Efesios 3:7 - Dios Rimashca Shimicunami

⁷ Chaita huillaj cachunmi, mana c'uyaipajta c'uyaj canata cushpa, paipaj poderhuan rurachingapaj ñucataca Diospajta rurajta rurashca cani.

Mushuj Testamento Diospaj Shimi

⁷ Ñucataca, Tucuita Rurai Tucuj Diosmi, mana cʼuyaipajta cʼuyashpalla, chai huillaita huillagrichun mingarca.

Efesios 3:7 Iomraidhean Croise

ISAÍAS 43:13

Punlla manaraj tiyajpimi ñucaca ña tiyarcani. Ñuca maquimanta cacharichijca pi mana tiyanchu. Ñuca imata rurasha nishcataca, ¿pitaj jarcangari? ninmi.

Hechos 9:15

Chaimi Mandaj Jesusca: –Rilla, paitaca mana israelcunamanpish, jatun mandajcunamanpish, israelcunamanpish ñucamanta huillaj cachunmi agllarcani.

Romanos 1:5

Paimantami mana c'uyaipajta c'uyaj canata, apóstol canatapish chasquircanchij. Chaimanta paipaj shutita c'uyashpami, tucui mama llajtacuna Jesucristota crichun huillacunchij.

Romanos 12:3

Dios ñucata mana c'uyaipaj cajpipish c'uyashpa cushcamantami, cashna yachachisha nini. Cancunapurapica, caishujta yalli cashcataca ama yuyaichijchu. Ashtahuanpish cada quiquinman crinata Dios cushca shinallataj, canca ima shina cashcata alli yuyaringui.

Romanos 15:16

mana judiocunapajpi Jesucristopajta rurashpa, Diospaj alli huillaita mingashcata alli apachun cushcamantami chashna yuyachini. Mana judiocunatapish jucha illaj Espíritu jucha illajta rurajpi, Dios munashca shina ofrenda cachunpishmi chashna quillcani.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

1 Corintios 3:5

¿Pablopish, Apolospish imataj canchigari? Ñucanchij huillajpimi crircanguichij. Ñucanchijca Cristopajta rurajcunallami canchij. Ñucanchijca cada quiquinman imata rurai tucunata Mandaj Jesús cushca shinalla rurajcunami canchij.

2 Corintios 3:6

Mushuj ruranata ari nishcapi ruraj cachunpish, paillatajmi yachachirca. Chaica mana quillcashcamantachu, ashtahuanpish Diospaj Espiritumantami. Quillcashpa mandashcaca huañuchijmi, ashtahuanpish Diospaj Espirituca causaita cujmi.

2 Corintios 4:1

Chaimantami cai ruranataca, Dios ñucanchijta llaquishpa cushcata chasquishcamantaca mana shaicurinchij.

Gálatas 2:8

(Circuncisionta rurashcacunaman apóstol Pedrota huillachijllatajmi, ñucatapish mana judiocunaman huillachirca).

Efesios 1:19

Shinallataj mana ch'imbapuraipaj paipaj jatun poderta ñucanchij crijcunaman cushcaca, tucui imatapish rurai tucuj poder cashcata ricuchichunmi mañacuni.

Efesios 3:2

Dios mana c'uyaipajta c'uyashcata, cancunapurapi apachun ñucaman mingashcataca uyashcanguichijmi.

Efesios 3:20

Diosca tucui imatapish rurai tucuj cashcamantaca, ñucanchijpi rurachicuj poderhuanmi ñucanchij imata mañashcatapish, yuyashcatapish ashtahuan yallita ruran.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Efesios 4:16

Tucui crijcunaca paihuan shujlla cuerpo cashpami, aicha mucucuna huatarishca shina alli churashca cashpa paillamantataj huiñangapaj chasquicunchij. Chashna cashpami, tucui crijcuna quiquin rurana cashcata alli rurashpa, c'uyaihuan huiñashpa miraricun.

Colosenses 1:29

Chaipajca Cristo ima shina fuerzata cushcahuanmi macanacucuj shina trabajacuni. Chai fuerzami ñucapica poderhuan rurachicun.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.

Hebreos 13:21

Tucui imatapish pai munashca shina allita rurajcuna cachunca, Diosllataj cancunataca yachachichun. Jesucristomantami tucui cancunataca paillataj pai munashca shinata rurachicun. Pai Jesucristotaca huiñai huiñaita jatunyachishca cachun. Chashna cachun.