Efesios 3:5 - Dios Rimashca Shimicunami

⁵ Pi mana yachashcata ñaupaca piman mana yachaj chayachishcata cunanca, paipaj jucha illaj apostolcunaman, profetacunaman paipaj Espirituhuanmi ricuchirca.

Mushuj Testamento Diospaj Shimi

⁵ Cai huillanataca, ñaupaca piman manaraj yachaj chayachishcachu. Chaitamari Diosca, huillagrichun mingashca Paipajlla huillajcunamanpish, Pai Dios ima nishcata huillajcunamanpish, Paipaj Espirituhuan huillachishpa, cunan ricuchishca:

Efesios 3:5 Iomraidhean Croise

ISAÍAS 52:15

Chai shinallatajmi achca llajtacunapish mancharingacuna. Jatun mandajcunapish paipaj ñaupajpica tucuicunami imata mana ni tucunga. Paicunaman pi mana parlashcatami uyangacuna. Maipi manataj uyashcatami yachaj chayangacuna.

Mateo 13:17

Profetacunapish, cashcata rurajcunapish cancuna ricucuntaca ricunaihuan cashpapish, mana ricurcacunachu. Cancuna uyacuntaca uyanaihuan cashpapish, mana uyarcacunachu. Chaica chashnatajmi– nircami.

Mateo 20:7

Chaimi paicunaca: “Imata rurachun pi mana cunchu” nijpi, chagrayujca: “Cancunapish ñuca uvas chagraman richij, cancuna japina cashcata cushallami” nishpa cacharca.

Mateo 23:34

Ñucaca profetacunata, yachaisapacunata, Mandashcacunata quillcajcunatapish cancunapajman cachashami. Chai cachashcacunataca maijancunataca huañuchinguichijmi, maijancunataca chacatanguichijmi. Shinallataj shujcunataca, cancunapaj sinagogacunapi azotinguichijmi, maijancunataca pueblon pueblon catirashpami llaquichinguichij.

Lucas 10:24

Profetacunapish, jatun mandajcunapish cancuna ricucunta ricunaihuan cashpapish, mana ricurcacunachu. Cancuna uyacunta uyanaihuan cashpapish, mana uyarcacunachu. Chaica chashnatajmi– nircami.

Lucas 11:49

Chaimantami Taita Diosca tucuita yachaj cashpa: “Profetacunatapish, apostolcunatapish ñucaca cachashami. Paicunamanta maijancunataca huañuchingacunami, shujtajcunataca catirashpami llaquichingacuna” nirca.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 16:13

Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.

Hechos 10:28

Chaimi Pedroca paicunataca: –Judiocunaca, mana judiocunahuanca mapayanamanta mana tandanacuna, mana c'uchuyanallapish cashcataca cancunallataj yachanguichijmi. Ñucanchijca cancunataca yanga runacunalla cashcata yuyashpa causacujpimi Taita Diosca: “Canca pitapish millananmi, mapami nishpaca ama ningui” nishpa ricuchishpa huillarca.

Romanos 16:25

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca.

1 Corintios 2:10

Ashtahuanpish Diosca, paipaj Espirituhuanmi chaicunataca ñucanchijmanca ricuchishca. Espirituca, Diospaj tucui imalla yachaitaca tucuitami alli yachan.

Efesios 2:20

Apostolcunahuan, profetacunahuan callarichishca jahuapi sinchita huasichishcacunami canguichij. Chai callaripi churashca rumica Jesucristomi.

Efesios 3:9

Imalla rurana cashcata ña allichishcataca, pi mana yachashcata allitaj tucuicunaman huillachunpishmi curca. Chaitaca tucui imatapish ruraj Diosmi, huiñaimanta pacha pacalla charicurca.

2 Pedro 3:2

Diospajlla caj profetacuna ñaupaman huillashcatapish Quishpichij Mandaj Jesús huillagri nishca apostolcuna cancunaman huillashcatapish alli yuyarichunmi quillcani.

Judas 1:17

Chaimanta c'uyashcacuna, apostolcuna ñucanchijta Mandaj Jesucristomanta ñaupaman imalla nishcacunata cancunaca yuyaipi canguichij.