Efesios 3:16 - Dios Rimashca Shimicunami

¹⁶ Diosca sumajyaita achcata charij cashcamantaca, paipaj Espirituhuan poderta cushpa cancunapaj shungupi sinchiyachichunmi mañacuni.

Mushuj Testamento Diospaj Shimi

¹⁶ Paitami caita mañacuni: Tucuita yalli sumaj achij nicuj canata charij Taita Dios, Paipaj Espirituhuan cancunapaj shunguta sinchiyachichunmi mañani.

Efesios 3:16 Iomraidhean Croise

JOB 23:6

¿Ñucataca sinchita rimashpachu cutichinman imatajshiyari? Mana, ashtahuanpish paica ñucataca uyanmanllami.

SALMOS 138:3

Quiquinca ñuca mañancami uyangui. Ñuca almata sinchiyachishpami fuerzata cungui.

SALMOS 28:8

Mandaj Diosca pai agllashcacuna paca tucuna pircami. Pai ch'icanchishca miticushpa quishpirinami.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

ZACARÍAS 10:12

Mandaj Dios ñucami paicunamanca fuerzata cusha. Chaimantami paipaj shutillapi puringacuna” ninmi Mandaj Diosca.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Romanos 2:29

Ashtahuanpish shungumantataj judiomi, judiotajca, circuncisiontapish shungupimi rurachishca. Chaitaca Espiritumi ruran, mana quillcashca Mandashcachu ruran. Chashna cajtaca mana runacunachu alli nin, ashtahuanpish Taita Diosmi alli nin.

Romanos 7:22

Ñuca ucu yuyaipica, Dios mandashcallahuanmi cushicuni.

Romanos 9:23

Diosca, pai sumaj canahuan charij cashcataca pai llaquingapaj rurashca vasocunamanmi ricuchisha nirca. Paicunapish paipaj sumaj canapi cachunmi, ñaupaman chashna allichirca.

1 Corintios 16:13

Chaparaichij, crishcapi sinchi caichij. C'ari c'ari sinchicuna caichij.

2 Corintios 12:9

Chashna mañajpipish, paica: “Ñuca mana c'uyaipajta c'uyashcahuan cushicui. Irquilla cajpimi ñuca poderca ashtahuan alli jundanga” nircami. Chaimanta ñucaca Cristopaj poder ñucapi causachunca, tucui munaihuanmi ashtahuanpish irquilla cashpaca jatun tucusha.

2 Corintios 4:16

Chaimantami saquishalla mana ninchij. Ashtahuanpish ñucanchij jahua aicha maucayacujpipish, ucu yuyaica punllantami ashtahuan ashtahuan mushujyashpa caticun.

Efesios 1:18

Pai Diosca, cancunapaj yuyaipaj ñahuita achijyachishca cachunmi mañacuni. Chashna achijyachijpimi, cancunaca imata shuyanapaj cayashca cashcata, jucha illajcunahuan achcata charina sumaj herenciapish ima cashcata yachanguichij.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 2:7

Paipaj mana c'uyaipajta c'uyaj canahuan yallitaj charij cashcata shamuj punllacuna, Cristo Jesusmanta ñucanchijman ricuchingapajmi chaipi tiyachirca.

Efesios 3:15

(Paimantami jahua pachapi, cai pachapipish tucuicuna paipaj shutita chasquincuna).

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Efesios 6:10

Ñuca huauquicunalla caillahuanmi nisha nini, paipaj poderyuj fuerzahuan Mandaj Jesuspi sinchiyaichij.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Filipenses 4:19

Ñuca Diosmi, Cristo Jesusmanta sumaj llajtapi paipaj charishcacunamanta, cancunapaj tucui ima illashcacunatapish cunga.

Colosenses 1:11

Tucuipi paipaj sumaj poderhuan sinchiyachijpi mana p'iñarij, sinchi cachunpishmi mañacunchijlla.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

Colosenses 2:2

Paicunapaj shungucunapi cushicuchun, c'uyaipi shujlla cashpa alli entendij canata charij canaman chayachunmi macanacucuni. Chashna cashpami Dios Yayamanta, pi mana yachashca pacalla cajca Cristo cashcata alli yachangacuna.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

Hebreos 11:34

Yallitaj lunyacuj ninatapish, huañuchircacunami. Espadahuan huañuchishca canamantapish quishpirircacunami. Fuerza illajcuna cashpapish, fuerzayujmi tucurcacuna. Jatun macanacuipipish c'ari c'ari shayarishpami, shujtaj llajtamanta macanacungapaj shamuj soldadocunatapish mishashpa callpachircacuna.

1 Pedro 3:4

Chaipaj randica, ucu shungu yuyaita allichichij. Chashna cashpami mana p'iñarij alli shungu, mana ismuchij yuyaiyuj canguichij. Chaitami Diosca yallitaj munan.