj Churita ñucaman ricuchirca. Chaimi pita mana tapurcani.

Gálatas 2:8

(Circuncisionta rurashcacunaman apóstol Pedrota huillachijllatajmi, ñucatapish mana judiocunaman huillachirca).

Efesios 2:7

Paipaj mana c'uyaipajta c'uyaj canahuan yallitaj charij cashcata shamuj punllacuna, Cristo Jesusmanta ñucanchijman ricuchingapajmi chaipi tiyachirca.

Efesios 3:1

Ñucaca Cristo Jesusmanta mana judiocunapaj allipaj huillacushcamanta prezupi caj Pablomi cani.

Efesios 3:16

Diosca sumajyaita achcata charij cashcamantaca, paipaj Espirituhuan poderta cushpa cancunapaj shungupi sinchiyachichunmi mañacuni.

Efesios 3:19

Shinallataj Cristopaj c'uyaita rijsinaca tucui yachaitapish yalli jatunmari. Chaita rijsishpaca, Dios ima shina cashcahuan yallitaj junda cachunmi mañacuni.

Efesios 3:2

Dios mana c'uyaipajta c'uyashcata, cancunapurapi apachun ñucaman mingashcataca uyashcanguichijmi.

Filipenses 2:3

Imata rurashpapish mishanacushpa yanga jatun tucunapajllaca ama ruraichijchu. Chaipaj randica, ama jatun tucushpa caishujcunaca canta yalli cashcata yuyashpa, caishuj chaishuj c'uyanacuichij.

Filipenses 4:19

Ñuca Diosmi, Cristo Jesusmanta sumaj llajtapi paipaj charishcacunamanta, cancunapaj tucui ima illashcacunatapish cunga.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

1 Timoteo 1:15

Tucuicuna alli nishpa, chasquinalla shimica caimi: Cristo Jesusca juchayujcunata quishpichingapajmi cai pachaman shamurca. Chaicunamanta yallica, ñucami yallitaj juchayuj cani.

1 Timoteo 2:7

Chaita huillachun churashca apostolmi cani. Mana judiocunaman mana llulla crinata yachachij cachun churashcami cani. Chaitami Cristomantaca, mana llullashpa huillani.

2 Timoteo 1:11

Cai alli huillaita mana judiocunaman huillachun, apóstol cachun, yachachij cachun churashcami cani.

Apocalipsis 3:18

Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.